NUTTEA (海光街) (Closed)

奶蓋同手搖飲品一向俾人感覺係高糖、肥同唔健康，但係今日去完鰂魚涌開會，經過呢間用堅果奶造既手搖，就完全打破呢個講法，佢係純素，用植物奶同五種堅果製造，含蛋白質同多種維生素，適合素食者、乳糖不耐症、同埋健身人士。今日同同事叫左繽紛火龍果奶蓋茶，同伯爵朱古力堅果奶蓋茶。好好味，估唔到可以健康咁飲手搖，一定會再回頭幫親！舖頭簡約舒適嘅設計，一睇就知用乜嘢堅果造堅果奶。繽紛火龍果奶蓋茶-火龍果好清新，仲有新鮮果肉，估唔到同堅果都夾，奶蓋厚滑濃郁，好似食緊雪糕咁！我冇打錯字，係真係食得既奶蓋！伯爵朱古力堅果奶蓋茶-朱古力同堅果奶係完美配搭，濃濃伯爵茶香再加淡淡堅果味，層次分明，出色！

自己一直係nuttea忠實擁躉，Nuttea主打以堅果製成既全素飲品，比起台式珍珠奶茶更健康。至於好飲與否其實非常主觀，我覺得堅果奶既顆粒感幾啱我口味。- 香蕉燕麥堅果奶香蕉加燕麥非常健康，而且幾飽肚，充滿顆粒口感，飲落沒有半點油膩感，只有滿滿既幸福感🥰- 金獎伯爵朱古力堅果奶蓋茶🏅奶蓋超厚，加上可可粉，朱古力味更突出，口感比較稠身。Nuttea附送一個「迷你鏟」，令你可以優雅咁品嚐奶蓋而不失儀態💃🏼。下面既伯爵茶非常香濃，配合埋上面既奶蓋，一啖茶一啖奶蓋，可渭人生一大享受，唔怪得會拎曬金獎啦！

有一晚睇睇下電視📺，介紹左一間好特別ge飲品店，賣點係個飲品奶蓋係用果仁造出黎，而且係一個健康飲品，吸引到我第二晚放工即約左個朋友去試吓😋一入門口店主已經好有禮貌咁為我地介紹店內飲品，飲品特色，仲會問你個人口味偏向想要咩而推介比我地，勁讚呀👍🏻我就比伯爵茶朱古力堅果奶蓋茶吸引住喇🤩因為本身係勁鍾意伯爵茶，當然要試吓啦。嘩！一拎杯野飲就飄來一陣陣果仁香氣，急不及待試左一啖奶蓋，好驚喜呀！滿滿朱古力味，帶著果仁香，好好食呀個奶蓋，望落去好似會好肥仔咁，但由於奶蓋係用堅果造出黎所以較為健康啲(自我感覺良好）😂🤣，伯爵茶底都好香而朋友就揀左加入生果ge飲品，繽紛火龍果堅果奶蓋茶，堅果奶蓋更加突出果仁ge味道，火龍果加上堅果味，兩者原來可以咁夾架。又係正正之選。飲完杯堅果奶蓋你會即刻feel到好飽肚架！😂

其實一早就有留意佢位於新蒲崗既店舖，但始終找不到時間去試，一知道鰂魚涌開咗NUTTEA，莫名嘅興奮（但也是待了一段日子先試到）！第一次就試限定的伯爵朱古力堅果奶蓋茶（點了走冰無糖）。點單後，等了數分鐘就有，非常有效率！一開蓋，見到一層朱古力奶蓋，然後用店舖提供的小摌子摌落去，像是mousse般質地，厚厚但軟滑地，非常美味！我還用了數分鐘品賞奶蓋（以為食緊甜品）先記起下面還有伯爵茶等著我😝因為朱古力奶蓋是甜甜的，當喝一下無糖伯爵茶頓覺中和奶蓋的甜，恰到好處！整杯飲品水準很高，少有在香港可見的台灣飲品店，很期待試其他奶蓋飲品！