麻辣風雲 (荃碧大廈) (Closed)

當你想食川菜 想食酸菜魚又想食水煮魚既時候 去麻辣風雲食就唔洗諗咁多😂😂荃灣分店環境寬敞 仲有包廂 但冷氣開得好大 愈食愈凍要著番件外套 落單之後待應生會提供餐前小食 紫菜花生同花椒味既中華沙律😛但份量好少 兩啖食晒❤️‍🔥《太極鴛鴦魚 💸$388》一上枱已經忍唔住影相 好大份 有齊酸菜魚同水煮魚 一次滿足晒兩個願望❤️魚肉份量好多 食極都仲有 而且厚身啖啖肉 夾起唔散 冇骨唔腥 落單個陣仲有得揀酸度辣度麻度 今次我地叫左中酸小辣小麻 酸辣超級開胃 麻辣可以再辣啲都得 我地仲+$30配寬粉 兩邊都有酸菜魚配菜有 芽菜 菇 萵筍 寬粉索晒啲湯好入味 而且煙韌有咬口 水煮魚配菜有 蓮藕 菇 雲耳 不過唔算入味 而且放得耐會有少少油係面 但係正常既 ❤️‍🔥《乾煸四季豆 💸$108》四季豆爽脆入味 花椒肉碎香口 但價錢偏貴❤️‍🔥《菊花蜜 💸$48》用個好得意既埕裝住 俾兩隻細杯仔 味道唔會死甜 好飲又好玩 夠晒特色❤️‍🔥《鮮芒椰果玉露 💸$38》有芒果果肉同椰果 好有口感 而且有好香椰香果 但甜左少少 📍麻辣風雲荃灣海壩街108-114號荃碧大廈1樓

好友生日慶祝，選食麻辣風雲，聽個名我己經好驚我知朋友想食酸菜魚，提前說明只可以食BB辣，朋友開心接受。並說她也不能食太辣店比較小。但裝潢幾有心。BOOK左6點半上到去己經開始多人。前菜 $9/碟一上來就會自動送上枱，最後埋單發現收費$9一碟。麻辣拼盤$178朋友說想食拼盤，點菜時我沒為意是"麻辣"...結果出事，除了青瓜外，其他我只吃了一點。另外三味，我覺得調味都是一樣乾煸四季豆$98都是我見識小，我沒想過四季豆也是如此辣。我前世今生都不是四川人酸菜魚(小辣)$268太好了，對比下來這度是我吃得最多的！因為佢係最不辣的。魚片嫩滑，酸菜味不太夠。下面的粉皮很滑菊花蜜(埕)$48不飲東西我大約會死。所以叫D甜的想平衡一下。用埕上感覺好得意，二個小碗也很加分。菊花蜜清清甜甜。由我來寫的話有點不公平，因為我係食辣BB班。同行口講自己唔食得辣，但叫三道餸都是辣的辣妹評語是酸菜魚酸菜未夠酸，拼盤一般，四季豆不錯。給大家作個參考

沒有extra，只有更extra，連饅頭都要坐船駕到，浮誇程度有如皇帝出巡。呢間川菜不得了，無論裝潢定佈置都用上祖國嘅大紅色，鮮豔奪目，非常有心思。入到去以為自己返咗古代，吾需轉講文言文乎？吾當年到祖國遊山玩水時，欲試大名鼎鼎之老二酸菜魚，唯其忠粉過多，排隊人數如繁星，結果以失敗告終，最後投向探魚之懷抱，可悲也矣，至今仍甚覺遺憾，難以填補心靈的空虛。是次適逢閨蜜大壽，特以酸菜魚當厚禮（其實係我自己想食），作其吃辣特訓之用_(꒪ཀ꒪」∠)_。；炸饅頭 $58有架船，有埋呀諸葛亮嚟借箭，仲要有煙霧彌漫嘅效果，fancy嘅極致。饅頭一共六個，上枱時候仍然熱辣辣，表面呈金黃色，非常討好。外層香脆，內裡鬆軟、綿密而且完全唔油膩。隨饅頭附上煉奶、朱古力醬、抹茶醬同花生醬，閨蜜覺得花生醬嘅鹹香同饅頭幾夾，我就偏好傳統嘅煉奶。；酸菜魚 $268酸辣度任君選擇，我揀咗小辣過下口癮算了，嗜辣者建議中辣起跳。酸辣味平衡得宜，湯底唔油膩，加上口感十足嘅薯粉、芽菜同菇，吸盡魚同湯嘅精華，相當入味。酸菜魚用上自家醃製嘅酸菜，配搭皮鮮肉嫩嘅魚片，雖然魚片偏薄身但無骨，依然嫩滑，係會令我回頭嘅一道餸菜。；涼拌雞絲粉皮

  麻辣風雲主打川菜，菜式既口味都既正宗，有好多選擇，例如水煮牛肉、麻辣乾鍋、泡椒鳳爪等等。今次我去到就嗌左好多款食🤤每一款都幾有水準。1️⃣酸菜魚（$268）入面既配料好豐富，滿滿既芽菜、萵筍、酸菜，豆卜，仲有啲寬薯粉係底，同啲魚肉一齊食好好味😋魚肉冇骨，份量都唔少，而且都幾滑👍酸菜魚既湯底酸味都幾出，令人越食越想繼續食🤤佢既湯底係酸中帶麻，麻味比我想像中強，係食下食下越滲越出既，好正😋  2⃣️炸饅頭（$58）淨係講個賣相已經一百分💯成架船咁黎，仲有支麻辣風雲既旗🚩配合埋啲煙霧，氣勢十足😤  饅頭應該係啱啱好炸出黎，仲熱辣辣既，而且唔脆內軟，外皮脆得黎唔會有種油笠笠既感覺，點埋煉奶食夠曬滿足🥰  3⃣️螞蟻上樹（$128）揀左大辣但係其實個人覺得都唔算好辣。呢個螞蟻上樹炒得好乾爽，肉碎同粉絲香辣既味道同埋粉絲爽口既口感夾埋一齊，香口又好味！  4⃣️川式回鍋肉（$108）份量比我想像中多。豬肉既肥瘦部位都好啱，差唔多半肥半瘦。啲椰菜、豆腐乾等等既配料都炒得好入味😚不過覺得如果可以再辣少少會再好啲。  5⃣️乾煸四季豆（$88）第一啖食落，第一個反應係，「嘩！好惹味！」驚艷到我😳蒜味好香同埋啲肉碎、四季

意外路過發現新開餐廳，同一橦有兩間新開店舖，口痕又鐘意食辣的我，選了麻辣試一下~前菜: 手拍青瓜 + 涼拌皮蛋川菜裏比較常見的菜式，沒有特別大技巧，只要香料落得足及準確，味道已經會在水準以上，蒜香加酸醋，作為開胃菜絕對一流~如果，可以有涼皮+蒜泥白肉就更好了 (純個人喜好)炸饅頭其實並非甚麼特色菜，但卻非常適合在吃辣的時候配上煉奶吃一口，解救火熱的舌頭意外成為我覺得必點的菜式！主打一定要試水煮魚，魚片夠滑，辣度夠勁，嚐辣者應該會好滿足~同行友人話我變態，因為我會將湯加入飯內做水煮湯飯~其實好好食，因為米飯會稍為壓下辣味，令舌頭可以嚐出水煮魚的味道，而非一味的辣~其他小炒亦都在水準以上，整體感覺很不錯。個人回頭指數，5分給4分