劉一手重慶火鍋 (又一城)

Open Now

Now Closed

 「劉一手」終於係九龍塘又一城捲土重來！🎊之前去過銅鑼灣分店之後，一直都念念不忘佢嘅黑糖糍粑～🥰🥰而家終於可以再回味下啦～食正宗嘅川式麻辣火鍋，一定要調配返個油碟醬料！先注入自家品牌嘅油碟（即麻油），再混入葱、炸蒜粒、辣椒、豉油、香醋等醬料，重口味得黎又夠晒惹味！😏「劉一手」除了有招牌重慶麻辣湯底外，仲有多款唔辣嘅湯底，包括滋潤椰子雞湯、養生滋補花膠螺頭燉雞湯 、皮蛋芫茜湯、老壇酸菜魚湯等，鴛鴦鍋/奔馳鍋（三款湯底）就可以一次過滿足晒所有願望～😎一手辣方紅油麻辣紅油湯底用左牛油脂肪、郫縣豆瓣醬、永州豆豉、貢椒、二荊條、漢源花椒，以及10多種中藥材香料炮製而成，有4種程度嘅辣度可以揀，迎合不同客人嘅口味，我地揀左一隻辣椒🌶️，湯底紅亮溫潤，香味醇厚，麻中帶辣，辣勁越食越出🔥！另外我地仲叫左椰子雞湯，湯頭都幾滋潤，雞件厚肉，嫩滑多汁。🌟推薦❗️劉一手招牌牛肉四重奏牛魔王必點！有齊A4 鹿兒島和牛三角腩、A4鹿兒島和牛肩、A4鹿兒島和牛肉眼上蓋和美國肩胛脊肉，上枱時用上直立式拼盤，將每塊牛肉反地心吸力地舖在木盤上，打卡一流！😎 所有牛肉都係靚牛，肉味香濃，肥瘦適中，完全唔需要蘸醬汁，原汁原味都已

今日我和弟弟往又一城逛街，弟弟說以前四川食過劉一手，於是我們今晚往劉一手重慶火鍋看看有否分別，我們點了鴛鴦鍋(招牌一手辣方麻辣紅油湯底和滋潤椰子雞湯),配料我們選了劉一手招牌牛肉四重奏,丸丸拼盤,田園蔬菜拼盤，飲品竹蔗茅根紅羅白馬蹄水和黑糖珍珠奶,辣方麻辣湯底我們點了少辣,辣度適中有少許麻辣,椰子雞湯椰子湯香滑,雞肉肉質鮮嫩,牛肉四重奏賣相吸引,分別有鹿兒島A4和牛肩,肉眼,三角腩和西冷,肉質粉紅鮮嫩,肥瘦適中,入口即熔,丸丸拼盤有魚蛋,龍蝦沙律丸,牛筋丸,香菇貢丸和墨汁花枝丸,丸丸拼盤食落入口彈牙,口感味美,蔬菜拼盤有菜,冬菇,金菇,粟米和萵笋等,菜食落新鮮爽口,冬菇軟腍,金菇和萵笋爽口,粟米鮮甜,最後凍黑糖珍珠奶,飲落甜度適中,奶味香滑,餐廳座位舒適闊落,食物美味高質,弟弟說比四川劉一手湯底更美味,我和弟弟食了一頓好味重慶火鍋

首先服務態度方面：有一位短髮比較中性打扮嘅女侍應服務態度係最好嘅，一開始我地坐嘅位置天花板/冷氣機有滴水情況，立即幫我地更換另一張卡位，仲有門口帶位入座的女staff服務態度都非常好，其他侍應嘅態度比起我地平時出邊食同類店舖但更平嘅餐廳差好遠。。鍋底方面：鍋底非常有趣 （如圖）麻辣鍋底辣嘅程度分別有四個級別第一同第二個程度分別係一條辣椒同兩條辣椒嘅程度，不用加錢第三同第四個辣嘅程度分別係三條辣椒同四條辣椒嘅程度，第三同第四個辣度都是分別要加$10 ，非常有趣其實本身餐廳價錢不是便宜，唔明點解唔可以大方少少包四種辣到，而需要另加價錢，可能是噱頭啦食物及飲品方面：1.竹笙$68吸晒所有麻辣湯去食真係超級正2.紅糖糍粑 $68都可以，雖然冇其他同類店舖整得好食同正宗3. 古早珍珠奶茶（小）$42非常好味，珍珠非常煙韌，甜度啱啱好4.KIRIN ICHIBAN 1000ml $138非常欣賞呢個啤酒非常有特色啤酒上面嘅白色嗰個全部都係沙冰非常正，口感一流，又夠凍，非常特別5.新鮮手切牛頸脊 $298好食，好滑，唔un,重牛肉味，不過份量少，餐牌唔同其他麻辣火鍋會寫份量幾多g肉，所以嚟到先知得好

講到麻辣火鍋，重慶「劉一手」絕對係老饕津津樂道嘅好選擇！最近小編發現劉一手喺又一城正式開店！據說今次同過往不同，新店屬直營店，無論食物質素或質量都更有保證！食材用上和牛、龍蝦、魴鮄、刺身……等矜貴材料，仲有破格新增一系列丼飯、壽司及涼菜，似乎有意洗去舊形象，實行全面升級！😋​✦ 奔馳鍋​ HK$304（以單味湯底嘅半價計算）一行幾個朋友，個個口味唔同，所以揀咗有三個湯底隔嘅奔馳鍋，我就當然揀招牌一手辣方麻辣紅油湯底！至於不愛辣嘅朋友就揀養生滋寶花膠螺頭燉雞湯及皮蛋芫茜湯。​值得一讚係，店內嘅招牌重慶麻辣湯底，麻辣膽都係由重慶本店直送，以4種乾濕辣椒、花椒、紅油炒成，再加辣椒乾、花椒和骨湯做湯底，分4個等級辣度，啱晒唔同程度嘅麻辣控！​當湯底滾起，牛油香及花椒麻香直湧鼻子，食上口，辣勁與麻痺感散布整個口腔，好正！​​✦ 劉一手招牌三拼 HK$638​火鍋點少得肉？原來劉一手嘅類類拼盤都係好似獎牌咁送上！第一次見咁嘅presentation，真係好特別！打卡100分，不過放得耐會有血水，影完相還是平放較好！😂 ​呢款三拼分別有三角腩、牛小排及黑豚肉，肉質無礙係用足靚料，肉類鮮味彈牙，無咩可