鐵牛台灣牛肉麵 (旺角中心第一座) (Closed)

下午茶時間，落咗旺角中心地牢，超鍾意食台灣嘢食嘅我，乜都唔諗就入去醫吓個肚先😉。一入去，餐廳會要求客人噴酒精清潔雙手，俾你感覺安心啲。🥰下午茶包括：一碗飯或麵，再加三個小食，同一杯熱飲（凍飲特飲當然要另加錢）$36下午茶1號：滷肉飯配木魚炸豆腐、小黃瓜同鹽酥雞滷肉飯：白飯多滷肉多汁都多，完全唔係下午茶嘅份量😂。而味道中規中矩，滿足嘅但冇太大驚喜。小食：木魚炸豆腐個皮炸得過咗火😢，加咗類似甜醬嘅醬料，味道一般。小黃瓜同鹽酥雞都中規中矩，係份量少左少少。唔計小黃瓜，另外兩款熱食嘅溫度都唔夠熱，放涼左啲😫。下午茶2號：滷肉湯麵配台式小香腸、豬爽耳同甘梅脆薯滷肉湯麵🍜：滷肉較少，味道較淡，麵係下午茶嘅正常份量。小食：豬爽耳味道唔錯，切功麻麻，有連住三四條嘅情況；小香腸味道亦都唔錯，不過只係得一條😂； 甘梅脆薯，炸得夠香口，加埋梅粉係幾開胃嘅😋。但係小食都係有同樣問題，溫度屬常溫，冇熱辣辣啱啱整出嚟嘅效果。

話說同事lunch食完話好好食，咁食貨既我當然要去試下啦，一到下午4點就去食lu~鐵牛係尖沙咀有一間，而旺角尼間係岩岩開左半年到，店員主要都係台灣人，不過都有請香港人做店員（我見店員姐姐好好傾，先多嘴問問)下午茶時間，未見有好多人，都有幾多位，不過唔係自已搵位架，要店員安排位置既。咁坐底，店員姐姐就比點餐紙我地，同提醒我地係點完餐👉先比錢👉再慢慢坐底等野食送到。下午茶係👉A1款主食，B3款小食 + C1杯野飲。我點左A👉小碗家鄉滷肉飯（飯粗大飽滿，咬落有口感，而滷肉咸度好岩香港人食，唔會太重口咪，而且滷肉食人口既溶）B👉逢甲鹽酥雞（新鮮炸起，外脆內軟，啖啖都有肉汁，同事話比起係出面買既炸雞粒好食好多，唔會乾真真），甘梅脆薯（面頭有啲酸酸地既粉，加上炸既甜薯，好正，炸得脆而裏面唔會乾），木魚炸豆腐（尼個出奇地好食，豆腐係炸過，而豆腐本身好滑身，肥妹仔我覺得比出而食既滑好多，而且啲汁酸酸甜甜，好開胃）C👉熱檸檬紅茶(3款之1熱飲不用加錢)同事點左A👉小碗麻醬乾面(面較為粗身，而且軟硬岩岩好，加上麻醬，比出面同類較有口感)B👉逢甲鹽酥雞(同事話必食)，椒麻牛肚絲(味道較淡，但勝左爽口彈牙)

又係食美食既時候，等等等，我終於都等到鐵牛分店開到去旺角，第一次食係尖沙咀食佢既牛肉麵，已經覺得好正，之後再食佢個紅燒牛肉既番薯飯佢有3小碟跟埋，價錢$6x唔包野飲唔算特別平，但我今日食吸引我既係佢地兩點半既下午茶，可以選主食一個，小食三個同一杯飲品，價錢都係$34，雖然係下午茶，但份量都唔少，同大家介紹下我的最愛先：主食（四款）：肉燥飯，麻辣乾麵肉燥飯油香十足，麻辣麵帶點肉碎，麻味剛好，係麵身略嫌太淋小食（十款）：小香腸，梅粉炸番薯，台式豆腐，鹽酥雞，麻辣牛肚小香腸皮脆帶甜，梅粉炸番薯係條狀皮脆內軟，梅粉小酸解膩，台式豆腐係軟身既炸豆腐，有類似蚵仔煎既醬汁上面再有青瓜絲，鹽酥雞有三粒同樣香脆，麻辣牛肚麻辣香味十足，切絲所以唔會變香口膠。鐘意食台灣野一定要試下。