Papa Express (Closed)

今日終於放假啦，瞓到中午起身食少少嘢就約朋友去九龍公園打波，打到四、五點真係好鬼攰，好耐無咁痛快~ 由於另一半唔得閒，諗住打完波無地方去就叫個老友上嚟食飯傾下偈。問個老友想食啲乜嘢，佢因為喺呢頭返工所以平時都會去附近買外賣，佢話有間外賣店嘅質素好高。收拾細軟後就揸車出發啦，佢介紹呢個地方喺新文華中心，印象中好似嗰度冇咩外賣店，但原來好容易搵，就係行人天橋底就會見到。泊好車之後就一齊行去，去到見到係一間外賣小店，門面都幾乾淨衛生又整齊，大部份餐牌都展示出嚟等人方便選購，佢種類好多元化選擇又多        ，兩個男人基本上都係食個的嘢，但呢段時間又要減肥，最後我哋嗌咗一個沙律、一個飯、幾款串燒同埋兩杯嘢飲。趁呢段時間無乜人就同個靚女職員傾下偈，佢話原來除咗做外賣之外，仲有一啲派對嘅到會提供，老實講款式比較普通連鎖店啲款式多，等咗一陣間所有食物終於都齊晒啦，個職員叫我哋啲串燒要快啲食，咁我哋兩佬梗係拿拿聲揸車返去開餐喇。住得近好快就返到屋企，好彩所有嘢都仲係好熱。趁我老友同隻狗玩緊嗰陣時我梗係不忙影相啦，佢呢度嘅食物賣相每一樣都好吸引，特別係個Papa Red起初仲以為佢溝埋一齊，點知原來

放工去朋友屋企開Party，我就喺公司附近買埋嘢食先過去🎉。我幫襯咗位於尖東天橋底嘅「Papa Express」，店舖新開無耐，之前喺度買過兩次午餐，日日都好多人。平日我就買飯多，呢日試吓其他菜式😜，就例如Pizza同串燒，而佢哋亦都要每日下午五點後先提供。外賣包裝整齊妥當🥡，等候時間亦都合理。店員好好人，仲叫我下次可以Whatsapp落定單，慳返啲時間。蕃茄芝士香脆薄餅($110)，🍕薄餅直徑約十吋長，餅底香脆，就好似餅乾一樣，食落唔怕滯。齋睇相都見到勁多芝士🧀，熱辣辣，富拉絲效果。同時，佢亦有好多茄醬同鮮蕃茄🍅，係經典Margarita口味，但如果有少少肉就應該更惹味。YELLOW沙律($55)，🥗沙律有多款口味，外賣碗分上下兩層，好細心呢。我嗌嘅呢款叫Yellow💛，食材包括什菜、牛油果、芒果、蕃茄、雞肉同藜麥，成個組合幾清新又健康。醬汁係柚子醋🍊，食落酸酸甜甜，開胃一流。我另外仲嗌咗一堆串燒🍢，價錢唔算貴喎。第一盒有以下四款，包括翠玉瓜($18)、🍄雞牌菇($18)、帶子($28)同🍤蝦球($25)。呢幾款微微辣🌶，蔬菜燒完都仲保持多汁；海鮮就幾鮮味。第二盒就係沙嗲串，包括豬軟