翡翠拉麵小籠包 (Closed)

星期六相約好朋友食午餐，選擇上海菜翡翠拉麵小籠包，來到灣仔這分店，很多位，不用排隊就入座，環境唔錯。朋友很喜歡食生煎包，所以點了上海生煎包，包底煎得不夠脆，但肉餡香又多肉汁。上海小籠包，皮薄，一口咬落，肉夠鮮多汁，但很熱，要小心進食。再選健康的小吃，陳醋西芹拌黑木耳，汁較酸及有少許辣，可能蒜蓉的關係，木耳爽口，但西芹非常少。最後叫了蝦仁五穀炒飯，味道較清淡，油多了些，如粟米粒多些會更健康。

今日放工落大雨，近近地就係office附近既翡翠拉麵小籠包食晚餐！因為好鍾意食上海菜，呢間翡翠既食物又幾好味，而且近公司，所以都時不時黎食野！今次因為都幾肚餓既關係，於是想挑戰呢度既紅燒蹄膀，即係燻蹄！ 問過侍應，呢個餸係即叫即整，所以要等45分鐘先有得食⋯侍應話燻蹄既size都幾大，所以兩個人食既話，唔需要叫太多野食！ 於是，我地另外叫左一籠小籠包。一如以往，一咬開熱辣辣既小籠包，皮薄，入面有好多鮮甜肉汁，好食！ 雪菜毛豆百頁可以話係上海菜既特色之一。呢度既雪菜咸咸地，和偏淡既百頁毛豆配起來剛剛好。之前試過係另一間老字號食呢味菜，咸到不得了@@，好重口味！ 最後期待已久既燻蹄終於上場。雖然已經有定心理準備幾大份，但當我地見到既時候，都不禁嘩左一聲！因為真係大得有d跨張。我之前都食過燻蹄，大過塊面咁多既都係第一次見！咩豬蹄原來有咁大隻！侍應幫我地切開一份份，香氣撲鼻！試一口，豬皮已經諗到入口都唔使點咬就吞得，豬肉都係非常之諗！好喜歡！好似食左好多膠原蛋白咁！份量其實足夠4-5個人食架！呢個價錢真係抵食又好好味！推介！最後，我地兩個人當然食唔晒要打包！好好味既晚餐！為納悶既下

大有廣場的翡翠拉麵小籠包是筆者的飯堂之一，久不久也會到訪用膳。餐廳吸引之處是 walk-in 通常都有位，座處舒適及食品富一定水準。每次到訪，有兩款食物基本上都會點選，分別是上海小籠包及清燉雞湯拉麵。小籠包製作皮薄肉嫩，汁量足夠，都幾好食。清燉雞湯拉麵餸麵分開上。還記得以前的雞湯更純厚更濃味，雞件燉煮時間夠火喉，連雞骨也可咬碎可吃。現時的質素雖然還算理想，但水準已有所滑落，至少雞骨已不能碎化下咽了。另外，一盅雞湯只有四小件雞，配上麵吃顯然不夠。 今趟另加小菜黃金蝦球，用上的蝦球略細了少許，成品賣相金黃但微微濕身，甘香食味都見理想。

此店面積頗大，座位舒適，一行4人+一個BB，被安排了迎窗邊卡位，位置相對較為闊落，可望到莊士敦道的街景。中午時分客人漸多，店內約8成座上客。可能被安排店內最入位置關係, 感覺比較焗促。4人Order:上海小籠包4隻$32上海炒年糕$62嫩雞煨麵$48菜肉雲吞湯6隻$38上海排骨拉麵$52凍豆漿$14另，茗茶/水 每位$3上海小籠包店名以此命名，可說是此店的招牌菜；但小籠包用點點微力夾起就已經夾透了皮，並非因為太薄，皆因個皮太林之之，也許是小籠包內的餡料過多所至？內裡湯份量也不少，而肉球亦入味。雖然如此，但如因此而令小籠包易於穿破，實在有點可惜。上海炒年糕炒年糕的份量一般，用上椰菜、肉絲、白菜等作配料，年糕則較為厚切，亦相當煙靭，醬汁夠濃而且不少，不會過乾。嫩雞煨麵用「一個連BB都食到嘅麵」來形容它絕對無誇張！煨麵一般相比湯麵較軟淋，但這碗麵的麵質是放入口含住片刻就足以令麵條斷開，連咬都不用咬，可以直接吞下，比豆腐還要淋、淋、淋囉！雖然份量不少，有滿滿的一大湯碗，但麵上桌時實在令人不滿！勢估唔到連大集團的出品也可以如此馬虎！不但有一條麵擱在碗邊，更有一塊菜葉呢！而且麵亦一早淥起，有ord

小妮子去了旅行，太座要上班，祇剩我和小伙子在家，又是時間示範怎樣做孝順仔給小伙子看，約老爸和姑姐吃午膳吧！姑姐對小黃魚甚著迷，難道她的生肖是屬貓？而老爸最怕在大熱天時走多兩步，那麼去灣仔的翡翠拉麵吃小黃魚便最理想不過。姑姐逢請必早到，反而住得最近的老爸又遲到！大家都很肚餓，點多幾款嚐嚐，椒鹽小黃魚 $54 是少不了，還有美味燻魚 $42，香煎素鵝 $48，上海小籠包 $28，無錫蟹殼黃燒餅 $28，煎三鮮鍋貼 $28，上海粗炒麵 $54 和百頁結烤肉 $62。午市人客眾多，侍應通知食物需時十多分鐘：美味燻魚 顏色琥珀，滷水味道不錯，是完全沒有糖的版本，雖然有骨，但食落好味。香煎素鵝 腐皮包著冬菰絲，沒有炸過的痕跡，少了點香口，但多了點柔滑，豆味不錯。上海小籠包 一籠有四隻，皮薄而不易穿，肉汁甚豐，與薑絲、醋同吃，倍感滋味。無錫蟹殼黃燒餅 一碟祇得三個，名字雖是蟹殼黃，但相信沒有蟹的成份，是肉餡菌類等物，中間濕潤好味，外皮有芝麻帶香口。煎三鮮鍋貼 底部煎得香脆，熱騰騰，夠肉汁，餡料鮮美。上海粗炒麵 麵粗似烏冬，有些肉絲，椰菜，加了濃濃的醬油，也很美味。椒鹽小黃魚 一碟有