彩福皇宴 (Closed)

身邊朋友係彩福狂迷，大大話話食過不下十次各區分店，既然扶老攜幼都可以稱心滿意，今晚就跟佢黎試下係咪咁得。上湯開邊焗龍蝦 ($88 + 芝士$20)識我既人都知我好鐘意食龍蝦，單係呢個月已經食左不下三次，見龍蝦節咁抵必須要叫一隻試下啦。 優惠之下絕對冇將貨就貨，龍蝦足秤大隻結實彈牙，啖啖肉厚實鮮嫩，同樣價錢自己煮都冇咁靚料，性價比一流。 另外加左芝士，但似忌廉汁/白汁多d，略嫌唔夠邪惡，下次叫返清湯伊麵比較好。薑蔥炒肉蟹 ($260) 1斤2強烈推介薑蔥炒呢個煮法，肉蟹先走油至酥脆，薑蔥極香又有鑊氣，連殼都食埋。 肉蟹足1斤2好厚肉，講真最鮮甜個種，不過肉質扎實，調味又香口惹味。 最欣賞原個蟹蓋炸起之後，蟹膏香到極點，回味無窮。蒜茸粉絲蒸大元貝 ($118)大元貝冇改錯名，難得有帶子鮮味，放左一陣先食依然嫩滑。 蒜茸粉絲盡吸精華，如果少油就更佳。不得不讚作為婚宴場地，環境真係幾靚，一到埗已經見到大量客人係門口既花花牆影相打卡，內部裝潢同座位都幾體面，難怪平日夜晚都坐無虛席。總括而言各款海鮮都物有所值，龍蝦尤其表現超班，可以考慮同屋企人黎all in叫幾隻再加麵底，黎個全龍蝦宴。

環境4分：正常婚宴酒樓格局，四周圍大多數都係結婚擺酒佈置，好多花呀咁，復活節多左Ｄ兔仔都好靚好得意，Ｄ枱唔會坐得好迫，可以畀四分。衛生5分：多個海鮮魚缸Ｄ水都好清好乾淨，餐枱有枱布又有公筷，衛生五分。服務5分： 服務員快手快腳，態度好，唔囉唆，滿分。味道4分：1)      一年一度彩福龍蝦節，龍蝦震撼價每斤$88一定要捧場。上湯開邊焗龍蝦Ｄ肉又厚又爽脆，味道夠鮮甜，年年都一樣咁有水準。加三十蚊試埋新嘢淮山麵底，Ｄ麵索曬汁又夠軟淋，真係好食。2)      個燒汁杏菇燜豆卜豆腐煲熱到呢影相都起曬霧，Ｄ豆卜燜到好淋好入味，豆腐又夠嫩滑。3)      隻脆皮旺金南乳雞脆皮又唔肥，Ｄ肉又夠軟滑，Ｄ汁另上可以加佢分。抵食5分：八十八蚊有隻龍蝦食，連大樽嘉士伯都只係十八個八，真係抵到要日日玩，畀硬五分！