阿元來了 (鴻圖道)

Open Now

Now Closed

假日未夠6點黎到阿元來了，唔駛等位，到晏少少就開始full house店舖裝飾濃濃台灣味，亦好懷舊感，枱椅之間算唔太密太迫雙蛋蚵仔煎 $46呢個嗌錯左，本身想嗌正常蚵仔煎，嗌錯左雙蛋😂菜底可以多少少，但蚵仔都唔太少太細粒水準唔錯，係一個好食既蚵仔煎😋冰洛神烏梅汁 +$12清新，好飲，解渴😆魯肉飯 $38正常好食😋QQ紫薯地瓜球 $38正常好食，細細粒到好似魚蛋咁😂招牌珍珠奶茶 $27印象中以前茶味濃啲好飲啲，但都唔錯九份芋圓 $35細細碗，好食整體食物不錯，水準尚算keep到，掛住台灣味都可以來試試☺️

那個11月的週末，我們一行3人，走到觀塘及牛頭角一帶，她們早上先走到觀塘海濱長廊，而我放工才 join 她們！我們選擇了位於觀塘鴻圖道的人氣台式餐廳 <阿元來了>！ 等候了一陣間！這裡的裝潢懷舊又特色！供應台式美食，價錢合理！肉鬆起司蛋餅 $35 甜美的肉鬆加又名起司的芝士，鹹甜交集，肉鬆放得滿滿，還有沙律醬，味道都算夾，蛋餅厚薄適中！新竹貢丸湯 $20略嫌份量太少，碗内只有 2粒貢丸，勝在彈牙，湯味不會重口味！魯肉飯 $42魯肉份量十足，基乎掩蓋所有白飯； 油光閃閃，肥瘦均稱，連甜美的醬汁，拌飯一流！刈包 $32刈包比預期細個，而且包身凍凍地，夾了一塊豬腩肉，卻是有點乾硬！九份芋圓 (溫) $32尚算大碗，入口溫熱，口感煙韌軟糯的芋圓，大大粒之餘，數量也不少呢！還點了台式飲品！

觀塘阿元出左名好耐, 今日終於可以有機會黎試試, 下午時段都唔少人要排隊, 無耐已經可以入座. 蚵仔大腸麵線頗有台灣味道蚵仔夠新鮮食到甜味. 台南擔仔麵都不錯, 肉燥好夠味, 但湯底略淡. 肉鬆芝士蛋餅味道芝士濃郁幾好有蛋味, 我略嫌蛋皮比較粗少少. 台灣香腸配生蒜幾帶出香腸甜味, 我自己接受到生蒜嘅味道. 九份芋圓我幾鍾意食, 不會太甜又食到芋圓的煙韌. 另外奶茶配咖啡磚我覺得幾夾, 咖啡味幾突出, 又唔會因為珍珠令人覺得太飽, 我個人非常喜歡.總結整體不俗可以返轉頭.

每次去都必點嘅滷肉飯，肉夠大粒，醬汁香濃，撈飯一流都係咁好食雖然唔係好大碗，但係反而冇咁油膩，仲可以試多啲嘢鹽酥雞炸得幾香口，應該係即叫即炸～ 調味都唔錯，食落口唔會好油膩芋圓好細粒，所以冇乜口感。不過奶茶味道唔錯，價錢都唔貴呢杯好似係新出嘅，都冇見過，所以就叫來試吓～竹炭帶啲鹹味，底下嘅奶茶同珍珠就帶甜，個味道都幾特別～ 不過我覺得竹炭部份太多，野飲太杰，倒走左好多 lol 芋圓偏向淋，冇特別，下次可以唔使叫～總括來講係一間永遠都唔會失望嘅舖頭，去觀塘諗唔到食咩就會食呢間

觀塘嘅阿元來了已經開咗好耐，今日終於有機會試吓！上次夜晚嚟食，發現晚餐嘅食物選擇比午餐少啲，所以今次下晝嚟，就可以試到蚵仔麵線同蛋餅啦！🌿阿元魯肉飯 $42顧名思義，阿元魯肉飯就係阿元來了嘅必食招牌魯肉飯。醬甜肉香嘅滷肉配埋滷蛋同小白菜，真係好有台灣風味！個人認為如果飯多啲仲好，因為個滷肉實在太「送飯」😛🌿 蚵仔大腸麵線 $40由於之前去台灣食過嘅麵線一試難忘，所以嚟之前我非常期待呢個麵線！雖然冇想像中咁好食，但阿元嘅麵線質素都唔差㗎：麵線口感豐富，相比台灣較硬同粗身，蚵仔新鮮大粒，大腸就較薄片同咸。🌿 肉鬆起司蛋餅 $30蛋餅相比其他食品就普通啲，不過呢度嘅醬汁幾好食，又有辣汁，點少少一齊食會開胃啲。🌿 芋泥蛋黃卷 $30呢個芋泥卷意想不到好食！雖然係炸物，但唔會好漏，芋泥餡夠香綿，配埋蛋黃仲多咗咸香味，值得一試！🌿 鹽酥雞 $37鹽酥雞有胡椒鹽香，亦夠香脆，無骨又可以一啖食哂，非常方便！唯一唔好就係份量比較少，得十小舊左右，唔算好抵食。🌿 九份芋圓 $32三色芋圓彈牙好味，入面有芋頭粒，口感豐富，非常推薦！🌿小結：總括嚟講，阿元來了嘅食品都非常有台灣風味，想食台灣嘢嘅時候，就可以嚟

觀塘區真係越來越多好野食🤤今次試下阿元, 7點左右到, 好好彩唔洗等位, 上菜速度都好快手好快有野食落肚🤰🏻<魯肉飯>魯肉夠哂香, 比較係台灣夜市食到既魯肉飯, 呢碗味道上差唔多, 食落冇咁油膩但會少啲豬油香🐖呢碗份量少, 一個人食一碗唔夠飽(除非你真係好細食啦, 咁我都冇野好講😂🤷🏻‍♀️)<爆蛋雞肉飯>well~ 冇爆蛋因為蛋漿唔多😂雞肉調味唔錯, 加埋雪菜, 成個飯好香👍🏻<塩酥雞>好似係食肉獸必叫?!🐻剛炸起黎熱辣辣上碟唔會唔好食👍🏻<芋泥蛋黃卷>見到食評明明有蛋餅但搵哂成張點餐紙都冇🧐諗住蛋黃卷都差唔多, 點知...😅芋泥好飽滿, 入面同出面都有蛋黃碎, 但食落冇咩蛋黃味, 可能芋泥太搶fo (?!)<九份芋圓>芋圓提供冷&溫選擇, 但冷原來係加冰🧊溝淡左啲花奶添🍼仙草比較碎, 個人比較鍾意一舊仙草凍大啖大啖加埋花奶食會正啲😉三色芋圓: 芋頭, 紫薯, 蕃薯三隻都好好食夠哂咬口😬<冬瓜茶><冬瓜檸檬>檸檬味會重啲, 所以成杯野好fresh, 岩哂食完油膩野煎炸野同芋泥

呢間位於觀塘既台灣特色食店，其實都開左一段時間了，但一直都未食過佢，有日同行友人話想食芋圓於是就黎左食喇！兩條友仔竟然是叫左唔少野架先俾個全圖大家睇😂本身叫既時間都唔覺得咁多架，當時嘛係覺得好肚餓咋，一黎到就知道出事吃，完全表現到眼闊肚窄既後果。佢地最經典既阿元滷肉飯滷肉結構分明肥瘦相間，滷肉汁配合埋珍珠米，呢個配搭其實係好滿足，每一啖飯都有汁充斥着，但又做到唔油膩！香菇肉羹麵呢個反而有點小失望，因為個汁唔算太夠味道，但肉羹就好彈牙。呢個皮蛋豆腐有點唔係我預期既感覺但食落都幾清新既😂九份芋圓食落甜而不膩，而且芋圓好彈牙，好正呀！再叫埋杯胚芽珍珠奶茶成餐飯就覺得自己好似去左台灣避世咁而且店員望落同聽落都似台灣人架我地兩個人又食到肚子脹卜卜再食唔晒，都只係百幾蚊，係今時今日嘅香港黎講，真係好抵食架喇😎

唔記得影香芋珍珠奶茶， $26一杯，冇芋頭香味，珍珠係細珍珠，都算有d咬口。叫左微糖，但都幾甜。總括而言，呢間算有啲係食環境，打卡影相係唔錯嘅！店員都好Nice，服務唔錯！d嘢食唔算好好食，大部份都係正常，唔難食，過得去。(但嘢飲可以係其他地方飲。)呢個價錢嚟講d嘢食算係OK，性價比ok。但未必會再番去食，想食台灣嘢食，可以試其他鋪頭。

餐廳的正門不在大街上，而是在小巷內，中午時間有不少人會在這裡吃飯，在兩點過後仍然要等位。裡面的裝修別出心裁，是仿台灣舊式車站以及老台灣的場景，好像走進台北故事館一樣。部分店員亦是台灣人，更有身在台灣的感覺。兩個人午餐點了一碗魯肉飯、一客鹽酥雞、玉米芝士蛋餅、蚵仔大腸麵線以及九份芋圓。魯肉飯的醬汁很香，沒有很鹹，肥肉不會過多以致太油膩，拌飯吃很快就吃完一碗，看似很小的一碗，吃起來卻有飽足感。蚵仔大腸麵線的湯底很夠味，蚵仔亦蠻大隻，大腸沒有臊味，上桌時已加入醋，如不喜歡加醋的人要留意一下。玉米芝士蛋餅很有台灣風味，不常在台灣料理的店裡吃到。鹽酥雞不會炸得很乾，吃落香口但仍然有肉汁，九份芋圓的味道則普普通通。飲品選擇還蠻多的，珍珠奶茶亦很不錯，有著台式的奶香味，珍珠口感煙韌。如果想要吃到正宗的台灣口味，這裡是不錯的選擇。

呢度採取排隊制，仲要齊人先俾入，又冇飛仔亦都冇電話留位，放工時間廠廈後巷已見蛇餅，等左成45分鐘排隊排到hihi🙈一行5人狂食：滷肉飯、烤肉飯、蚵仔大腸麵線、台南擔仔米粉、皮蛋豆腐、芋頭蛋黃卷、蚵仔煎、鹽酥雞、台南府城蝦卷、炸甜不辣拼盤、滷味拼盤、九份芋丸、冬瓜珍珠、冬瓜檸檬、紅豆奶綠、香芋珍珠肚餓肥野記畫蚵仔大腸麵線唔咸唔多見有蚵仔，大腸就有啲，細細碗滷水拼盤有滷水蛋有魷魚豬耳仔其他唔知🙈因為好快就俾啲同學食晒😂隻蛋幾入味魷魚豬耳仔都幾爽（左上二）滷肉飯啲肉油滋滋肉唔老好味不過啲飯唔夠汁（右上）烤肉飯外皮酥脆細碗，個人比較欣賞鹵肉飯（左上三）台南擔仔米粉，食左一啖正常味無特別印象（右下二）鹽酥雞炸到呢好脆細細舊，炸到無乜肉汁（左下一）台南府城蝦卷即係炸腐皮餃子（左上）炸甜不辣拼盤🤤好味呀⋯⋯香港無乜地方有得食（右下一）香芋珍珠味幾濃，仲有得揀多冰小冰少甜皮蛋豆腐係前面一杯咁樣樣🙈大家都o左咀🤔點知最後都係每人一匙味道比賣相好😅蚵仔煎蛋我諗佢哋都好明白香港啲人未必鍾意傳統果種一劈野😂芋頭蛋黃卷芋頭蓉幾綿，蛋黃就唔夠香九份芋丸同學話好甜其實我唔覺得甜一枱都係食個景色氣氛，啲侍應講國語嘅扮

觀塘區要搵好食，價錢又適中既餐廳，經常係觀塘區返工既打工仔一大難題。朋友介紹搵到呢間阿元來了，無論中午定晚市，人流都好多，午市會有筆者好推介既煎蛋餅，細食既ol，叫一個蛋餅一個魯肉食就好夠了。晚市就無蛋餅，但叫一個魯肉飯，再加幾個小吃，叫多杯必飲台式珍珠奶茶，最後黎一個芋圓就fit哂！ 魯肉飯裝得好滿，完全夠食，珍珠奶茶好有台味，唔只得奶精味，啖啖珍珠，好qq有咬口！食物黎得好快，一落單坐低傾兩句就到，食物夠哂地道！思鄉既心情又得安慰～場地都唔算細，所以人流多，但去得快，唔驚要等個幾鐘先入去食飯！

阿元來了係觀塘開左分店，朋友話想試，真係一試難忘。正宗台灣美味，好似去左轉台灣咁。首先講下個地點，正門係有d難揾，佢前面鋪面係賣台式飲品，要兜過停車場，去到一個以為係垃圾房既地方，唔好猶疑，行入去就岩架喇😂真係入錯垃圾房請唔好打我。行過一條走廊，好似通往左另一個世界，番番去舊時既台灣。店內環境裝修十分懷舊，有風味，食都食得開心d，等既時候仲可以影下相，打下卡。朋友點左魯肉飯，大讚有水準，味道係台灣既味道，size係台灣既size，價錢亦同台灣既銀碼係一樣！不過係港幣😂台南擔仔粿條，係台灣未食過粿條，原來好似河粉？我點既香菇肉羹麵，香菇大大片，肉原本以為好似碗仔翅既雞絲，原來係大大舊既肉球，肉質鮮嫩，加上濃濃既湯羹，麵質較軟，但整個配合得很好，喜歡。身為珍珠奶茶既忠實fans，我最近只愛天人茗茶，但今日太熱就點了杯茉香珍珠，又有驚喜喎！珍珠有煙韌有咬口，茶和奶比例剛剛好，甜度適中即使沒有叫少甜，仲附送奶蓋，變左奶蓋茉香珍珠。甜品就淨得一款，九份芋圓，口感煙韌。今日可惜既係食唔到蛋餅，如果想食蛋餅記住係五點半前先有，所以我會再去食多次先得。題外話:阿元係台灣人，同一個香港人開左呀元來了，走

呢排嘅人氣台灣美食店一定非阿元來了莫屬！因為我地足足排左一個鐘先有得食!不過就算等耐D都值得嘅，因為佢嘅裝飾佈置都好靚，有暖暖車站、夜市檔攤同埋個大戲院，加上播住D台灣歌，真係令人一解對台灣嘅思念。係排隊嘅時候，侍應已送上點餐紙，等我地等緊嘅時候可以消磨下時間。排左60分鐘終於到我地，等左咁耐，我地緊係叫多D啦。鹽酥雞嘅份量偏少，不過都好香，表皮好脆，雞肉嫩滑多汁，唔錯！綜合甜不辣是友人叫的，真係有好多款，好抵食，而且味道也跟在台灣吃的差不多，不過D汁嘅酸甜味無咁重。炸花枝丸食落唔油膩，入面嘅花枝丸好彈牙，表面已有鹽調味，但不會過鹹。因為我好中意食菇，所以叫左個香菇羮湯飯，其實都唔可以叫湯飯，因為D羮好杰，似燴飯多D。不過味道好唔錯，酸酸地好開胃，除左香菇，入面仲有大大粒花枝丸，食起黎口感豐富。最後當然要食我最中意嘅芋圓，不過唔知係咪加左百合，個糖水微苦，雖然芋圓煙韌，但對嗜甜的我來說總是差了一點點。總括黎講，個環境同氣氛一流，而且食物價錢唔算貴，如果唔怕等嘅可以一試。

台灣番黎之後就好掛住台灣既風景台灣既野食，終於係香港唔駛過海都食到寶島美食喇，阿元來了終於係九龍開分店，係觀塘都可以食到寶島夜市既好滋味喇！旁邊係阿元來了既飲品店，平時行過都可以係度買番杯台式特飲，旁邊有個門口就係入餐廳既地方。門口就有單車流動店既裝飾，好靚咁畫左新張開幕，準備入去大食台灣小吃。店面大左不過長龍依舊，夜既都排左半個鐘度先入到去食。點會少得阿元商店既招牌，櫃台有好多特別既台灣精品可以買，大家食飽都仲可以係度揀下野。裝飾好有台灣特色，好似入黎就會見到暖暖車站既站牌同模仿車站入口既樣，上面仲掛左台灣特色既天燈。仲有春風大戲院，牆上掛左好多電影既海報，好有台灣舊式戲院既感覺，去睇番場懷舊既電影喇。成間店都可以見到唔同既懷舊裝飾，黑松沙士汽水台灣人一定會識，上次去都仲飲左枝試下。仲有懷舊既電話，海報，七星汽水牌等等全部都好有台灣古式既風味。出菜地方好大個阿元來了既招牌，亦都模仿左夜市既設計，有兩個攤檔咁出魯肉飯鹽穌雞，坐低就好似去左台灣夜市咁熱鬧又食台灣風味。連筷子筒都整左阿元來了既字樣好有心思。招牌一定試魯肉飯($29)，五花腩切粒之後放哂係飯面，魯肉飯一定要肥多油脂香，呢豌完