鐵牛台灣牛肉麵 (旺角中心第一座) (Closed)

又係食美食既時候，等等等，我終於都等到鐵牛分店開到去旺角，第一次食係尖沙咀食佢既牛肉麵，已經覺得好正，之後再食佢個紅燒牛肉既番薯飯佢有3小碟跟埋，價錢$6x唔包野飲唔算特別平，但我今日食吸引我既係佢地兩點半既下午茶，可以選主食一個，小食三個同一杯飲品，價錢都係$34，雖然係下午茶，但份量都唔少，同大家介紹下我的最愛先：主食（四款）：肉燥飯，麻辣乾麵肉燥飯油香十足，麻辣麵帶點肉碎，麻味剛好，係麵身略嫌太淋小食（十款）：小香腸，梅粉炸番薯，台式豆腐，鹽酥雞，麻辣牛肚小香腸皮脆帶甜，梅粉炸番薯係條狀皮脆內軟，梅粉小酸解膩，台式豆腐係軟身既炸豆腐，有類似蚵仔煎既醬汁上面再有青瓜絲，鹽酥雞有三粒同樣香脆，麻辣牛肚麻辣香味十足，切絲所以唔會變香口膠。鐘意食台灣野一定要試下。