韓閣 (Moved) New Location

荃灣路德圍都有好多美食選擇，今次路過一間韓國小店，見佢D週年小食優惠好似幾抵食，即管入去試下佢。估唔到小小既餐廳，菜單係咁豐富，咁多選擇。胃既空間係有限，人既食慾係無限，好難選擇呀! 叫了一份大韓無骨豬手，一份增量鐵板香辣魷魚筒，五花腩泡菜炒飯拼太陽蛋和一杯好靚藍海傳說。叫完菜侍應就上了3個前菜，泡菜，芽菜同魚乾。大韓無骨豬手例牌都好大份，豬手好爽脆，唔會好多肥膏，唔似德國豬手咁咸，味道適中，唔加任何配料同醬料都已經好好味。跟豬手有生菜，蒜片，泡菜，酸蘿蔔，特製豆板醬，可以包住豬手一齊食。包住生菜，豆板醬又係另一個層次既味道，包住生菜黎食口感變得無咁油膩，豆板醬同蒜片配豬手味道好夾，連生菜食又唔會變得好咸。鐵板香辣魷魚筒係原隻上碟，餐廳會提供一把剪刀俾你去隨著自己的喜好去剪魷魚的大細，增量版除了魷魚更多，仲會配炒年糕同粉絲。魷魚好新鮮好彈牙，韓式辣醬好惹味，要食得下辣先好嗌呢個呀。粉絲，年糕，泡菜呢個組合真係無敵，加上剪好的魷魚圈，非常好味。五花腩泡菜炒飯拼太陽蛋，薄切五花腩好脆，炒飯好乾爽，加上紫菜絲，非常好味。藍海傳說就係一支蘋果酒加青檸汁，甜甜地易人口，一D都唔似酒精飲品，大大杯

係路德圍呀哈利！多美食到不得之了！今晚豬先生豬小姐又尼到荃灣覓食啦！「韓閣」平民韓食之選happy friday晚上九點半 見到有幾班後生仔等位 我地又唔執輸先 成功渾入 齊齊等位哈哈環境雖然細小 座位唔多 最令我地印象深刻嘅係老闆娘事事親力親為 成件事好warm呀入座坐低後店員極速送上前菜 豬小姐愛魚仔 夠咸濕又夠麻甩 岩哂我！大韓無骨豬手夠哂地道 豬手既入味又軟腍 無牙都咬到哈哈 每件豬手都充滿骨膠原 皮同肉嘅分佈平均肥美啖啖肉嘅豬手被新鮮紫生菜 醃泡菜蘿蔔 生蒜同特製豆瓣醬同吃 滿口都是幸福感炸紫菜粉絲卷及炸豬肉餃子新鮮炸出 脆卜卜夠哂熱氣 豬先生喜歡紫菜粉絲卷 脆口惹味 點下茄汁食會無咁dry五花腩泡菜炒飯拼太陽蛋呈鮮艷橙紅色 面頭鋪上煎得靚靚嘅半熟太陽蛋只屬小辣 飯粒炒得偏腍及濕 口感一般但每啖飯都充滿五花腩嘅油脂香 油香十足 如果紫菜多啲 太陽蛋尼個打孖會更滿足呢水梨牛水冷麵係稠稠嘅醬汁中冰鎮住 夠哂冰凍麵條順滑幼細而且帶彈性 可選擇點蜜糖芥末醬或白醋去提鮮及配撘豬先生鐘意前者 酸甜又惹味 我就鐘意後者啦 點左後令味蕾refresh一下香梨清甜 牛口感偏向硬實 較有嚼勁

荃灣小店夠哂多，呢間韓國野似係新開，見佢都坐足9成滿，塔塔子呢個偽韓妹一於去試下佢先！打開menu都幾多野食，價錢都好吸引！不過塔塔子同男友仔兩個食，都叫唔到好多芝士係用上cream cheese，好香濃！豬肉都好香口，唔太肥，而飯底都充滿泡菜味，仲加上少少芝麻，驚喜之作仲好抵食丫賣相唔錯，而且兩個人都夠食呢！五花腩都夠大塊，味道都唔錯，但塔塔子覺得佢嘅敗筆之處就係太多油食到尾太漏，油份超哂標煎餅好乾，雖然有好多大大塊泡菜，但係有點太硬，而且有d燶左d塔塔子有d失望可能仲係新開，塔塔子覺得佢都仲有進步空間呢，勝在性價比高，塔塔子都會比次機會佢再試試其他野食