Burger's Friend Forever (MONTEREY Place) (Closed)

呢排蒲得多將軍澳經常留意有乜好食抵食今日行過澳南見到一間低調嘅burger店Burger迷如我當然要一試！點左一個至尊漢堡 Trucker Burger 係雙層非常Juicy嘅漢堡牛肉配上溶溶起嘅芝士、蔬菜同脆煙肉簡直係amazing!!!! 配埋粗薯條超飽肚🍔百幾蚊有呢個質素真係好唔錯另外點左一個丹麥藍芝士漢堡諗住試下啲創新嘢牛肉漢堡依然十分juicy 配上藍芝士本人覺得太濃但係應該會適合重口味嘅朋友另外推介小食類 （唔記得影相）：1）鷄塊 (必食！）炸得好脆鷄肉食落好滑但不油膩2）一口芝士塊咬落拉芝～～～環境方面鋪頭細細十分低調親民的感覺不錯😌下次都係食返傳統款式比較適合我🤍和牛漢堡應該都非常不錯👍🏼

成日經過都聞到好香， BFF嘅漢堡包係採用咗100％全天然美國安格斯牛肉及澳洲和牛，今次終於嚟試下啦~我地叫左兩個漢堡，其中一個就加錢轉咗套餐1️⃣ 鵝肝安格斯漢堡 鵝肝肥美煎得好香入口即溶，再加上安格斯好juicy，夾埋食正呀2️⃣ 丹麥藍芝士漢堡 (+$20 配薯格同汽水）聽到人話藍芝士好臭， 但係鍾意食芝士嘅我就必定要一試啦。 好濃又鹹鹹嘅藍芝士配上甜甜嘅洋蔥真係好夾好好味。 薯格熱辣辣同埋份量都唔少 原本係想嗌個蕃薯條試下，但係點知賣曬喇所以下次再嚟過試蕃薯條加其他味嘅漢堡包

將軍澳海旁開左好多新餐廳 我同朋友行完Donki出黎見到呢間漢堡包店門口有個好靚嘅燈牌入面又幾多食客 好似好有人氣 所以就決定同我嘅BFF入去食晚餐☺️.🌟至尊漢堡 ($98)成個漢堡好大個 夠晒足料🍔 所以要用籤串住佢 食嘅時候先唔會飛晒d餡出街有兩塊厚身漢堡扒 食落有牛味仲保持到juicy而且仲有煎蛋、煙肉同蔬菜 組合起黎係超多料嘅經典漢堡啱晒大胃王🤤.🌟丹麥藍芝士漢堡 ($85)呢個藍芝士漢堡果然有好突出嘅芝士味🧀藍芝士味道較濃烈同偏咸 配埋漢堡扒就啱啱好雙方嘅味道都好夾而且仲有煮到好腍嘅洋蔥條 加添左好似焦糖嘅甜味🧅.🌟香脆有皮薯條+罐裝汽水 (+$20 per set)加多$20就可以升級套餐 本身想食薯格但係可惜賣晒🥲薯條比較粗身 外層脆得黎又食到少少薯蓉內層🍟而且仲有撒上調味粉 更添風味 份量都幾多.店舖嘅裝修行工業風雖然餐廳唔算好大 但係都放左大枱同有足夠嘅間距等客人嘅用餐體驗更好 可見佢地嘅用心

嚟到將軍澳donki行吓，估唔到附近原來有咁多商場同餐廳，平時真係少嚟呢邊，之後有機會都想喺附近再行下。今日天氣特別好，好熱，食Burger飲杯凍可樂就啱晒﹗而且呢到附近環境都幾空曠，地鐵站行過嚟都係 10分鍾左右，行下donki同海傍都幾好。環境方面｜餐廳都幾多位置，有三張高枱同普通四人枱，裝潢較簡約，樓底夠高，整體坐得都ok，仲有個自助bar拎餐具同斟水，亦有提供埋手套自取，唔拍食包整污糟手。丹麥藍芝士漢堡 $85 + $20 Set =$105 見上網幾多人推介，所以叫咗嚟試，藍芝士嘅味都相當濃烈，未必個個都鍾意，但如果你鍾意藍芝士，就應該幾滿意，加埋啲洋葱配搭，牛肉都幾多汁，有咬真係有肉汁滲出，包都鬆軟唔會太乾。真係睇大家係幾鍾意藍芝士，因為呢個包嘅藍芝士真係幾足料。推薦：🌕🌕🌕🌗🌑------------------------漁夫之寶  $72 ＋ $28 Set ＝ $100我自己就係叫呢款食，平時少食牛，所以就揀咗「漁夫之寶」估唔到有幾驚喜，魚柳雖然唔係超巨型，但魚肉唔會霉之飲，魚油幾香，肉質都有口感且唔會鞋身，加埋個汁好夾，小編個人係幾鍾意，大大話話都勁耐冇食魚柳b

[ #caloriefoodie將軍澳 ]• 𝙱𝚞𝚛𝚐𝚎𝚛’𝚜 𝙵𝚛𝚒𝚎𝚗𝚍 𝙵𝚘𝚛𝚎𝚟𝚎𝚛 •🦦-之間經過門口聞到好香已經想食 但嗰時食飽飯就冇食到><今次去tko就過嚟試下 再順便行donki!😗-🍔丹麥藍芝士漢堡 💰$85 +$20配薯條、汽水第一次食藍芝士嘅burger! 藍芝士充滿鹹香味配埋甜甜哋嘅洋蔥味道就中和翻漢堡扒超juicy 一切開就流晒啲肉汁出嚟(⸝⸝⸝´꒳`⸝⸝⸝)麵包上面有黑白芝麻 麵包皮外脆內軟 切落去仲有咔一聲！薯條味道就正正常常~香脆而且仲有啲薯仔皮🥔-🧀一口芝士 💰$45/ 5PCs鍾意流心芝士嘅人必食！佢成粒都塞滿芝士(´ε｀ )最好同frd share食 咪好大罪惡感😈-📍將軍澳澳南海岸唐俊街23號MONTEREY Place 地下G22A號舖-#caloriefoodie

喺將軍澳donki同一個商場原來都有唔少特別嘅餐廳/cafe，經過呢間賣burger嘅鋪頭，睇返都有唔少人介紹過！去開附近諗唔到食咩好就可以試下呢間～😛•🥢 丹麥藍芝士漢堡 $85包係有烘過，少少脆嘅，面頭有啲黑白芝麻；藍芝士味幾濃，但就集中咗係中間，要咬多兩啖先食到，就咁食會偏濃味，但成個burger一齊咬就啱啱好，因為漢堡扒嘅調味唔係太重，同埋仲有煮過嘅甜洋蔥中和返～ 漢堡扒幾juicy，咬落爆晒汁🤤•🥢 候斯頓漢堡+燒大菇 $76+20朋友想食大菇又想食肉，但餐牌嘅菇漢堡就冇漢堡扒，所以叫咗候斯頓漢堡再加大菇喺入面，所以出到嚟個包疊到好高😋 bbq醬汁喺中間，幾惹味，呢個加埋菇比藍芝士漢堡更juicy~•🥢 薯條&汽水 +$20薯條係有皮薯條！薯條幾長，好飽滿，唔會係空心，食完個包再食都仲好脆～

將軍澳之友必去💓好食🤤大大份Burger我係星期三夜晚去，門口見到好多人叫外賣🤭比我想像中多人，鋪頭差唔多坐滿人，但唔駛等位😆同男朋友揀左最出名既💓黑松露和牛漢堡💓丹麥藍芝士漢堡😆加左套餐蕃薯薯條同薯皮薯條🤤本身想食洋蔥圈但都無賣哂！皇牌黑松露和牛漢堡 $110 +蕃薯薯條、汽水$28首先講左個和牛超厚😍，店員好貼心話和牛唔係全熟🤤，鐘意食牛既我當然覺得好正！果然肉質好嫩口，黑松露味好香，食既時候不停爆汁，入面夾住菜苗，食起上黎會fresh d! 本身我唔鐘意食包，但呢個burger上面個包真係有d脆，食起上黎好有口感，值得一讚🥰(好厚既和牛，一路打都好想食）想提埋個蕃薯薯條🍟，好少餐廳會有，自己本身都鐘意食，推介你地！丹麥藍芝士漢堡🤤都係網友推介既全間鋪都係安格斯牛/和牛，肉質都係好好味！最特別係隻藍芝士，超濃超香！好岩我呢個重口味既芝士迷🌟

今日要入將軍澳，搵左一間係Donki附近嘅Burger shop 食午餐，順便去Donki行下🍔🥰❣️是日餐單丹麥藍芝士漢堡好少食有藍芝士嘅漢堡，一見到就想試。藍芝士咸香單食有d咸，但廚師細心地加左甜洋蔥入漢堡，中和咸味之餘仲增加左味道層次。選用嘅黑白芝麻包帶甜味，麵包外脆內軟，好味👍🏻👍🏻牛肉有少少過熟但可接受，生菜番茄都好新鮮🥰🥰我冇揀薯條係因為近排食得太熱氣😂😂😂沙律菜🥗都好爽脆新鮮👍🏻👍🏻Burger shop周圍空間感好足夠，綠色植物好多好似去左外國咁，好適合放假過黎🍹🍹

今日又去海濱搵好西。將軍澳既Burger店唔多，今次俾佢吸引左入去。🍔丹麥藍芝士漢堡 ＋ 蕃薯條漢堡扒超juicy，多到一路食一路滴落個盤，調味適中。Blue Cheese分量好足，每一啖都食到，好香啊。鐘意食Blue Cheese既話推薦一試。上面仲配左少少焦糖洋蔥。不過包既比例上就略嫌差啲，肉細過包唔少，夾埋之後就縮左入去，個邊位得返包同生菜。好在肉夠厚，應該係犧牲左個闊度，令到煎完面頭夠香入面唔會乾哂。蕃薯條係正常水平，有蕃薯香同甜，仲要脆既，咁點都好食啦。食完好滿足。PS 佢本身係有蕃茄睇下啲Blue Cheese🤤🤤

行到海邊散步，見到將軍澳南新開左好多餐廳，附近環境好舒服，今次選擇左burger's Friends forever作為午餐！一入到去已經近乎坐滿，職員安排我坐bar枱，可以望出去公園位置，準備好好享受午餐！收銀旁邊有調味架同手套可以拎定。我點左丹麥藍芝士漢堡同薯格，一上到枱，心諗忍唔住嘩一聲，好大份，一個人應該食唔哂，下次要同朋友一齊share d薯格，薯格好脆身，配埋BBQ調味粉好味!漢堡既包身外脆內軟，帶少少甜味，藍芝士既味道好突出，漢堡牛肉煎得剛好，相當juicy一邊食一邊流出肉汁，個人鐘意加少少鹽會再帶出多d牛味。下次會想試下其他味既漢堡同水牛城雞翼，好似好吸引咁！

最近將軍澳南越黎越多餐廳開幕。咁啱去開個頭肚餓想食burger就openrice搵到呢間Burger’s Friend Forever. 入到去呢間小店風嘅burger shop發現都好多唔同口味配搭可以揀。除左burger之外仲有沙律意粉同小食但係去得漢堡店就緊係食burger啦。我揀左個丹麥藍芝士漢堡跟餐配連皮薯條同汽水。一上枱陣陣blue cheese香味飄出。打開睇見到大大堆blue cheese係漢堡肉上面。切開個burger睇仲好juicy同埋少少粉紅色剛剛好。burger入口肉味同blue cheese味嘅balance剛剛好唔會俾個cheese搶曬。個包唔似某d地方咁索晒啲汁淋晒，兩片包仲好脆口。薯條炸得夠乾身唔太淋，調味剛剛好。Overall呢間嘅burger有驚喜。下次黎開donki附近可以再試埋其他漢堡配搭。

將軍澳站很少主打漢堡班的餐廳，近日澳南有小店進註，當然要來試一試餐廳不是很大，但裝潢乾淨簡潔漢堡包即叫即製，還可加配薯條及飲品丹麥藍芝士漢堡 - 有藍芝士，蕃茄和牛肉，加配了薯格，薯格熱騰騰，薯味重！藍芝士味道非常香濃，是芝士控必食！漢堡牛肉肉質超多，十分美味侯斯頓漢堡 - 有煙肉，芝士和牛肉。加配了番薯條，非常香脆帶點甜味，吃不停口煙肉芝士黃牛肉這個經典配搭冇得輸，同樣漢堡啲肉汁是最精華的！這間漢堡包店還貼心的提供手套進食，食物質素高，絕對可以再來

將軍澳嘅海旁新開咗好多餐廳，去到一睇，好似返咗澳洲咁呀！！🤩 成個感覺好summer好chill😚 Burger’s Friend Forever 位置好易搵，入口大直路，直行就見到！成個環境都好靚，好似外國咁🥰餐廳名叫Burger’s Friend Forever，一於試下Burger先！.我試左丹麥藍芝士漢堡，加$20餐配沙律同西柚汽水🥤！一上枱已經超吸睛，好豐富。個漢堡扒好厚，略嫌藍芝士多得滯，有一啖成口都係藍芝士有啲行咸🙊 其他生菜，洋蔥，番茄等等配菜都好新鮮～最貼心嘅係舖頭有提供手套，食咁juicy嘅漢堡包，唔使整污糟隻手，係一大樂事！

將軍澳澳南海岸既餐廳愈嚟愈多，而且開左第一間既漢堡店，我同女友踩完單車決定試下呢間Burger’s Friend Forever（BFF)。漢堡店既裝潢充滿「粗礦」既味道，外露既管線、水泥牆身充分展現工業風既特性。- 黑松露和牛漢堡漢堡包偏甜，如果再脆少少就正😚，半溶既芝士完全覆蓋左塊和牛漢堡扒，BFF採用澳洲和牛，脂肪較低，肉香強烈。而且煎得恰到好處，口感濕潤。- 丹麥藍芝士漢堡🇩🇰丹麥除左藍罐曲奇之外，藍芝士都好出名㗎😝藍芝士偏向重口味，同一般mozzarella cheese既味道截然不同。加左焦紅洋蔥碎中和返藍芝士濃烈既味道。每款食材既size差唔多，所以每一啖都可以食曬所有食材。客人只要加$20/$28可以有埋小食同飲品。女友揀左薯格。BFF既薯格係我食過最香脆既，加左少少辣味仲好味。至於我就揀咗一口芝士，外脆內軟，我輕輕一咬 ，入面香滑既流心芝士即刻湧出黎😍雖然BFF有少少難搵，不過都係值得，漢堡店係將軍澳實在非常罕有，希望長做長有！

將軍澳南原來都有好多好嘢食，酒吧餐廳應有盡有，但最估唔到係呢度有間好有格調嘅漢堡飽店。位置近海，如果地鐵站行過去大約10分鐘左右。除左burger外，仲有好多唔同選擇。丹麥藍芝士漢堡，＄78， 跟洋蔥圈同埋汽水另加＄28。 呢度嘅漢堡係用安格斯牛肉製成， 質素有保證， default medium well嘅熟成度， 更能鎖住肉汁。 藍芝士屬於重口味人士嘅首選， 個人認為呢度絕不吝嗇藍芝士嘅份量🤟漁夫之堡，＄72。 食得出並非合成魚柳， 外皮炸到金黃鬆脆， 再搭配芝士同埋沙律醬， 食出經典！