瘋鳥 (Closed)

友人放假，特登出九龍搵我食晚飯，而佢又深知我係PIZZA愛好者，所以上網見到唔少人推介呢間CAFÉ小店既芝士PIZZA，少有地提出建議，咁我當然接納啦😏。餐廳無DINNER SET，全部都係散叫，食客可以自由配搭，價錢唔算貴。我同友人都係大食鬼😆，點左兩個主食、一個PIZZA、兩杯飲品。由於點左主菜，飲品可減$20，分別點左Cappuccino補$15、荔枝櫻花茶補$18前者係全餐最好味既野😋，咖啡好香、唔會太濃太刺激，夜晚飲都唔會怕瞓唔著；後者荔枝味好濃，不過好甜。炸魚薯條 $78唔知係咪油溫唔夠🤔，上枱果陣魚同薯條都好油。魚肉好滑、唔腥、亦有魚味，本身已經調左味好夠鹹，唔點他他醬都OK。不過作為一個主菜，我覺得薯條既份量少左D😐。手作牛肉玉子漢堡 $80平時食Burger最怕太厚太濕，但呢個漢堡完全無呢個問題。漢堡扒夠厚身，紫洋蔥脆甜，可惜玉子蛋存在感太低，漢堡扒有汁唔乾，但口感真係唔OK，好淋好鬆散，好似魚蓉😣。三重芝士炸蝦PIZZA $115本身自己係芝士控，所以對呢個PIZZA滿懷期望。老實講上枱果陣係幾靚，不過味道真係麻麻😥，芝士薄薄一層、好少、而且唔濃味，食落只有茄醬味…

長沙灣近幾年開左好多coffee shops，身為港女點可以唔去試下🤣 呢間環境幾舒服，weekend去都唔多人唔駛等位☺️芝士pizza個賣相幾靚，有超多芝士仲可以拉到絲🧀 好肥🐽 味道係唔錯嘅，但食落有陣熟悉嘅pizza hut味😂 可能係用左同一種cheese?🤔 但蕃茄醬就比較少😗 而炸蝦都有4條，都炸得幾香🍤菠菜意粉綠色幾得意，都幾好食，食落有淡淡嘅菠菜味🥬 入面仲有我最中意嘅菇菇😍個tortilla比平時食嘅唔同，係圓形一塊塊嘅🤣 幾特別，食落都正常，但個牛油果醬偏稀🤔薄荷茶就okay唔錯，一開始較淡，但浸耐少少個薄荷味就出哂黎🍵

今晚約左個舊同事提早食佢餐生日飯，我提議黎呢間瘋鳥食。餐牌選擇唔算多，我地最後叫左美式BBQ豬仔骨、三重芝士炸蝦Pizza、蜂蜜蛋糕、特濃朱古力麻糬窩夫(配雪糕)。美式BBQ豬仔骨個醬汁唔錯，唔會死鹹。豬仔骨夠軟淋，配埋薯條同沙律，正。三重芝士炸蝦Pizza有驚喜，濃濃既芝士但唔會膩，炸蝦大大隻，同pizza都幾夾。Pizza底唔係薄到冇食過野甘個種，係有啲厚度，甘先有咬口，我鍾意。蜂蜜蛋糕好多層次，口感軟綿綿，仲加左啲果仁，充滿濃濃既蜂蜜味，所以偏甜。特濃朱古力麻糬窩夫配朱古力味雪糕，賣相吸引，窩夫加左麻糬變得煙煙韌韌，甜度亦岩岩好，好食。

Weekend約咗4個朋友食飯，一行五人想搵個地方可以慢慢食，飲酒傾計relax下。之前已經試過瘋鳥，覺得食物同環境都唔錯又抵食，用餐又冇限時，自己帶酒開瓶費只係hkd$50(一次性收費)，於是帶埋4個朋友再次到訪。要留意嘅係，呢間小店位置唔多，而且經常滿座，建議大家想食就提早幾日book定枱穩陣。當晚約埋朋友一齊喺距離最近嘅長沙灣港鐵站A2出口集合再行過去，路程大約8-10分鐘，傾住計好快就行到。

草根媽媽係荔枝角番工，一早聽聞有間幾受歡迎嘅cafe，可惜自己番工一直未有機會試。呢一夜就被媽媽邀請一家人一齊去試試新餐廳長沙灣地鐵落左要行一段路，好彩地點都算易搵。8:00去到咁岩有一枱空位，好彩唔洗等，不過餐廳真係keep住有客人，都幾fullCafe燈光偏暗，加上一d小燈色，幾有feel 嫁，牆上面仲掛左d相，真係幾l中意呢間cafe嘅環境。睇一睇餐牌，其實可以選擇嘅食物都唔少，最後叫左一個小食、羊架、Pizza，仲有老闆誠意推介嘅新甜品「麻糬窩夫」蜜糖香草烤羊架（$98）Herb Crusted Rack of Lamb有睇開會知草根極愛食羊✨估唔到呢到嘅羊架🍖咁高質💋👍草根誠意推介呀📯羊架有3件🐏切落無嘜血水，羊肉仲有少少粉嫩嘅顏色🌸羊肉🐏真係超級嫩😍好柔軟❣羊架先煎後焗，焗到香香脆脆😜外皮有🍀香草同🍞麵包糠😘仲可以點埋佢地個自家制蜜糖🍯🍀香草醬，最後，食完羊脂係口腔嘅餘韻停留😎好幸福！配菜有薯蓉、烤過嘅蔬菜片🍆🌿仲有調過味嘅實肉薯條🍟老實講呢個高質羊架性價比真係高👯分享拼盤（$89）Snacks Combo(炸雞、西蘭花芝士卷、酥菇、薯波、薯條)分享併盤有5款炸物🍗🌿🍄🍟份

朋友食生日飯揀左呢間，長沙灣少見既西餐，但有驚喜。不過要預左食熱氣炸野，因為眼見menu絕大部分都係炸，不過味道唔錯餐牌選擇唔算多，但都有齊salad, pizza, fish n chips etc..日式南蠻炸雞配他他醬 hk556隻，熱辣辣上枱，炸得好脆，炸炒唔算厚，咬落香口有汁流出，他他醬凍凍地份外好味三重芝士炸蝦pizza hk110大概8寸左右，切4份，薄既pizza底但芝士加配料十足厚pizza一樣，3個人食都食唔哂，上面配有4隻天婦羅蝦，芝士味濃厚，好味朱古力 hk40朱古力粉沖仲有朱古力醬係底，滑講唔上，但好香口好濃烈，份量唔大總括味道唔錯，份量唔大但好飽肚，長沙灣區有驚喜，價錢適中

去到時岩岩係Last Order時間，幸好係假日日子，差不多坐滿客人。所以店員就話做埋我地生意，不過要快啲order！真係好好彩，否則就會白行一趟 店舖裝修簡約，以木系顏色為主，帶有文青氣息。不過面積唔算太大，大若只可以容納25~30人。而最特別係有一個榻榻米位置，岩哂三四個朋友小聚傾計。我地叫店員推介嘅特式主食，橙汁鴨胸意大利粉(HK$66)同三重芝士炸蝦Pizza(HK$108)橙汁鴨胸意大利粉：醬汁比較特別，店舖揀左平常餐廳少用嘅橙汁黎煮。雖然橙味唔算突出，但味道酸酸甜甜，幾開胃！三重芝士炸蝦Pizza：Pizza批底亦唔算太厚，但超級足料，足足用左三種芝士！之後當然要叫個甜品喇！我地叫左Tiramisu(HK$40)，咖啡味不夠香濃，有啲失色 而飲品就order左櫻花荔枝茶(HK$40)，茶入面有大大粒嘅荔枝同數朵櫻花淡淡嘅櫻花香加上香甜嘅荔枝茶，味道清新。原來呢到都主打精品咖啡，係咖啡師介紹下，我地要左哥倫比亞(HK$55)佢有少少黑莓同巧克力味，聞落去好濃郁，而飲落去除左香濃之外，仲有少少酸味

咖啡妹說要介紹去一家她吃過覺得不錯的咖啡店，是日放工晚上帶了我去這家位於長沙灣的咖啡店。地鐵站走不遠的位置就到了咖啡店。三重芝士炸蝦pizza • $98朋友之前吃過說這個pizza是不錯的。四隻天婦羅蝦放在pizza上，睇頭噱頭都十足。蝦在內不會很鹹，蝦的質感仍然可以保持到。三色椒都均勻地放在pizza上，芝士量亦夠多，趁熱吃的時完全做到拉絲效果。冬陰公海鮮意粉 • $68冬陰公意粉不會太鹹，味道剛好。而且海鮮份量夠多，爽口大大顆的蝦仁、小小的蝦仔、硯仔、八爪魚、魷魚、青口等。用料十分豐富，蜜糖芥末烤雞沙律 • $58炸雞粒放在充滿芥末醬的沙律上。沙律菜中和了炸雞的油膩，每一口都帶有酸酸甜甜的芥末醬味。兩個人分享這份量便剛剛好了。巴西日曬豆 • $50本來想試蜜處理豆，但碰巧售完了。所以便點了這個了。味道不是我喜歡的那味道，味道偏苦，放涼了便偏酸。蜂蜜檸檬茶 • $38與一般檸檬茶無異，不會很甜，但$38來說是偏貴了點。

這店位於長沙灣，好近屋企😁所以今次帶住 ‪#‎媽媽去覓食‬ 🍽慢嘆個午餐最近好鍾意周圍去食cafe☕️尤其跟木系扯上關係的文青 ‪#‎小店‬這裡食物性價比非常高，裝潢令人很舒適，食物質素中上👍而價錢屬於相宜食物👅 :<三重芝士炸蝦pizza>$108一個pizza分成四份，每份都有一隻堅.大蝦，蝦炸得很脆口，而三重芝士也做到拉絲效果，只是今次略為油了一丁點😅已反應小問題改善，但這價錢已很抵食了<鹽酥菇>$52這個我食到停唔到口，因為我勁愛菌類🍄炸得香口外，入面粒菌仲係咁夠水份😆有驚喜<香蕉朱古力>$45 <香矛檸檬薑茶>$35兩杯飲品各有千秋，香蕉朱古力除左外表靚😍飲落都好香濃，而個香矛檸檬薑茶媽咪都好like

返工附近開左間新cafe，瘋鳥哩個名一睇就估到係年輕人開，但點都估唔到原來係幾位九十後開真係令我哩個九十後都有幾分羡慕啊木、花、鳥…感覺好舒服，無論自己一個黎定一班姐妹、情侶都好岩黎哩度傾計食飯芝士薯波…先黎食小食，炸薯波細細粒一口size，外脆內薯，再點埋芝士醬食真係個開心share既小食黎嫁不過食到一半，薯波就俾芝士醬整淋左，建議鋪面既芝士醬可以少d，再另上芝士醬咁就更好喇鹽酥菇…又一個開心share既小食！外層炸粉灑滿椒鹽粉，夠薄又夠脆，入面包住好juicy既雞脾菇，一咬脆卜卜，再咬d菇汁就必哂出黎好正啊…哩個真係超推介！忌廉牛乳三文魚意大利粉… 哩個正正常常，味道唔錯，意粉煮得岩岩好唔會過淋，三文魚份量足夠，唯一係唔係好夠忌廉牛乳汁，所以牛乳味唔係好食得出。三重芝士炸蝦Pizza…芝士迷試左未？!厚批厚度岩岩好，底部微脆咬落又不失鬆軟，pizza加入左海量芝士 每咬一啖都成口芝味嫁 炸蝦既炸粉好薄好脆，蝦肉完全唔鞋！仲有青紅椒同其他配料，所以完全唔會膩，四個人share食岩岩好！雖然哩個pizza芝士多到極度充滿罪惡感但都係食左先算啦！一咬個pizza，d芝士可以拉到勁長勁滿足

年青人最緊要有夢想，無論環境點差都好，只要入面有一團火，任何事都會成功的！呢間小店我就感受到有呢團火，老闆正正是充滿熱誠的年青人，睇得出佢擺左好多心機係呢間店！加油呢！keep 住呢團火啦！希望呢隻瘋狂的小鳥可以飛得更遠！店名叫得做瘋鳥，當然檯面要有小鳥的擺設啦！ 環境方面，一入去令人有一種很舒服既感覺，空間感充足，就算之後坐滿人，都不會有侷促擠迫的感覺！人多黎gathering下又得，一個人黎睇下書飲杯咖啡又得！其中有張檯似塌塌米feel既設計，更加有優遊自在同家既感覺，如果想成班fd聚下enjoy一個下午，呢度真係唔錯既選擇！呢隻咪星人好可愛！原來佢原本俾人遺棄，但老闆好心領養左佢，好嗲人的呢隻貓仔，對陌生人唔會怕，仲會走埋黎同你玩的！貓奴或者愛貓之人可以留意下！菠菜雜菌培根意大利粉。。味道唔錯呀，清清地三重芝士炸蝦pizza...如果係芝士迷，一定要叫呢個pizza.....濃濃既芝士加大大隻既大蝦，大家點可以錯過！啤酒炸魚配美國薯條。。。呢款係我最推薦既菜色！講真，係香港我成日都食炸魚，但呢次我覺得係我食過之中算係no.1的！平時既炸魚炸完之後可能會偏乾，但今次當我一咬落口，

今日黎到長沙灣搵食, 發現左一間新開無耐, 一間好cozy既cafe, cafe以鳥做主題, 店內主要用木做既傢俱, 仲有一棵樹做擺設, 感覺好似去左花園咁, 好舒服~睇一睇menu, lunch set都係$4x, 仲包埋飲品, 咁既環境既cafe真係好平, 除左lunch set,都仲有其他野食散叫, 價錢亦相宜~Vi同朋友點左一份三重芝士炸蝦pizza, , 蜜糖芥末烤雞沙律同埋海鮮意大利粉, 飲品方面, 呢度有好多好特別既咖啡同花茶, Vi同朋友就點左洋甘菊茶同熱朱古力~o係等野食既時候, 突然見到有隻貓貓走左出黎, 原來佢係住O係呢度既, 貓貓好得意又唔怕人, 為食客帶黎好多歡樂, 不過好快就因為太多客人, 貓貓就要被迫收埋先~野食黎了, 先黎既係海鮮意大利粉, lunch set黎, 所以份量唔係好大, 意粉小小辣幾惹味, 而且乾身彈牙, 亦有好多海鮮料, 味道唔錯, 不過唔係好夠熱~呢個蜜糖芥末烤雞沙律都好抵食, 落左好多醬汁, 沙律菜幾新鮮爽口, 而烤雞都有好多粒, 不過每粒都好細件, 大番小小會好d~呢個三重芝士炸蝦pizza好吸晴!!!好大個賣相好吸引!!pizza