Season Plus (Closed)

週末總想chill 吓，係OpenRice 發現尖沙咀山林道有間蠔吧， 正合我心意可以嘆下酒及食我最愛生蠔， 和朋友傾下計放鬆一下心情。一來到餐廳發現裝修好特別，成間都用花裝飾，加上燈光配合，令我覺得自己置身室內花園，而且座位闊落，坐得好舒適，我們都坐了三小時，餐廳員工都很有禮貌招呼。我們叫了幾款食物，有雪茄蝦卷，Parma ham 沙律，生蠔連白酒，烤焗海鮮併盤，每款食物都各有特式，擺盆吸引。雪茄蝦卷：外表已十分吸引，真的極像雪茄，製作認真，熱焫焫再配上沙律醬，鬆脆可口。Parma ham 沙律：ham 甘香，油香適中，沙律醬調味剛好，不會太多或太少，每一塊沙律菜都有沾上，味道恰到好處。生蠔連白酒：呢個係set, menu 選一枝酒另加$50，就有精選生蠔一打或中碼生蠔半打。由於我們十分喜歡食生蠔，所以各叫了1 set, 侍應話精選生蠔係來自歐洲，呢隻生壕海水味較濃，而且入口creamy。中碼生蠔係來自美國，呢隻size較大，入囗 creamy。而白酒我只叫了最平的Tini Bianco, 所以一款生蠔連酒$198,抵呀👍。呢隻酒易入口，不會太酸，送海鮮一流🤤。烤焗海鮮併盆：滿滿一盆

這間餐廳有cocktail又有生蠔，價錢超值，非常吸引🤩 每位$168任飲39款cocktail，menu大致上分了Vodka, Gin, Rum調製的三類cocktail，花多眼亂，於是乎先點了Bloody Mary開開胃。一喝下去滿滿的蕃茄味，隨後出現微微的辣勁，咬一口紅蘿蔔條味道更清新，非常開胃。中碼生蠔$50半打，清甜新鮮，帶有淡淡海水味，與酸辣的Bloody Mary 原來挺搭配呢🦪🍹Jumbo Kingdom 味道清新脫俗，入口有很fresh 的洋葱味，之後有淡淡的甜味，很易入口，感覺可以一直喝下去😍Gimlet 以gin和lime juice 調製，新鮮的青檸帶來了一絲異國風情，沒有花巧的味道令酒味稍為突出一點。烤焗海鮮拼盤二人份量剛剛好，有龍蝦、扇貝、翡翠螺、虎蝦、大蘑菇。芝士焗原隻龍蝦🦞每人半邊，爽脆清甜的龍蝦肉被芝士包圍🥰 焗得金黃的表面散發微微芝香，開了半邊的肉仍很厚實😋螺肉大粒爽口，帶有蒜香牛油蒜蓉蜆肉意粉，蜆肉毫不吝嗇，扁意粉亦吸收了蜆肉汁，入口充滿牛油蒜香和蜆肉鮮味，煮得恰到好處的麵條還帶點咬口，很不錯呢～西班牙厚切黑毛豬鞍扒 肉質軟嫩，無需蘸醬汁也很好吃！

 之前去過「Season Plus」旺角分店，覺得佢地生蠔同海鮮好抵食，所以今次又同蠔友一齊黎刷返餐勁嘅！💪🏻第一次黎尖沙咀分店，雖然要行後巷上去，好似有少少偏僻咁，不過其實更顯得像城市中嘅後花園，令人感覺耳目一新，可謂咁多間分店最感覺良好嘅一間。😂黎得「Season Plus」，梗係要享用生蠔白酒套餐優惠啦！最平$198，就可以有一支白酒和一打生蠔，真係好抵！上次試過意大利嘅Tini Bianco（$148）覺得唔錯！今次我地再豪啲，叫左支澳洲嘅La Catrina Moscato（$268）入口清甜易入口，帶有白花、荔枝、蜜糖、水蜜桃🍑等香味， 啱晒愛甜酒嘅foodie～配生蠔更一流！生蠔可以揀精選生蠔（一打）或中碼生蠔（半打），中碼生蠔顧名思義就梗係大隻啲啦！😂我地揀左中碼，真係大精選生蠔一個double 架！生蠔好肥美，又鮮甜，海水味比較淡，尾段有濃烈嘅礦物味，值得一試！Over 1年以上都冇加過價嘅烤焗海鮮拼盤（$298），真係幾抵食！拼盤有：芝士焗原隻龍蝦 巴馬臣芝士焗扇貝 蒜蓉翡翠螺2隻 芝士黑松露焗大蘑菇1隻 牛油蒜蓉焗虎蝦2隻 好豐富呀！芝士與龍蝦係可謂最完美嘅配搭

今日去咗尖沙咀山林道一間比較隱蔽嘅西餐食晚飯。依間餐廳係環海大廈地下，位置比較入，一般情況下都未必會去到果個位置。今次其實係朋友介紹我去嘅，朋友話佢哋嘅野食非常之正，而且仲有好靚嘅即開生蠔食添。中碼生蠔一份有六隻，輕輕淺嘗，兩個人剛剛好。每隻蠔都有三份一隻手掌大細，而且好新鮮creamy。兩人以上可以試下精選生蠔，店員話精選生蠔雖然比中碼生蠔細隻，但同等價錢，有成十二隻咁多嫁。日本一口和牛粒和牛粒油花均勻，牛味濃郁，每一粒都煎到剛剛好，鮮嫩有肉汁，入口油香而不膩。如果有叫到餐酒，作為佐酒小食亦都相當唔錯。白酒煮蜆白酒味好濃郁，而且隻隻蜆都鮮甜，蜆肉肥美飽滿。蜆既數量都好多，好抵食。白酒煮蜆都算係較低卡路里、較為清淡輕鬆無負擔的海鮮料理。威爾斯羊仔架一客四支骨羊仔架，配有沙律菜同脆薯。羊仔架非常之靚、一切開，羊肉仍然十分粉嫩。入口近乎無羊酥味，肉質鮮嫩唔韌，表面微微烤脆，好好食。

食過銅鑼灣店，今次喺九龍癮起，就去咗試試尖沙咀店～ 餐廳位置都幾難搵，行到中途見到個牌仔，寫住Season Plus要向住呢條路再行50米，好似玩緊野外定向咁😂 喺條巷仔行到尾就搵到間餐廳㗎喇，唔好放棄。今次有朋友同我一齊食飯，就開咗支酒，Tini Bianco $148 加$50就有半打中碼生蠔，雖然size比起吉拉多生蠔差好遠，但價錢實惠，海水味出，好新鮮，配埋白酒，性價比高。蒜蓉牛油翡翠螺 $68 友人好鍾意食，翡翠螺充滿着蒜蓉牛油好香嘅味道，食完一粒又一粒。威爾斯羊仔架 $168 羊架調味到位，好香herbs味，肥瘦適中，而且啲肉都幾嫩滑，但係伴碟嘅薯角係凍嘅...黑松露蘑菇意粉 $128 黑松露聞落味道好濃郁，但食落略嫌黑松露份量可以再多啲，意粉都creamy嘅。烤焗海鮮拼盤 $298 上次喺另一分店食，調味有啲重手，呢間就剛剛好，齋食都唔會話太重芝士鹹香味，仍然品嚐到海鮮本身嘅味道，而且有人同我share嚟食，食得更開心。唔駛加一服務費，埋單2人約$860。如果你鍾意睇我嘅食評，不妨關注我，支持吓我，謝謝你☺️💕