吃吧 (僑建大廈)

Open Now

Now Closed

前排喺旺角去咗一間樓上西餐 Bar，地鐵站行幾分鐘就到好方便～ 呢度燈光昏黃，裝修工業風，仲有獨立房間，嚟 Chill 住食飯或一大班人嚟都幾啱 🍴 🦑 烤原隻魷魚乾 $88 一上枱真係笑死 🤣 魷魚乾擺喺個迷你電子蠟燭炭爐上面… 不過味道都唔錯～ 魷魚乾本身冇太多調味，但勝在夠香口，配埋 Wasabi 豉油，鹹香帶少少微辣都幾好味～ 🍗 水牛城雞翼 $88 佢啲雞翼炸到金黃香脆，單骨開邊食落方便～ 水牛城醬汁另上，可以自己揀點幾多幾辣，雞翼份量亦算多，送啤酒 Perfect 🍺 香草白酒芝士藍青口配法包 $128 藍青口肉質鮮甜飽滿，仲有超正芝士拉絲！白酒香草同青口嘅味道好 Match，再加埋蒜蓉牛油法包，蘸埋個濃汁，#好食 🥖🧄🧀 🍖 伊巴利亞烤豬肋骨 $188 豬肋骨肉質嫩滑，外面仲帶有微微焦香，配埋酸甜 BBQ 醬，開胃又惹味～ 仲有一大碟即炸薯條，熱辣辣 🍟 如果你食肉量大，仲可以叫加大版！Pauwel Kwak 啤酒 $78、益力多沙冰 $68 啤酒會連埋佢嘅特色玻璃杯同杯架一齊上枱，幾打卡able 📸 啤酒入口順滑，麥香中帶少少咖啡味，#好飲～🍺 益力多沙冰就正常發揮～

凱撒沙律+Parma Ham🥗生菜新鮮脆口，加上Parma Ham嘅鹹香，令整個沙律多咗一層風味，而且醬汁都唔錯，唔會過於膩，配埋香脆的麵包粒，真係一個完美的開胃菜🤤水牛城雞翼🐓雞翼微微香辣，外皮炸得金黃酥脆，裡面又保持住雞肉的多汁😋仲有辣味醬汁俾你點，適合唔同口味既人🤭香草白酒芝士藍青口配法包🥖呢道菜真係令我眼前一亮🤩青口煮得非常入味，搭配香草和白酒醬汁，好有層次感，每一啖都食到海鮮的鮮味，加上法包中間有蒜蓉餡再浸埋醬汁食，正到完全停唔到口🤤伊巴利亞烤豬肋骨🐖豬肋骨肉質軟嫩，烤得恰到好處，外面有一層微微既焦香，令人回味無窮。醬汁亦好入味，配埋薯條食一流🍟讓整個菜式更加均衡，大滿足！斑蘭鮮奶咖啡 Pandan Latte奴才爸叫咗呢個斑蘭鮮奶咖啡，咖啡味夠香濃之餘，亦飲到淡淡斑蘭味😋Hazel "Don" Bao我呢個就係Cocktail嚟，飲落有啲似baileys，由Irish cream、朱古力同hazelnuts等調製，甜甜地好岩女仔飲🤤餐廳的環境都幾舒服，適合聚餐或者約會，有酒精同冇酒精飲品都有得叫而且食物野飲價錢唔貴，我覺得值得再次幫襯😋 🤑 人均消費：～$360🤩 推薦指數