BBQ 7080 (Closed)

搭入十點，同朋友兩丁友嚟到山林道嘅7080食韓燒。店鋪好易搵，直行到山林道尾便搵到，門面裝修好特別，入門口要直上二樓先係用餐嘅地方，環境裝修得真係好吸引！韓風味特濃。宵夜時段十點開始，有八折優惠！落單要咗豬腩肉、牛助骨（真係寫牛助⋯唔係個肋字咩？唔考究喇）、仲有鰻魚！仲叫咗支韓國燒酒！未開始燒嘢食之前，店員好細心咁將所有配菜擺好喺檯面！凍豆腐啦、沙律菜、生菜、泡菜⋯全部都可以無限叫！正！五花腩燒出嚟真係好香，雖然係腩位，但一啲都唔覺油膩同肥，相反肉質更香軟！牛助骨就爭啲喇反而，肉質有啲韌，冇乜牛味！建議揀豬食，因為韓國食豬比牛多，豬肉類應該有保證啲。鰻魚！超級讚！唔食唔得！冇得彈！一邊燒一邊用生菜將肉、泡菜包好嚟食，真係一等一享受！韓國燒酒⋯其實真係唔覺得有咩好飲，純粹係諗住玩下韓風，燒酒其實都易飲，但味道就有啲難接受⋯酒精味都幾重！唔係香囉。而且有成17.5%酒精濃度，都幾易飲醉。

中式情人節！幾幾個好友去食BBQ, 呢間韓燒店好難訂，不過訂位又有小插曲，話說我當日早上打去訂晚上1900，3位，店員話要1500先覆，到1500時店員話1900無位，我同佢講而家4位（因為有個朋友可以出到來）點知店員即刻話4位可以1900！我覺得佢係一早收晒order,最後比晒啲枱人最多嘅客，而唔係先訂先得，所以人少就有定心理準備！我明白餐廳經濟效益當然係打爆個場，但⋯感覺都唔太舒服！去到攞位，地方大，裝修係好粗糙嘅街道感覺，石油桶噴畫！窩心係袋及外套可以放座位石油桶內，唔怕吸晒燒烤味枱面一個爐，可以坐6位（所以二三人就浪費了位置）限時90分鐘，所以都唔浪費時間，即刻落單！前菜泡菜可以任添，生菜：好爽口，唔會老紫蘇葉：我喜歡紫蘇葉嘅獨特味道，呢度好新鮮，配燒肉可以減膩！前菜：汁煮薯仔甘荀，燉得入味，淋身，唔會好咸！泡菜：唔係好辣，又唔會好咸，仲保存到大白菜嘅新鮮！正！烤特級雪花牛肉（$198）薄切入口即化，唔使形容！正！烤牛排骨（調味）（$298）：賣相好得意，兩大卷牛肉連骨，要自己煎開一塊塊，調味過嘅顏色變啞色啲！厚肉有口感！烤牛脷（$108）薄切牛脷雪花分佈平均，燒完入口彈牙（唔

苦候了40分鐘，吃這家韓燒。竟然，自年少無知的年紀排過豚王後，再也沒有因為潮聖而排多過15分鐘的隊。這次與三位中同進行一年一度的聚會，難得大家都很想試這餐廳，聊著聊著，40分鐘，原來還不夠七嘴八舌的我們互相八卦感情狀況呢。四人同行，點了三款肉類、鰻魚、石鍋伴飯和一枝米酒分享。三款泡菜包括傳統泡大白菜、泡白蘿蔔絲和芽菜。泡菜魚露香較鮮明，辣味、甜味和酸味平衡得很好，其中我們最愛吃爽脆的蘿蔔絲。每人有一份冷豆腐和芥末洋蔥：冷豆腐嫩滑，質感比平日吃到的日式滑豆腐更結實；生洋蔥本身帶微甜且沒有辣味，混了芥末後令人更開胃呢。五花腩肥瘦比例平均，烤過後肉質爽口，豬油香於口中化開，占點豆瓣醬再用生菜卷著層次就更豐富了。牛肋肉肉質爽滑，牛味當然不及日式烤肉的突出，味道偏甜一點，但烤過後依然惹味。本對雞肉期望不大，但雞脾肉嫩滑同時有嚼勁，味道帶微甜，也不錯。韓式燒鰻魚份量真多，上檯時是完全沒有調味的樣子，看得我和友人們都傻了眼！還好韓籍職員前來為我們準備，一邊燒著一邊塗上的鰻魚汁，鰻魚汁是偏稀的水狀，有別於日式較黏稠的形態，所以燒完後，甜味並不突出，要再占點汁來吃才行，但新鮮燒鰻魚味更特出，口感依舊爽口