素年 (福隆大廈)

Open Now

Now Closed

一直bookmark左素年，今日終於有時間嚟試下! 平日未夠下午一點已經有唔少人等位，炎熱天氣下仲等左差不多30分鐘...睇餐牌嘅食物全都好吸引，完全睇唔出係素食!先叫咗一份泰式春卷，雜菜飲料，不過不失，要靠沾泰式醬帶出味道!黑松露帶子意大利飯: 帶子是厚厚的鮑魚菇做，賣相做得超級似! 黑松露飯煮得好香，而且份量勁多，吃了一半已經好飽!至於日式吉列豬扒咖喱意大利飯, 這個真的超級推介而且有驚喜! 重點係豬扒好juicy, 外皮炸得好脆, 但裡邊嘅肉一點都唔乾, 好好食! 配上兩片爽口的蘋果, 仲有充滿咖喱香的意大利飯, 大大碟好快食曬! 至於不可能肉醬意大利粉，酸甜味好突出，而且有不少"肉碎"，夏天食好開胃! 午餐仲包一杯斯里蘭卡伯爵凍茶，唔錯!過咗午飯時間後店鋪多了唔少座位! 如果唔肚餓下次可以兩點後再嚟食! 見到有人食burger賣相都好吸引呢!

相信食素既朋友對依間餐廳一定唔會陌生。平時好少食素既我被朋友力推下，終於有機會去試下，估唔到味道真係唔錯～餐廳已經開左3間分店，而今次就試左深水埗總店。店舖裝修簡約，以白色及木系設計為主，而食物質素高又有創意，主菜融合日式及西式元素，唔係食素既你都不妨試下～❀ 日式咖喱吉列豬扒意大利飯素吉列豬扒用新豬肉製成，味道同平時食既豬扒無咩分別，但口感就無咁厚實。炸豬扒既炸粉薄，香脆又唔會太油。而意大利飯配料豐富，有雞脾菇、蘆荀、蘋果及車厘茄，多重口感，配埋香甜既日式咖喱汁好惹味。❀ 不可能肉醬意大利粉份量好大碟，意粉堆滿到成座山咁，加上澎湃既肉醬，賣相好吸引。一上枱已經聞到好濃既蕃茄味，Impossible既肉醬仿真度好高，味道及口感跟一般肉醬無異。意粉幾有彈性，配埋香甜又份量滿滿既蕃茄肉醬，味道唔錯。❀ 純素沙律碗依個沙律勁多配料，包括：橙、金奇異果、羽衣甘藍、南瓜、鷹嘴豆、紫椰菜、車厘茄及波子蘿蔔，不但色彩繽紛，營養價值都好高。當中最中意係金奇異果及南瓜，兩種都好香甜，而其他蔬果都好新鮮，配埋酸酸既柚子汁，好開胃～❀ 綠茶豆腐蛋糕綠茶味唔算好香濃，但有著淡淡既豆腐味，味道好清新，甜而不膩。

近年深水埗變咗文青聖地🌝有文青cafe 又有皮革街所以都好鍾意weekend去尋寶上網見好多人推介本身見係素菜又多人等位諗住放棄不過見到佢個Menu好吸引於是留低名之後周圍行吓最後大概等咗半個鐘返到去差不多有位店面大概有10張枱感覺係chill chill地食lunch個種唔係for一班人聚會傾計講返Menu先主菜係以日式 x 西式為主亦都唔再局限於傳統素菜即係唔係原型嘅蔬菜而係新派用上impossible植物肉個質感其實都有6-7成似首先講咗我推介嘅日式咖喱吉列豬扒意大利飯其實味道好易想像日式咖喱醬汁加埋蘋果清甜飯粒都好飽滿吸晒啲味道而素吉列豬扒都好有口感另外嗌咗個不可能肉醬意大利粉坦白講正常不過無驚喜可能因為較易做到感覺同係屋企買包醬汁同素肉碎就做到如果黎到素年會建議試吓其他喺屋企冇咁易做到/多啲工序嘅菜式Overal都好味雖然係小店不過環境唔錯自己真係麻麻排隊(店舖受歡迎係好事😛)唔知有冇得book👉🏻👈🏻如果有就可以再食🤣

平日午市大排長龍！於是我們果斷叫外賣自取，還有九折優惠！等了大約二十分鐘，終於可以吃午餐了！午市定價跟普通咖啡廳食物差不多，不過是素食版本，份量還要極大，差點撐肚子到要吐。唯一美中不足的是，杯蓋鬆了令玄米茶倒瀉不少。冬陰意大利飯$88- 我選擇這個飯，不是太辣，冬陰功味重。我最喜愛吃茄子和草菇，在意大利飯上增添不少口感。推介！不可能肉醬意大利粉$88- 如果不告訴我這是素肉，我根本分不清這跟平時的肉醬意粉有甚麼分別！蕃茄和香料味道很重，好味道！青醬三色螺絲粉(可走五辛)$88- 朋友喜歡吃青醬，這些螺絲粉被青醬滿滿的包圍着，非常重口味！我們決定下一次要來堂食漢堡包和豬扒飯，期待！

這間餐廳開業不久我已經想來吃，可惜當時訂不到位，這次朋友終於成功訂位，我們終於可以試得到這間精緻素食店！正餐選擇不算多，但每一款都很有特色，滿足不同喜好的食客，本來想吃沙律，但覺得應該先試素肉會比較有趣，我們就吃肉肉肉～不可能肉醬意大利粉$88一上檯已經聞到很香香草味，一向都會覺得意大利粉太邪惡，這個版本的肉醬蕃茄甜味比較重，所以油膩度會降低很多，意粉彈性還不錯，植物牛肉味道其實和一般牛肉無異，反而因為整體都甜甜的所以很容易入口。黑松露蘑菇漢堡包 $98第一次看見漢堡包裡面是厚厚的蘑菇！不過蘑菇多汁又有口感，完美取替了本來應有的肉，加上漢堡包有烤過有點脆脆的口感，是很飽滿的漢堡包。cappuccino $32精緻的拉花，頗厚的泡沫層，很綿滑的咖啡，放久了依然好喝，下次再試一下這裡的燕麥奶飲品！

素年喺素食界大熱，有好多人都讚好味，細細既餐廳一位難求，唔book位基本上都食唔到，所以大家記得book位。素年係新派素食，好多菜式都有用植物肉，不過都有蔬食啱唔特別鐘意植物肉既人，滿足唔同人既需要。個燕麥奶用左藜麥黎取代珍珠，感覺更健康。細細粒既藜麥又冇珍珠咁滯，飲完都仲食到野。依個冬蔭公飯絕對係必食！酸酸辣辣好開胃，好有泰國風味，唔食得辣既朋友記得叫少辣，因為都幾辣。肉醬意粉用impossible meat做，似肉到呢根本就係食緊真既肉醬意粉，啱哂想食下素既食肉獸！吉列豬扒三文治用新豬肉製作，炸得酥脆又有肉既口感。三文治可以揀純素，略嫌有少少唔夠重口味，如果可以加塊daiya素芝士就perfect喇。蕃薯條本身係配burger，但原來都可以散叫，好大碟，食到好飽。素年既質素配依個貼地價錢真係好抵，抵佢地成日爆滿既！

今日和幾位朋友吃飯，因有位朋友吃素，故我們都會圍繞素食的範疇去找食店，從朋友口中得知深水埗有一間素食店，口碑還不錯，所以就選了這間來聚會。來到這兒，在外面看來很不像我們平常見的素食店，這裡的設計很新派，簡約，感覺走文青路線似的，當時雖然還未夠七點，但入面已經坐滿客，我們就訂了七點半的，所以時間還早，所以七點半再來過。到了七點半，可能侍應知道我們訂了七點半，所以見到我們就立即叫我們入內。我們看看餐牌，其實這裡的選擇不多，但樣樣都很吸引，好在我們有五個人，所以可以試多樣菜式。我們很快就叫了餐。晚餐還送上玄米茶或凍伯爵茶。玄米茶很香，入口很順喉，很舒服。朋友叫了一支手工啤酒（鬼佬），這個味是印度淡色艾爾，入口很有麥味，朋友話好飲過生Ｘ啤酒。青檸接骨木花梳打 和 凍伯爵茶，青檸梳打有陣陣接骨木花味，感覺很清香，味道特別，可口非常！凍伯爵茶味道都很有英國風味。芫茜意大利飯上枱，單見賣相就有點擔心，雖然我本身對芫茜不抗拒，但見到那麼多芫茜就有點驚，驚味道太濃，但當吃第一啖的意大利飯，居然出奇的好吃，意大利飯好有芫茜味，但不會太濃，味道調較得好好，好易入口，吃得出廚師在這碟飯用了心機去調較出一個恰度