彩福皇宴 (Closed)

環境4分：正常婚宴酒樓格局，四周圍大多數都係結婚擺酒佈置，好多花呀咁，復活節多左Ｄ兔仔都好靚好得意，Ｄ枱唔會坐得好迫，可以畀四分。衛生5分：多個海鮮魚缸Ｄ水都好清好乾淨，餐枱有枱布又有公筷，衛生五分。服務5分： 服務員快手快腳，態度好，唔囉唆，滿分。味道4分：1)      一年一度彩福龍蝦節，龍蝦震撼價每斤$88一定要捧場。上湯開邊焗龍蝦Ｄ肉又厚又爽脆，味道夠鮮甜，年年都一樣咁有水準。加三十蚊試埋新嘢淮山麵底，Ｄ麵索曬汁又夠軟淋，真係好食。2)      個燒汁杏菇燜豆卜豆腐煲熱到呢影相都起曬霧，Ｄ豆卜燜到好淋好入味，豆腐又夠嫩滑。3)      隻脆皮旺金南乳雞脆皮又唔肥，Ｄ肉又夠軟滑，Ｄ汁另上可以加佢分。抵食5分：八十八蚊有隻龍蝦食，連大樽嘉士伯都只係十八個八，真係抵到要日日玩，畀硬五分！