糖宮甜品專門店 (積信街)

Open Now

Now Closed

佛系芋圓（$38）有時去糖水舖，真係唔知嗌乜好🤣呢個佛系芋圓就有晒所有甜品選項，所以就同朋友一人叫左一碗有地瓜圓、芋圓、紫薯圓、紅豆、小丸子、仙草、雪糕（cookies n creme口味）當然唔係所有圓都好有味，惟獨地瓜圓係真係有番薯味。糖水底有椰漿，食完成碗其實都飽左🤣如果諗唔到食咩，可以點呢個佛系芋圓，唔洗諗🤣Btw, 當日有見到貓店長😸

喺火炭食完晚飯已經好飽，但總係要食埋糖水先夠滿足夠完美，所以嚟咗大圍食糖水。餐牌上有好多好多選擇，平日無乜選擇困難嘅我都諗咗一陣先揀到。第一次嚟食，所以叫咗招牌菜-椰皇燉蛋白。原來呢間個椰皇燉蛋白係有埋焦糖脆面，賣相好靚而且好特別！真係第一次見呢個配搭。焦糖脆面脆卜卜，焦糖味夠焦但唔會苦。脆面配埋滑溜嘅燉蛋白好正燉蛋白椰香比奶味重，相信椰子水嘅比例多過奶，所以食落無咁易覺得飽滯。另外仲叫咗佛系芋圓，有一球雪糕、兩色芋圓、涼粉、紅豆同埋小丸子，好豐富。芋圓同小丸子煙韌，涼粉爽口，而且甜度適中，味道唔錯。下次會再嚟試下雪花冰，有榴連味雪花冰好吸引！

大圍一向多糖水店，今次推介呢間正常發揮的甜品店～芋圓紫米紅豆冬天食熱甜湯。不過紫米一pak就咁加落去，略嫌吾太夾，而且煮得太甜。佛系芋圓原來係凍涼粉同凍雪糕加芋圓，口味幾夾，唔錯！雜果黑涼粉涼粉真心有驚喜！因為煮得真心唔錯，涼粉好耐未食到呢種傳統味道！雜果白涼粉比起黑涼粉，白涼粉則較遜色。質地似蒟蒻，但又冇咩味。總括嚟講係一間正正常常的甜品店～總消費：一個糖水約$40環境：★ ★ ★ ★ ☆食物：★ ★ ★ ☆ ☆服務：★ ★ ★ ☆ ☆性價比：★ ★ ★ ☆ ☆

同朋友需附近食完lunch，又係時間食甜品🤤（鬼叫女人就係飽到癲都食得落甜品）繼續我地懲罰黃店嘅旅程就黎咗糖宮食芋圓。我就嗌咗「佛系芋圓」（啲名好搞笑😂）主要個低係涼粉配花奶，另外就有三色芋圓、紅豆、白玉珍珠同曲奇雪糕。芋圓好有咬口，大大粒咁，啱曬我依個最鍾意食糯米糍類型食物嘅人！原本有啲驚個雪糕會好甜，但出乎意料之外又無需平時食嗰啲甜到漏嘅曲奇雪糕。整體黎講，甜品唔太貴、大大晚，好足料！不過個人覺得音樂可以細聲少少，因為好似一路傾計有少少要嗌咁。