燒肉 帝 (Closed)

燒肉 帝 主打高質美味嘅日式和牛燒肉，餐廳內部裝修精美，寬敞舒適，再加上細心一流嘅服務，體驗極佳！帝 Omakase  $880/位用上日本鹿兒島A5霜降和牛，作為燒肉材料，質素絕對有保證！每款和牛都有不同嘅最佳燒烤時間，店員全程幫忙燒烤、換碟、換燒烤板 及 加茶！令顧客品嘗到最好嘅燒肉！前菜3點包括有胡麻菠菜、泡菜粟米苗 及 水雲啫喱，好開胃！牛胸腹牛脂含量豐厚，味道香醇，有入口即溶之感，好美味！特上肩肉牛肉味濃，餘韻分明，油花分佈平均，肉質鮮嫩，nice!肉眼上蓋屬於稀有部位，位於肉眼筋膜切下嘅上蓋肉，係肉眼嘅亮點！令人回味無窮！三筋牛三筋係珍貴嘅部位，油花非常多，肉質嫩滑，充滿肉汁，肉味突出，一試難忘！大三角相對肉量較多，脂肪比例較少，肉質肌理突出！上腿肩胛肉、湯將上腿肩胛肉微微烤香，再放入日式清湯內，令和牛及湯嘅味道都得以提升！海膽牛柳飯付蒜味豉油先將牛柳表面燒至微微金黃，再放入秘制醬汁烹煮！之後將美味可口嘅牛柳 及 鮮甜濃郁嘅海膽放上珍珠米飯上，再加上秘制醬汁及蔥花，忍唔住一口接一口，好正呀！野原燒帝 Omakase 送嘅野原燒，即使係贈送嘅都同樣高質！非常大片嘅和牛西冷排，

康城嘅燒肉帝，內裝精緻，外望空中花園，環境優美！Omakase Set有和牛嘅稀有部位，仲有專人幫你燒埋Serve埋！除咗介紹最佳嘅享用方法外，每燒一品之後都會更換燒烤板同埋換碟，簡直係帝王級嘅體驗！King Omakase Set $880前菜3點有胡麻菠菜、泡菜粟米仔同埋水雲啫喱，開個靚胃，準備嚟緊嘅燒肉盛宴！帝Set嘅肉品，全部都採用來自鹿兒島嘅A5霜降和牛，仲包含幾款刁鑽嘅部位，期待！牛胸腹靚靚嘅霜降肥牛，除咗有一條明顯嘅脂肪，紅肉位也帶住漂亮嘅油花，肥肥嘅牛脂入口即化，正！特上肩肉肉質柔軟細膩，既有油脂嘅甘香，肉味亦突出，風味絕佳！肉眼上蓋順住肉眼嘅筋膜切下，係肉眼嘅精華部位，數量稀少，而且肉質極其滑嫩，甜美多汁！三筋極為稀有，啲油花靚到好似大理石咁，肉味濃厚，肉汁豐盈，仲好嫩滑！大三角肥肉較少但同樣雪花均勻，香嫩可口！上腿肩胛肉、湯先快速烤香咗兩邊，然後再用日式高湯浸熟，和牛變得格外軟嫩，亦帶高湯嘅鮮甜味！而高湯得到牛脂嘅滋潤後，真係超好飲！海膽牛柳飯付蒜味豉油店員會先為牛柳烤上漂亮嘅間紋，然後再浸入秘制嘅蒜味醬油同煮，再喺客人面前組裝海膽同埋蔥花，成個過程流暢得嚟仲好吸引