翡翠拉麵小籠包 (Closed)

一行6人去呢到食午餐，慶祝同事出色既工作表現。我地叫左雲吞雞，湯好好飲，D雞係侍應幫我地分出黎的，可惜大家都對於煲完湯既雞冇咩興趣，哈哈！所以冇人食的。要推介小龍包，擔擔麵，即叫即蒸我擔擔麵好夠熱，而且咬入去，D湯好正，夠味不單止而且D餡好JUICY，唔會好肉肉的感覺，好正！本人好怕食到小龍包係又鞋又冇汁的。今次10分比8分~到個擔擔麵了，麵唔係咁林身，所以好岩我食，我平時最怕好林既麵的。而且湯底夠濃，香香的花生醬再加上小辣的感覺，刺激到我味雷。最失敗其實係上海粗炒，唔夠味之餘仲唔係好夠汁，D菜又炒過左火小小，所以整體上扣左D分了。希望下次可以做好D啦。

星期六相約好朋友食午餐，選擇上海菜翡翠拉麵小籠包，來到灣仔這分店，很多位，不用排隊就入座，環境唔錯。朋友很喜歡食生煎包，所以點了上海生煎包，包底煎得不夠脆，但肉餡香又多肉汁。上海小籠包，皮薄，一口咬落，肉夠鮮多汁，但很熱，要小心進食。再選健康的小吃，陳醋西芹拌黑木耳，汁較酸及有少許辣，可能蒜蓉的關係，木耳爽口，但西芹非常少。最後叫了蝦仁五穀炒飯，味道較清淡，油多了些，如粟米粒多些會更健康。

4個人泥到灣仔翡翠拉麵小籠包用餐。牛肉湯面，個湯另上，好香味，隔離都聞到, 吾知係咪只係因為隔離個位實在太餓。XP沙魚骨湯底，食食下仲有幾粒海參肉, 又吾腥, 都幾好~朋友食的擔擔面當然有超多湯底既小龍包啦，好似飲湯禁, 正呀~食左隻水餃, 吾錯, 但係皮係偏厚個種。朋友食的紅燒牛肉辣湯朋友食的紅燒牛肉清湯, 小嚐左佢紅燒牛肉, 食感好似牛展咁, 好好味~

天寒地凍, 同男友想食D較為暖和D既野食...於是就提意不如上大友上面間翡翠食中式拉麵啦....我就揀左食麻辣水煮牛肉拉麵暖肚至於我男友就因為唔食得辣, 今次見有牛肉燉湯拉麵, 就試下男友個牛肉燉湯拉麵黎先, 我試飲左一啖湯, 冇平時食開燉雞湯咁清甜可口, 所以覺得味太濃太咸同多油, 有一種飲完係覺得可惜同浪費既感覺至於我個水煮牛肉拉麵, 其實已經唔係第一次食,  第一次黎食時, 好多菜跟, 而且個湯好濃辣好惹味, 今次個湯反面咸多過辣... 冇左水煮既特式.... 連花椒八角都唔覺有落咁... 好似退左步...

今日放工落大雨，近近地就係office附近既翡翠拉麵小籠包食晚餐！因為好鍾意食上海菜，呢間翡翠既食物又幾好味，而且近公司，所以都時不時黎食野！今次因為都幾肚餓既關係，於是想挑戰呢度既紅燒蹄膀，即係燻蹄！ 問過侍應，呢個餸係即叫即整，所以要等45分鐘先有得食⋯侍應話燻蹄既size都幾大，所以兩個人食既話，唔需要叫太多野食！ 於是，我地另外叫左一籠小籠包。一如以往，一咬開熱辣辣既小籠包，皮薄，入面有好多鮮甜肉汁，好食！ 雪菜毛豆百頁可以話係上海菜既特色之一。呢度既雪菜咸咸地，和偏淡既百頁毛豆配起來剛剛好。之前試過係另一間老字號食呢味菜，咸到不得了@@，好重口味！ 最後期待已久既燻蹄終於上場。雖然已經有定心理準備幾大份，但當我地見到既時候，都不禁嘩左一聲！因為真係大得有d跨張。我之前都食過燻蹄，大過塊面咁多既都係第一次見！咩豬蹄原來有咁大隻！侍應幫我地切開一份份，香氣撲鼻！試一口，豬皮已經諗到入口都唔使點咬就吞得，豬肉都係非常之諗！好喜歡！好似食左好多膠原蛋白咁！份量其實足夠4-5個人食架！呢個價錢真係抵食又好好味！推介！最後，我地兩個人當然食唔晒要打包！好好味既晚餐！為納悶既下

星期日， 原來灣仔好多茶仔食店都唔開，行左幾間都閂，所以就揀呢到，貪唔使等位我地兩個人 叫左 一籠小龍包， 一碟四川肉絲炒飯，同雞絲燉湯拉麵小龍包 一咬落去 肉汁溶入湯汁。好好味四川肉絲炒飯 落辣椒炒 夠香口而不辣 而且飯唔會太濕同太軟 炒得夠爽碎 唔會一舊舊最後個燉湯。真係。齋聞都feel到好香雞湯味 夠清 總括來講 好滿意

大有廣場的翡翠拉麵小籠包是筆者的飯堂之一，久不久也會到訪用膳。餐廳吸引之處是 walk-in 通常都有位，座處舒適及食品富一定水準。每次到訪，有兩款食物基本上都會點選，分別是上海小籠包及清燉雞湯拉麵。小籠包製作皮薄肉嫩，汁量足夠，都幾好食。清燉雞湯拉麵餸麵分開上。還記得以前的雞湯更純厚更濃味，雞件燉煮時間夠火喉，連雞骨也可咬碎可吃。現時的質素雖然還算理想，但水準已有所滑落，至少雞骨已不能碎化下咽了。另外，一盅雞湯只有四小件雞，配上麵吃顯然不夠。 今趟另加小菜黃金蝦球，用上的蝦球略細了少許，成品賣相金黃但微微濕身，甘香食味都見理想。

平時其實唔多食上海野, 係老豆鐘意所以先陪佢食呢度手打拉麵係手打手拉既，食得出係粗幼分明, 不過就好長, 要SHARE 就要搵WAITER 剪一剪, D雲吞就不過不失啦, 湯底味道係偏清淡，但都OK。加埋拉麵成個搭配好好味。四季豆配肉碎, 野味, 送飯一流, 不過今日冇叫飯小籠包就一定叫GA 啦, 一夾起唔易散, D湯夠多, 好食, 不過好熱, 建議唔好太心急食, 醋就睇自己, 我個人就一定點。炸銀絲卷, 我覺得都鬆軟, 不過唔係話好特別, 由其係你開始飽個時..LOL粗炒都OK, 唔油, 熱辣辣, 肉絲幾香不過價錢真係賣點, 3個人晚餐, 67蚊

鎮江肴肉：好多店都唔會將肉切成一絲絲，食落似咸豬手。翡翠既鎮江肴肉整得好好，入口即溶。擔擔麵：好多芝麻醬好香，唔食得辣記得叫少辣。回鍋肉配面餅：醬汁好好味，但比較辣，配既面餅唔夠包回鍋肉。拉麵：拉麵係人手拉所以特別好食。而家有得選粗幼，都係正常果種最好，龍鬚麵太細軟無咬口。小籠包：皮薄餡靚，好食過小南國同鼎泰豐。而家出左款八色既綽頭野，完全唔好食，千祈叫番原味。梁溪脆鱔：即炸鱔加糖醋，幾好食，但有少少腥。

屋企人鐘意食上海菜，鐘意上海菜平較清淡，無咁熱氣。今次黎叫左一個排骨拉麵，同屋企人share左一籠小籠包。鋪頭既招牌之一拉麵係手打手拉既，肉眼都可見每一條麵係有粗有幼。手拉令鋪頭既拉麵比一般中式麵硬身同有口感。雖然湯底係比較清淡，但係加上少少蔥花，加埋拉麵成個搭配好好味。排骨炸得恰到好處，外面香脆之餘，入邊個既肉質唔會老，而且keep到啲肉汁係入邊，食落去唔會乾身。鋪頭既另一個招牌小籠包亦唔會令人失望。皮簿之餘，餡料既口感好細嫩，雖然係豬肉為主既餡料，但係都唔會有膩既感覺。再加上包入面灌滿湯，一口食落去，小籠包既餡加埋好有鮮味既湯係口腔一面混和，非常美味。

Lunch貪近，多人不過聽同事講通常唔會等太耐。試咗一籠小龍包，一般（湯幾好味，不過肉硬了點）。溫吞麵d溫吞幾鮮，麵剛好。烤麩入味。排骨太油，下次唔會再點。食lunch算係方便嘅選擇。

相信大家如果對上海菜有點興趣, 都一定有吃過分店多到爆的翡翠拉麵小籠包吧. 無論是哪一家, 什麼時候, 店門外都總會聚集了不少等位的人潮, 繁忙時間更不用說了. 老實說, 這家店以前也算是宅女家人半個飯堂, 不過後來菜色開始沒什麼太大改變, 巳有好一段時間沒有再光顧了. 這次重來灣仔分店, 發現原來最近店方都有因應大閘蟹季節, 加入好幾道蟹菜色, 宅女馬上拉著妹妹找個晚上前來試試!其實翡翠拉麵小籠包由1997年至今於東南亞地方巳有不少分店, 單是香港巳有多達十七間, 而且更有不少是設於鬧市中心點, 每逢假日人流非常多, 尤其銅鑼灣, 尖沙咀那些分店, 等上一, 兩小時絕對是等閒之事. 當然那麼受歡迎也不是無因, 全就是因為旗下幾間分店由2009年開始連續數年都獲得米芝蓮推介, 這個現象以連鎖店來說又真的是少見, 能以大眾化價錢就可以吃到米芝蓮推介美食, 難怪人潮不絕了.這天跟妹妹前來的是灣仔分店, 其實之前也有光顧過, 感覺食物一向都是不會太差, 但驚喜就不會很大.雞絲粉皮 (HK$54)不知怎的每次來到翡翠拉麵小籠包任何一間分店, 前菜就一定會點個雞絲粉皮來吃. 記得曾在銅鑼灣店吃過

「翡翠拉麵小籠包」以小籠包打出名堂，其實，「翡翠拉麵小籠包」又豈只得小籠包好吃呢！就好像數星期前，我與太座在「翡翠拉麵小籠包」灣仔店所吃的一頓晚餐，便吃得自己既飽肚又滿意。這天才不過是農曆十月時候，大閘蟹仍然合時，所以叫來了兩款蟹粉菜式。「蟹粉伴毛細麵」（$68）是這夜其中一道自己覺得最喜歡的菜式，蟹粉與其他配料雖然不算很多，但麵質既好，味道亦佳。使我顧得吃來，竟然忘記了為它拍照，要是你想試試的話，就趁著毛蟹還未過時，快快去吃吧！「毛蟹炒年糕」（$118）有兩隻細毛蟹，蟹膏當然不太多，配以爽腍的毛豆與煙韌的年糕，在濃味的醬汁兜炒後，全部都沾上濃郁的醬汁，惹味非常。來到「翡翠」，「蟹粉小籠包」（$68）當然也不會不吃，這兒的小籠包雖然算不得最好，但無論肉餡、肉汁、外皮都顯得有板有眼，絕對有中上的水準。「京燒明蝦球」（$116）一客六隻，蝦雖大隻爽口，但味道只是一般，不夠突出，我覺得是這夜晚餐中水準較為平凡的菜式。「火腿烤雙方」（$86）這無論在味道和口感方面都富有層次的菜式，賣相漂亮，被甜絲絲的蜜汁包圍著的三片切成丁方大小的金華火腿與三塊炸得金黃香脆的腐皮，被砌成一字形的青瓜片分隔開。把

今天在街上巧遇友人，當時正值中午又在灣仔，即興來一頓「坐得不太差」及「比較好吃」的餐廳，我馬上想到大有商場之中的翡翠拉麵小籠包。我們兩個人，比較容易等位；我們等了大約十分鐘就可就坐。請相信我，在灣仔中午一點你要找到一間能夠馬上入內的餐廳機會是零，這間是上樓舖，所以會好一點。地方坐得不錯，中午人多也就沒有甚麼特別要求，坐得舒服只是多人而已。這裏中午沒有套餐，只有散叫，所以價錢略貴；但你可以想像得到，「價錢略貴而多人」食物質素也不會差到那裏去。兩個人也不用叫得太多。這裏吃的是上海菜，我們隨意叫也可以叫得到，先來一個蟹粉炒飯：飯炒得甚乾身，而且飯面上有著一層蟹粉舖著，份量也很多，我覺得甚有物值，很香。獅子頭。不好意思，太好吃了，吃了一半才拍照：我很喜歡配菜的紹菜，紹菜沾滿了汁醬，吃起來很滿足，一入口汁將都流滿在口腔裏。龍井蝦仁：這是我很喜歡的菜式，不過好像份量比上次來少了最少三分之一，我下次不一定會叫；味道是很好的，我很喜歡那種啖啖肉的感覺。小籠包。這個不用多說了，正宗上海菜式。上枱還是熱熱的，湯汁滿滿，我建議上枱之後再放多一會，讓整個湯包不太熱才入口，將整個小籠包放進口裏，一咬，湯汁就不停

Crystal Jade has many restaurants and the dining environment is spacious and comfortable.The menu has many languages including English so it is a great place to bring expats.There were so many nice items on the menu that it was hard to choose so in the end I ordered the following.★☆★☆★☆★☆★☆★☆★☆★☆★☆★crispy eel $64:The pieces of eel were crispy and boneless with a sweet taste.★☆★☆★☆★☆★☆★☆★☆★☆★☆★vegetarian beancurd rolls $54:The vegetarian rolls were presented nicely, they were crispy filled with d