蜜密 (Closed)

大熱天時要由九龍去元朗幫老闆拎嘢，我已經面燶燶，再加埋咁嘅天氣，真係唔中暑都偷笑，當攪掂哂準備搭西鐵出返九龍嘅時候，經過一間甜品店，由於我已經出汗出到脫水咁濟，就決定入去飲杯嘢．坐低睇完餐牌，我就比呢個咁獨特的甜品名字吸引，所以就點咗杯黎試下一上台，侍應就好細心叫我攪均先好飲，因為蜜糖沈哂起杯或，我攪完一飲，已經將我嘅怒火同熱火降咗一半，非常冰涼，飲品帶有少少柑桔酸味但加埋蜜糖的甜味，甜酸味非常適中，而且有好多蘆葦果肉，簡直係啖啖肉，消暑之選，飲哂之後簡直將今日嘅怨氣全部掃除．

今日係一年一度「糭子節」大家都放假一天，所以就約左好姊妹入黎元朗行街街，當然要去食三點三---下午茶先啦～我地揀左近元朗西鐵站既「蜜蜜」，因為食完之後可以長驅直進行曬兩個商場^^係門外睇緊有咩食個陣，店員已經好熱情咁招呼我地入內坐，唔使點等位⋯very good因今日實在太太太熱了，我地叫左杯「不能說的蜜密」飲，因為都幾大杯，所以我地兩個share飲，另外我地一人叫左一款甜品，我好中意食waffle既關係，店員推介試下「比利時朱古力醬窩夫配雪糕」，而好姊妹就揀左充滿童話感覺既「星星、月亮、太陽」不能說的蜜密（蜜糖、蘆薈、梳打）---因為係杯底有蜜糖，店員好窩心咁提提我地要拌勻先飲，呢杯「蜜密」好多蘆薈粒粒，以上三樣野撈埋一齊，入口有爽脆既蘆薈肉同蜜糖潤喉，岩曬天時暑熱潤一潤，解解渴比利時朱古力醬窩夫配雪糕---呢個waffle有驚喜，原來以為比利時朱古力會好甜，但佢配埋外脆內軟既waffle，就變得易入口、冇咁膩，食多件都仲得，waffle除左有朱古力醬舖面外，佢仲有另一款，就係新解waffle上灑左啲糖霜，而呢一款配埋呍呢嗱雪糕一齊食，效果不錯，又暖又凍星星、月亮、太陽---「星星」

同朋友食開以前上手舖位既甜心先生,順便試下呢間新既甜品店,D甜品名都幾得意,有個叫甜蜜王國,有個叫不能說的蜜密,不過最吸引我都係呢個星星月亮太陽,我最中意食芒果,呢個就係有3樣芒果既甜品食,真係一次過滿足哂我3個願望!! 賣相非常好之外, 都好好食!! 個楊枝金露同出面既好唔同,好香好滑,朋友食過都話好!呢杯就係朋友叫既不能說的蜜密,未叫之前我地問呢杯其實係咩黎咖? 店員話係秘密,飲過就知啦!我地就膽粗粗叫左!點知都有驚喜, 原來佢用用左蜜糖取代糖漿既梳打汽水,即刻覺得健康左!隻色同味道都幾特別,唔錯! 總括都唔錯!下次會再黎試下其他,尤其個個甜蜜王國 好似幾吸引!!