Video
Read full review
2023-01-10
29 views
天氣凍嘅最佳節目就係打邊爐，之前食晏發現尖沙咀又有一間新開嘅火鍋店，餐廳名叫「花月宮」，呢晚放工就一於嚟烚吓烚吓🌸。餐廳環境唔錯，燈光明亮💡，而且食完個身都無一大浸味。同時，餐枱闊落，客人坐得舒服。我仲留意到呢度設有包廂房間呢。火鍋食材選擇算多，價格屬中等水平，份量亦適中。佢另外仲提供少量特色小食，例如麻辣前菜同炸物等，望落都幾吸引，但肚皮有限🙈。花月宮特色四格鍋($268)，呢個四合為一嘅湯底值得高度推介🍲，單點鍋都要接近$100，而家可以用一個價錢試匀多款口味！第一款係藥膳花雕花膠醉雞鍋🐔，估唔到併搭都附送一份雞同花膠，有雞髀同胸。由於係藥膳底，所以味道偏甘苦，帶少少蔘味，不過酒味就唔重。第二款係黑松露野菌鍋🍄，菇湯超好飲，味道清甜，菇香撲鼻，適合淥菜同麵食。第三款係四川麻辣鍋🌶，辣度唔算好強，但同樣帶啲藥膳味，湯底本身附有索湯嘅蜂巢豆腐同鴨血。最後就係蕃茄濃湯海鮮鍋，我認為海鮮味比起蕃茄味更突出🍅，海鮮有蝦、青口同魷魚等。三色滑($128)，手打滑有三味🍢，圖左至右分別係干貝滑、墨魚滑同鮮蝦滑，每款大約可分到六粒，都算抵食。三款味道有明顯唔同，不過質感同樣彈牙，其中以干貝最特別，
天氣凍嘅最佳節目就係打邊爐，之前食晏發現尖沙咀又有一間新開嘅火鍋店，餐廳名叫「花月宮」，呢晚放工就一於嚟烚吓烚吓🌸。
餐廳環境唔錯，燈光明亮💡，而且食完個身都無一大浸味。同時，餐枱闊落，客人坐得舒服。我仲留意到呢度設有包廂房間呢。
火鍋食材選擇算多，價格屬中等水平，份量亦適中。佢另外仲提供少量特色小食，例如麻辣前菜同炸物等，望落都幾吸引，但肚皮有限🙈。
花月宮特色四格鍋
$268
18 views
0 likes
0 comments
花月宮特色四格鍋($268)，呢個四合為一嘅湯底值得高度推介🍲，單點鍋都要接近$100，而家可以用一個價錢試匀多款口味！第一款係藥膳花雕花膠醉雞鍋🐔，估唔到併搭都附送一份雞同花膠，有雞髀同胸。由於係藥膳底，所以味道偏甘苦，帶少少蔘味，不過酒味就唔重。
第二款係黑松露野菌鍋🍄，菇湯超好飲，味道清甜，菇香撲鼻，適合淥菜同麵食。第三款係四川麻辣鍋🌶，辣度唔算好強，但同樣帶啲藥膳味，湯底本身附有索湯嘅蜂巢豆腐同鴨血。最後就係蕃茄濃湯海鮮鍋，我認為海鮮味比起蕃茄味更突出🍅，海鮮有蝦、青口同魷魚等。
三色滑
$128
12 views
0 likes
0 comments
三色滑($128)，手打滑有三味🍢，圖左至右分別係干貝滑、墨魚滑同鮮蝦滑，每款大約可分到六粒，都算抵食。三款味道有明顯唔同，不過質感同樣彈牙，其中以干貝最特別，因為真係食到一絲絲。
一口牛柳粒($108)，🥩牛柳粒有成十幾廿蚊，肉味OK，但個別有幾粒脂肪比例較高。
薄切牛舌心($88)，👅牛舌有十片，雖然薄切，但口感都幾爽彈。
稻庭鳥冬($28)，🍜打邊爐一定要食烏冬，我話嘅！麵條滑溜又掛湯，配野菌湯食無得輸。
西洋菜($48)，西洋菜係冬天嘅時令菜💚，菜葉好甜，淥菇湯令湯底變得更香，而菜亦更好食。
玉油柑茶($68/渣)，我第一次聽同飲玉油柑茶🍵，味道幾得意，又有啲似曾相識，唔識形容。整體唔太甜，感覺幾清熱、解渴。
醬介費每位$18，佢提供九宮格供自選，但湯底夠味，我都無乜點蘸醬😛。
總括嚟講，今晚打邊爐難得唔覺熱氣，可能因為養生湯底關係，佢個四格湯鍋絕對值得一試啊👍。
Post
