一葉台灣料理

Open Now

Now Closed

今日去完鰂魚涌開會，順便搵嗰頭返工嘅friend一齊食晚飯🥣朋友話呢邊有間好好味嘅隱世台式料理，當然要嚟呢度試吓啦！見到夏日推介個Menu好似好正咁，所以我哋幾乎叫晒成個Menu啲嘢食🤣🤣🤣⭐️和風涼拌珊瑚草第一次食珊瑚草，口感有啲似海蜇頭，爽爽脆脆！加埋個 source，好味又開胃！原來珊瑚草有豐富礦物質同營養價值，有「海底燕窩」之美名！健康又美味！真心推介，必食之選！⭐️三杯蛋豆腐用三杯雞嘅煮法嚟煮豆腐都係第一次食！惹味之餘又唔肥膩！豆腐非常滑，又有蛋香！健康之選啱晒女仔食！⭐️台式花枝酥外皮又薄又香脆，而入邊嘅花枝QQ彈牙！加埋啲香鹽喺面就更加惹味！好似去咗台灣食咁！⭐️台式蔥油拌麵加雞扒雞扒大大塊，而且入邊好Juicy，一啲都唔乾！加埋個酸甜汁，真係非常夾！拌麵軟硬程度剛剛好，入味之餘又唔會太咸！總括嚟講，朋友真係冇介紹錯！呢餐台灣菜特別之餘又健康又好食，同埋好抵食，下次會再嚟試吓其他菜式！

好朋友介紹這間台式小店在鰂魚涌，今日來食晚餐。在芬尼街的小巷，店在街頭的的左手邊。雖然地方唔算好大，但環境簡約乾淨，有好多美食的圖畫相片作裝飾。音樂播放讓氣氛唔會單調服務好親切，如小家庭的感覺，服務員姐姐互相關係幾好，又主動添暖水、收碟，上菜速度都好快！餐牌有2份：1張廚師推介的菜餚及特飲推介，另外有一本是主餐牌，內有好多款台式菜餚選擇，也有好多精美的圖畫，好吸引！價錢抵食合理。這裡也有外賣送餐提供，見好多外賣單、也有客人自取。1. 番茄牛肉麵番茄煮爛成濃郁湯底，如雜菜湯一樣濃郁，香軟的洋蔥粒雜菜粒，酸酸甜甜好開胃，味道唔會太咸，好野味！牛肉厚身又軟腍又牛味濃郁，如牛腩的口感，更配有爽脆健康的生菜，手工台灣麵條獨特口感，份量多又有咬口又軟硬適中，推薦喔！2. 三杯蛋豆腐熱辣辣香噴噴上枱，蛋豆腐外面香口內面軟滑，醬汁香濃野味，吸了汁的豆腐好入味好正！原個砂鍋上，可以保持溫度，香口美味！3. 台式香腸炒高麗菜台式香腸好薄身又滋味，肥瘦剛好又香口；高麗菜炒得好香軟，好入味好美味，健康之選！喜歡這間價錢合理抵食又份量大的小店，好滿足喔！