素年 (汝州街)

Open Now

Now Closed

朋友介紹這間素食店會採用依家飲食流行嘅新豬肉Omipork，植物肉， 今晚一於去試吓。其實植物肉也有幾個國際或本地品牌, 依家超市都好容易買到， 嚟學吓嘢睇吓有咩配搭如何烹調先。餐廳裝修充滿文青風格 ，白色牆身配木系傢俬。店前方的座位只係畀人坐低睇書或者等外賣， 奢侈得來真有性格～不可能泰式捲餅 $108打正旗號採用 Impossible 品牌嘅植物肉，賣相精美有藝術感， 椰菜花，西蘭花，青豆角， 溫室番茄顏色豐富。 泰式捲餅餡料豐富又大份。植物肉像真度極高， 覺得肉味偏向似免治牛肉而非豬肉，冇嗰陣牛嘅油羶味， 加上醃料都幾重手， 充滿濃香嘅泰式香料味道， 也混入酸酸辣辣醬汁， 素得嚟非常惹味！！喜歡東南亞美食不要錯過。牛油果燕麥奶（加$36）很喜歡牛油果做嘅飲料 ，當然有助健康腸道。整體 唔會太甜或者稠身， 燕麥奶好滑溜飲落舒服～朋友选了『三色青醬螺絲粉$88』份量也是很大， 男士們也必定夠飽！螺絲粉軟硬度適中， 伴入青醬特別可口美味， 還有翠玉瓜，松子仁，烤檸檬，雞髀菇等材料～ 清新得來味道也是很豐富!黑豆茶味道獨特，茶身好滑 沒有苦澀味。菜色實在叫人回味， 把各款素食材料發揮得淋

有一段時間冇嚟過 估唔到又有新野食🥰.不可能泰式捲餅🌯 $108墨西哥捲餅不嬲都係我最愛💓捲餅煎到好脆😋內餡有:impossible meat肉碎,紅椒,蘆筍,生菜,粟米🌽肉碎真係超多 每一啖都食到🤩整成肉碎比起整做漢堡扒更加似肉嘅口感‼️連個味道都勁似💯捲捲個味辣辣地 配料好fresh好爽口😎口感同味道嘅層次都好豐富🥳旁邊仲有烤雜菜 配埋自家製辣蛋黃醬🥚蛋黃醬同唔係素嘅蛋黃醬個味一樣🤣不過就完全唔辣嘅🙈整體食落好健康好清新✨但係塊餅皮太薄 所以我嫌佢個餡有啲多🤏🏻 .青醬三色螺絲粉💚 $88望落青bb真係好吸睛😍配料有:雞髀菇,翠玉瓜,菠菜,松子仁🤤螺絲粉份量好多 配料就比較少🥺翠肉瓜同雞髀菇好juicy😎青醬好creamy 食落唔會好漏😝雖然啲配料唔算好多 但係都點綴左成個面😚令到個口感冇咁單一👍🏻驚太漏嘅話可以加啲烤檸檬汁落去🍋

過往食素食餐廳嘅經驗都麻麻地，所以好少去食素食，但最近見到新派素食cafe ，見呢間都幾多好評，加上係💛💛小店，一於就同朋友黎試下！結果真係喜出望外😃首先環境真係好文青風，桌椅之間都好闊落，餐廳音樂好chill ，感覺好悠閒舒適☺️青醬三色螺絲粉 $88青醬味濃，都幾多醬，d醬黏係每一個螺絲粉上面，食落口啖啖青醬，螺絲粉質地適中，係正常發揮嘅菜色！不可能泰式捲餅 $108呢個係一定要試下，好有驚喜嘅一道菜！味道酸酸辣辣，好泰式嘅味，好開胃，重點係d餡料真係好豐富，我好少食素，之前食過素嘅肉係好冧好冧，唔多似肉，但呢一間嘅肉真係有肉嘅質地，咬下去啖啖肉嘅感覺，而且好juicy ，生菜好脆口，連埋外層捲餅，一咬落去多層次嘅感覺，真係好正！（打咁多字描述就知真係好正！）😋不可能漢堡包（芫茜版）$138芫茜控必叫！漢堡包係有烘過，外面脆脆地，個肉唔洗講，同上面食捲餅一樣好juicy ，像真度極高，都係令我好有驚喜！不過可能始終係素肉，舊肉唔會好似平時食漢堡咁實淨，食食吓會有啲肉碎跌落嚟。👉🏻值得一提於係平時食漢堡好少會聽到夾芫茜，原來夾芫茜嘅漢堡都好好味，而且芫茜份量都唔少，中意食芫茜嘅朋友可以