Ambrosia Oyster Bar & Grill (Closed)

236 Reviews

Taste

Decor

Service

Hygiene

Value

15497

Tsim Sha Tsui

$401-800

Western Seafood Steak House Oyster Bar

149

傳統法式焗蛋白配呍喱嗱汁及焦糖榛子

2 Recommended

奧志雷

Level4

2.1K

Read full review

係網上搜尋海景、浪漫餐廳，最後決定黎依度一試，當然一早已訂左枱啦 ﹗之前打電話訂枱時，唔記得要求 window seat ﹗心裡一直耿耿於懷，會唔會編到坐埋角落呢？非常擔心 ﹗上到餐廳，女侍應熱情地帶路，幸運地安排坐正白色鋼琴旁，仲係大開邊落地玻璃添 ﹗多謝多謝。朋友仔遲到差不多 60 分鐘，心裡真係起左火，好采係咁靚又浪漫既環境下，不消幾分鐘已 back to normal ﹗先坐低歇一歇，飲啖法國有氣礦泉水回回氣，再慢慢研究吓個 menu。坐無耐就有位伯伯出黎演奏鋼琴，還可以啦 ﹗有流行曲又有古典樂章。如果我識得彈到就好喇，一定要學識去，了左件童年夢想先得 ﹗朋友仔起初話坐係鋼琴邊怕太嘈，但依家又好受樂喎，不過在場食客大多都無理會誰在彈奏、彈什麼呢 ﹗個 set dinner 似乎唔多啱口味，有點悶而普通，較大路但經濟，麻麻地。第一次黎試，我都係決定 order 依度既招牌菜喇 ﹗因我一早已上網做足功課，哈哈 ﹗今晚餐飯朋友仔全部交由我發板，一定無問題，放心啦 ﹗第一次黎幫襯，亦係第一次同依位朋友仔食飯。麵包籃，食頭盤前先黎個籃先。兩款麵包兩款薄脆，麵包新鮮而麥味香濃，外面嚥靭而裡面軟棉，配上牛油更加好味 ﹗雖然係凍食，但一啲都唔差架。我地兩個已盡力去忍口，怕食得太多麵包太飽左點算呢 ﹗因為好食囉。韓國生蠔 Osole、法國白珍珠 white pearl、法國生蠔 ﹗順時針由左到右面、由淡到濃食，基本啦 ﹗我一心想黎食蠔皇 Belon 架 ﹗每隻 HKD125 ﹗不幸地已經賣晒，好可憐啊 ﹗好懷念佢既金屬味同 after taste 感覺，無得彈 ﹗如果有機會再黎，真係要問定有咩蠔喇 ﹗經理介紹另一隻新到品種，不在 menu 上既荷蘭蠔，但剛剛又 sold out，係咪咁對我呀？﹗唯有轉法國白珍珠啦。韓國生蠔，見 open rice 有位食家稱只有依度 Ambrosia 先有得食，但我早係上年已經係大埔某西餐廳品嘗過喇 ﹗韓國生蠔十分肥美而 creamy，鮮甜而蠔味濃郁，再加上清淡既海水味，好好味 ﹗朋友仔都大讚 ﹗比我係大埔食既更鮮更肥美，味道更濃，更加好食 ﹗法國白珍珠，依舊 creamy 而味濃。另一隻新到法國生蠔未上 menu 的，最濃郁既海水味而帶出蠔既鮮味，爽口中帶點點嫩滑 ﹗全部都非常滿意，果然係有名既蠔吧 ﹗推介 ﹗有 3 款助料配生蠔，除左鮮檸外，其餘兩樣都無試到添，掛住食啦 ﹗哈哈 ﹗食生蠔既時候，侍應還幫我地配左杯白酒，味道都好夾，Good ﹗前言講得實在太多，係時候到湯、主菜同甜品喇 ﹗慢食十分舒服，享受每一分鐘、每一道菜，真係可以感受到食環境、食氣氛、食情調係點架 ﹗蟹肉龍蝦湯，我最鍾意飲龍蝦湯，機乎必叫 ﹗不二之選。清香濃郁既龍味道，夾雜住淡淡蟹肉既鮮味。如果質感可以再做滑一點就更好，味道無得彈。溫度剛好燙咀係最好飲既，轉眼已被我全部吞晒喇 ﹗好味好味 ﹗法國牛肉牛骨髓清湯，完完全全係牛肉既精華所在，牛味特濃但味道清徹鮮明，有著一貫法國牛肉湯既風格。炭燒加拿大豬架配紅加倫子汁，等左咁耐 ﹗主角終於出場喇 ﹗招牌菜一定要試 ﹗經理哥哥建議 7 成熟會最好，我當然讚成啦。一放上枱已經聞到炭燒豬肉香味，即時食指大動 ﹗份量十足，用刀緩緩切下，質感軟棉，咬落嫩滑無比，肉汁激射。豬肉味道濃郁而且充滿口腔，感覺非常滿足 ﹗好好味呢 ﹗還有蜜桃墊底，配豬架肉同吃，一甜一咸，味道更加特出 ﹗食完好有 encore 既衝動 ﹗食多塊都唔會膩呀 ﹗波士頓龍蝦扁意粉，真係好食到不得了既招牌菜呢 ﹗大讚 ﹗朋友仔都已好飽，但因為太好食，點都要全部食晒去先得停得口呀 ﹗龍蝦肉質地超彈又鮮甜帶海水味道，肉汁豐富又夠濕潤 ﹗扁意粉煮得嚥靭滑溜，用龍蝦油炒過，充滿蝦蝦既香味，唔價覺得油膩，味道非常濃郁細緻，好正呀 ﹗兩大主要招牌菜，炭燒加拿大豬架配紅加倫子汁及波士頓龍蝦扁意粉。美酒、佳餚、海境、鋼琴、浪漫、舒服 ﹗非常滿足 ﹗好開心既一次晚飯。可能今日係閒日，而且復活節長期假將近，食客不多，環境更加寧靜舒服，侍應們有更多時間照顅客人。食得好包好滿足，但咁正既晚飯必須用個甜品作終結 ﹗雖然我一向唔食甜，但係特別條件下就例外。如果每人 order 一款又怕食唔晒，決定一份兩個人食啦。好多款甜品呀，花多眼亂呢，當然都係 order 啲較罕見架啦。決定左甜品，跟住叫埋杯野飲就 perfect 喇 ﹗朋友仔飽到飲都飲唔落，咁由我 order 個花茶一齊飲啦 ﹗傳統法式焗蛋白配呍喱嗱汁及焦糖榛子，一時睇錯左，我以為係法式焦糖燉蛋呀 ﹗無緊要，試新野仲好。傳統法式焗蛋白配呍喱嗱汁及焦糖榛子，隨個人喜好散上朱古力碎，食得喇 ﹗有一片薄薄既金箔放係蛋白上作點綴，本身金箔無味道的呢，裝飾為主。焗蛋白既感覺有點似食疏乎里，食左都好食無食既感覺囉，哈哈 ﹗入口即溶，好滑溜，味道主要來至呍喱嗱汁，要將蛋白、呍喱嗱汁及焦糖榛子同吃，味道就剛剛好喇 ﹗都值得推介。雪白神話花茶，係 menu 度見到個名咁勁，即刻叫黎試試 ﹗朋友仔仲有大半杯紅酒未飲，所以只係試左一口花茶。味道清香，質感似薑茶，飲完感到提神、消滯喎。舒舒服服，開心又滿足既晚飯 ﹗開心既時間特別快過，又係時候講 bye bye ﹗唔知下次再見係幾多年後喇，take care ﹗