花月宮

Open Now

Now Closed

《花月宮》早排去完韓國街覓食，意外地搵地一間火鍋店，見裝修唔錯，同埋又做緊優惠，就入左去啦~ 鋪頭面積大，空間感好足夠 ，座位都非常寬落， 叫完野食之後，即使擺滿曬張枱都唔會好逼！ ▪️▪️▪️▪️▪️▪️▪️▪️▪️▪️▪️🔸花月宮特色四格鍋 （$268）特色四格鍋有四種唔同湯底~ 有蕃茄濃湯海鮮、四川麻辣、藥膳花雕醉雞同埋黑松露野菌！每個湯底都各有特色～蕃茄濃湯海鮮🍅湯底配料有蕃茄、薯仔、蝦同埋青口、墨魚仔，海鮮份量以配料嚟講都算幾多🥳四川麻辣🌶️麻辣味幾重😎 入邊仲有D極吸汁既配料~蜂巢豆腐同鴨血極入味！藥膳花雕醉雞🐓花雕醉雞另外上，份量好多，建議分2轉落。除咗份量十足之外，雞帶有好濃嘅花雕酒味，肉質都好嫩滑😍黑松露野菌湯底有好多款唔同既菇，同埋黑松露嘅味道都好突出！ 同肉類原來都幾夾！值得一試~🔸牛將軍拼盤（$138）三種唔同嘅爽口食物一次過食曬😎 自己最鍾意嘅係牛黃喉~非常爽口😍🔸美國頂級手切封門柳（$238）封門柳份量實在~ 肉質有咬口🥳 而且肉味都濃郁~打邊爐食一流！！🔸三色滑（$88）一次食曬蝦、干貝、墨魚三種唔同既滑~小編最鍾意蝦滑！除咗蝦味突出之外，配埋四種唔同湯底食好似食緊四樣嘢咁🥳🔸薄

天氣凍嘅最佳節目就係打邊爐，之前食晏發現尖沙咀又有一間新開嘅火鍋店，餐廳名叫「花月宮」，呢晚放工就一於嚟烚吓烚吓🌸。餐廳環境唔錯，燈光明亮💡，而且食完個身都無一大浸味。同時，餐枱闊落，客人坐得舒服。我仲留意到呢度設有包廂房間呢。火鍋食材選擇算多，價格屬中等水平，份量亦適中。佢另外仲提供少量特色小食，例如麻辣前菜同炸物等，望落都幾吸引，但肚皮有限🙈。花月宮特色四格鍋($268)，呢個四合為一嘅湯底值得高度推介🍲，單點鍋都要接近$100，而家可以用一個價錢試匀多款口味！第一款係藥膳花雕花膠醉雞鍋🐔，估唔到併搭都附送一份雞同花膠，有雞髀同胸。由於係藥膳底，所以味道偏甘苦，帶少少蔘味，不過酒味就唔重。第二款係黑松露野菌鍋🍄，菇湯超好飲，味道清甜，菇香撲鼻，適合淥菜同麵食。第三款係四川麻辣鍋🌶，辣度唔算好強，但同樣帶啲藥膳味，湯底本身附有索湯嘅蜂巢豆腐同鴨血。最後就係蕃茄濃湯海鮮鍋，我認為海鮮味比起蕃茄味更突出🍅，海鮮有蝦、青口同魷魚等。三色滑($128)，手打滑有三味🍢，圖左至右分別係干貝滑、墨魚滑同鮮蝦滑，每款大約可分到六粒，都算抵食。三款味道有明顯唔同，不過質感同樣彈牙，其中以干貝最特別，

行開尖沙咀都必經金巴利道，最近發現金巴利道多左好多新餐廳，見到有人派傳單，加上天氣凍凍地就去左【花月宮】，聽個名好似去左古代的宮廷一樣。餐廳裝修好靚好高貴，好多卡位，而且座位寬敞。另外仲有3間VIP房，房入面每枱至少10-12人，其中兩間仲可以打通，岩晒黎近聖誕新年有聚會既朋友仔。餐廳用QR code落單，為左方便大家，亦有安排紙質版，非常貼心。 - 湯底 -⦁花月宮特色四格鍋 $268睇完餐牌就俾個「特式四格鍋」吸引住😍，每格湯底非常足料，想試晒咁多口味嗌尼款就岩，性價比好高！ 1️⃣四川麻辣鍋尼款夠麻夠辣，非常重口味！入面仲有蜂巢豆腐、鴨血，尼兩款都系食辣必加既吸湯配料，食唔夠先再嗌！2️⃣黑松露野菌鍋勁濃菇既香味，加埋淡淡既黑松露味，湯底愈食愈濃，加左3次高湯都keep住菇既香味。3️⃣番茄濃湯海鮮鍋唔好以為佢係好普通既番茄湯，除左番茄夠多，仲要有埋薯仔，飲落好似屋企煲開既湯咁！4️⃣藥膳花雕花膠醉雞鍋尼款真心要讚‼️上起爐果陣，店員已經提醒我地，當湯底滾起可以放雞件、花膠等落去，再等下一次滾起便可食雞。時間控制到好好，雞肉滑嫩，湯底藥材味濃，聞落又有淡淡既花雕酒味。真心講尼格湯底既雞，我都可以