元札幌拉麵 (悅來坊)

Open Now

Now Closed

今日我和朋友來到宇晴軒商場裡的「元札幌拉麵」用餐。我們選了「松＋梅＋竹＋菊」套餐$198，分別包兩個主食和兩個小食，二人餐的價格來說尚算個宜，餐牌也有很多選擇，而且沒有加一服務費。海鮮拉麵：麵身硬度適中，有咀嚼感，配餸方面有一個青口和兩隻鮮蝦配合野菜，湯底是味噌湯，這可突顯海鮮的鮮甜。溫泉蛋牛肉飯：推薦。飯是分開上，這更突顯牛肉肉質的鬆軟，溫泉蛋與牛肉汁混在一起十分配搭，很適合送飯。串燒雞翼：有鎖著肉汁，但不是太特別炒魷魚鬚：彈牙有咬口，燒得剛剛好，不會太燶，蒜香味重。縱觀而言，我認為今餐質素不過不失。雖然不算太特別，但也值得一試再試。

熊貓酒店商場雖然名義上都係酒店屬下o既購物商場，但係d 店舖都仲係好親民，行下街食下o野洗費都唔方大得去邊。呢間拉麵店位於一條全部都係食肆o既巷o既中間，本身有少少類似居酒屋o既設計，更加擺放o左多隻多啦a 夢擺設，包括其中一隻有大半個人咁高，等我同佢握下手先～午餐時段有套餐可叫，一個拉麵可配搭一個小食甚至一個迷你飯，另外再送o野飲。咁餐廳叫得札幌拉麵，梗係要試下佢o既札幌名物啦，所以點o左一碗札幌螃蟹拉麵(跟餐$78 未加一)。個碗係店家自己設計的，個麵o既湯底我覺得幾特別，menu 都有提到湯底係「來自豚骨同雞o既絕妙balance，長時間小心熬製」，味道無一般食開o既豬骨湯咁濃而偏鹹，會清淡一d，反而襯托到蟹肉o既鮮甜。蟹棒份量唔算話好多，但真的真材實料，誠意可嘉。自選小食嗌o左客串燒雞翼，燒到金黃色好香，擠上少少檸檬汁吊味仲正。貼心o既係店家已經輕微拆o左骨，唔會令到食相好核突！呢個餐跟餐包汽水，寫o左罐玉泉。我地仲點o左一份章魚燒($38)，有五粒，粒粒都好大粒好飽滿，上面瀋o既木魚碎又鬼咁死多。口感煙韌，醬汁惹味，食親呢d 都好驚一啖咬落去然後被辣親，但總係忍唔住想快d 趁

呢輪三兄弟個腸胃都唔好，屋企啲乳酸藥食得七七八八，所以今日過左荃灣間寵物店買乳酸比佢地。後來行到過黎熊貓酒店悅來坊搵食，之前食過呢個商場嘅牛之鍋同定食8，今次就試下地庫呢間「元札幌拉麵」啦。遇上食飯時間，加上店鋪唔大，坐位不多，難免要攞飛等一等。等左5分鐘左右就有位啦，攞起份MENU睇睇，小食同飲品種類都算多，而且價錢都幾抵下喎。主食方面，有拉麵同飯可供選擇，而拉麵除了有3款湯底，味噌、醬油同埋鹽味可揀之外，連麵嘅軟硬度都有得揀，認真貼心。牆上嘅木制掛牌相當精緻，令店鋪沾上一番日本風味。先黎小食，串燒雞軟骨，雖然稍為乾了點，但仍然食到照燒味道，而且好香好脆。串燒雞翼，外皮燒得夠晒香脆，價錢只係$15咋，真係好抵食。極力推介呢個燒牛舌，呢度個牛舌不單夠厚，而且相當惹味，口感十足。有機會一定要試下。老婆點左豚軟骨拉麵，選了醬油湯底及硬身麵底。佢最鍾意隻流心蛋，唔會太生或太熟，啱啱好。豚軟骨煮得夠腍，有咬口，而麵底就夠晒彈牙。而我個牛肋條飯連沙律、蒸蛋、麵湯都只係$75，認真超值。而且份量都唔細，正常男人食量都夠飽架。