樂天皇朝 (青衣城1)

Open Now

Now Closed

同friend 講開邊度生煎包好食，佢同我都覺得呢間唔錯，我地仲叫左整得都好味嘅椒鹽小黃魚，好香脆，魚肉又滑，細骨都炸到脆脆咁，好香口！前菜嘅滷水花生同栗子入味又夠淋，配茶飲已經好正。第一次試嘅陳皮五香牛肉又係好味道，又嫩口又夠味。主角上海生煎包一如既往咁香脆呀個包底，咬落好香，食到肉餡又感受到軟軟鬆鬆嘅包。係一向都咁好味～至於酸辣湯麵呢個一舉兩得嘅麵食對我地兩個女仔黎講係最好，又食到拉麵又飲到酸辣湯，都ok~

食上海小菜我梗黎呢度。佢d小籠包，一籠6粒，個皮薄薄咁，包住嘅肉汁好多好鮮美味，令人食落去直呼過癮！仲有上海生煎包，皮脆脆地，一口咬落去，啲肉汁四溢，好鬼正！一盅湯羹，上檯靚，薺菜黃魚羹啲黃魚肉味道濃郁，加上啲薺菜，加d胡椒粉真係好開胃！至於上海炒年糕呢，年糕加埋啲肉同菜，入味而且年糕口感好好。老婆最鍾意食呢個北京宮廷點心「宮廷驢打滾」，又稱豆麵糕，以糯米做皮，紅豆做餡。麵團軟熟、紅豆香甜，係好少地方可以食到嘅高質甜品！抵食架，$48咋。

今日去左樂天皇朝食上海野青衣分店超大, 到夜晚八點仍然非常多人仲可以睇住廚師製作🤣一坐低, 每枱都會送上滷栗子花生,花生非常軟綿, 滷水香濃入味我就叫咗佢哋嘅招牌原味小籠包, 真係皮薄餡靚, 夾起唔會容易穿, 但係入邊又充滿湯汁, 湯汁唔油膩, 真係幾出色😋另外食上海野必食上海生煎包, 生煎包底部煎得香脆, 包鬆軟, 同樣包住滿滿湯汁嘅餡🤣👍另外都叫左皇朝擔擔拉麵同雪菜鹹肉炒年糕擔擔麵口味偏辣, 麻醬味濃郁😆麵質彈牙, 每一條麵都索滿湯汁年糕非常煙靭, 雪菜切得非常幼細雪菜分怖非常平均, 每一塊年糕上都有, 每一啖都帶點鹹香

每個月我都會食既愛店🤭，主打粵菜同上海菜，係我食上海菜既首選，食物質素高，價錢又合理，每間分店都坐得好舒服😌，環境夠哂大，每次同老一輩黎佢哋都會讚👍🏻😂，老少咸宜❗️✨另收加一-💕 特色皇朝小籠包(八色) $138👅好味指數：8.5/10(原味,蒜香,糟溜絲瓜,鵝肝,川味,芝士,蟹粉,黑松露)**八色係用純天然色素製成小籠包做到每粒都皮薄餡滿😚，湯汁一咬即爆岀黎🤤，清甜不油膩。.蒜香🧄：推薦❗️最正既口味🥰自從之前都食過8色之後就一直叫哂全蒜香🧄，好香蒜味，連流岀黎既湯汁都充滿蒜香味😍.川味🌶：真係有川味個種香辣，但辣既程度相對溫和，食唔到太辣都唔怕，而且微辣得黎湯汁保持清澈感覺，唔會好似水煮魚咁食到成口油☺️-💕 鮑魚炒飯 $128👅好味指數：8.8/10炒飯底炒得好香，粒粒分明得黎帶微微濕潤感，充滿醬油香味，仲有蛋絲既咸香🤤，鮑魚彈牙有口感🥰。-💕 風味沙拉排骨 $108👅好味指數：9/10份量比之前多左好多❗️排骨骨小肉多☺️肉質軟腍多汁，加埋沙拉醬勁惹味🤤，必食‼️🥰-💕 菠蘿咕嚕肉 $98👅好味指數：8.5/10外皮炸得好脆，外脆內軟啖啖肉😋，醬汁酸酸甜甜真係好開胃，為左佢要配多碗白飯🤣

去完disney, 出返黎青衣城食dinner。丫妹記起早前食過樂天皇朝嘅小籠包, 又想encore, 見價錢唔貴, 當然唔洗多考慮入去食啦。餐廳座位闊落企理, 有一大玻璃廚窗, 望入去會見到廚師製作小籠包過程,入座後店員隨即送上熱茶、小食 (花生好林, 甜甜地)自行click order落單, 樂天皇朝以小籠包做招來, 當然要order!【原味小籠包 (6pcs)】HK$62小籠包即叫即整, 小籠包皮薄, 輕輕咬開, 熱辣辣鮮味湯汁湧出, 豬肉餡料juicy又有鮮肉香, 好味!【上海生煎包】HK$42生煎包包底金黃香脆, 包很軟熟, 內側索咗豬肉餡料嘅湯汁, 同樣餡料有鮮肉香, 不錯。【蝦仁酸辣湯拉麵】HK$68拉麵很實淨, 食之前要用少少力揚開, 麵質林, 湯底黏滑易掛湯, 酸辣平均, 有大量配料例如豆腐絲、東菇絲、竹荀絲等...很有層次, 惹味開胃。【京味炸醬拉麵】HK$65拉麵同樣實淨, 炸醬汁很杰, 有大量肉碎, 撈起後每條麵都能平均沾到汁, 整體好夠辣。

每隔一排總會再想黎樂天皇朝食一下中餐，再嚐嚐滋味小籠包。今晚又同爸爸來食晚餐。點了不同款式既菜式，每款都好好味。當然唔少得點一份皇朝小籠包，每一粒都有獨特的口味，顏色又靚，味道又好。仲有張紙條說出如果跟呢個步驟去吃，味覺會更為一絕，因為不怕味道先吃了濃味，而令下一粒的小籠包味道大減，所以我都建議可以按著餐廳吃皇朝小籠包的指引來吃。其實款款小籠包都有不同口味，好多款我都好鍾意，皮薄多汁，惹味。蘿蔔絲酥餅，熱辣辣。而且炸得外皮超脆，仲一絲一絲的脆條，口感滿分。中間有滿滿的蘿蔔絲餡料，每一啖都能同時感受香脆、軟綿綿的複雜口感，真係又特別又滿足。李白醉雞，賣相已砌得十分精美。雞肉雪白肉厚，仲聞到陣陣酒香，啖起雞件酒香撲鼻，冰冰涼涼，而且雞肉多肉，又嫩滑，一吃便停不了，作為前菜極為惹味，必定會令胃口大增。另一款都是可以衝擊味蕾，就是紅油抄手，滿滿紅色的辣油浸著蝦肉、豬肉的餃子，除了餡肉豐富外，另外紅油都是靈魂人物之一，當中的辣度恰到好處，帶點辣帶點刺激，但又不會令人辣的卻步不敢進食，反而這種又辣又刺激的味道會令人愈食愈停不了，正。紅燒外婆肉，賣相已好正，層層分明的肥肉、瘦肉，味道又香又濃味，好吸

今晚收工同媽咪去左青衣城shopping, 行過經過見到原來"樂天皇朝"係青衣城都開左新分店, 而媽咪最中意食上海菜, 所以就決定入去食埋個dinner先返屋企。店內很整潔, 一坐低, 侍應先送上熱茶同埋前菜 (茶芥每位HK$7; 前菜 HK$15)呢度提供多款上海小食、主食、上海麵、飯類、甜品等等....當然唔少得呢度主打既小籠包啦! 最具特色既係有8款唔同色、唔同味道既小籠包。不過媽咪比較傳統, 還是最喜歡原味小籠包。上菜速度幾快, 十分鐘左右就已經可以開餐!!!【醋醬海蜇頭】HK$62呢款為凍食, 海蜇頭超級爽脆, 表面沾左醋汁, 酸味味, 很開胃, 係一款值得推介既前菜。【李白醉雞】HK$78同樣都係凍食, 呢款都幾多人Order。加十蚊可以指定要雞脾位, 但就算我地冇加, 都幾多肉食。醉雞賣相已經好吸引, 酒香撲鼻, 肉質嫩滑而且入味, 有淡淡香醇既酒香味, 完全沒有苦澀, 雞皮沒有厚厚既肥油層, 而且很爽滑。【上海生煎包】HK$38包質軟棉, 底部煎得略為脆口, 包入面仲有好多既湯汁, 同埋鮮甜又juicy既肉。【無錫鮮肉鍋貼】HK$36鍋貼底部煎得略脆, 皮薄, 入面同樣