犇之食堂 (Closed)

裝修充滿文青風，入到黎有去左台灣的感覺，坐得好舒服。星期日黎食都會有set，麵食都會有菜同野飲跟返。▶眷村紅燒牛肉麵◀唯一欣賞的係唔油膩，湯低一滴油都冇，但味道真係偏淡，有好少好少的辣味，其實都稱唔上係辣，係有味的湯底而已。有四塊頗大的牛展，好易咬，有牛味，但唔算好入味。▶傳統清燉牛肉麵◀呢碗不得了，湯底係好清，但好似福字米粉的湯底，唔知燉左乜野，一樣係四塊牛展，冇特別。麵條唔吸引，偏軟身，唔好咬。菜係白烚的，底有幾滴豉油，食菜的原味道。綠茶，正常。反而黑糖珍珠奶茶幾好，以跟餐質素黎講算唔錯，唔會死甜。

話梅小蕃茄小蕃茄已去皮，帶有酸酸嘅話梅味，炎夏中清新嘅開胃小菜基隆廟口甜不辣甜不辣外層炸得香口鬆脆，份量十足，個人更喜歡黑色個種，類似米血糕嘅口感眷村牛肉捲蔥餅使用牛肉麵同一種牛𦟌肉，外層蔥餅香酥可口大腸包小腸煙煙靭靭嘅糯米包住台式香腸，伴有生蒜片有助解膩，入口一刻彷如置身台北夜市傳統清燉牛肉麵有粗幼麵選擇，揀左幼麵，麵質爽口彈牙，湯底非常清甜，牛𦟌肥瘦參半，加上其厚度，非常有誠意嘅牛肉麵眷村紅燒牛肉麵基本上同清燉牛肉麵材料相同，另揀左粗麵，麵質很有趙勁，而紅燒牛肉麵湯底帶微辣且味道濃郁，為牛肉麵帶來多一種層次

犇之食堂係我地喺銅鑼灣食台灣野嘅固定食堂雖然得兩個人黎食, 但次次都會忍唔住叫到成枱都係野😂台灣腸係必叫, 側邊放左蒜片可以一齊食。涼拌小茄子-醬汁帶甜有蒜蓉味~皮蛋豆腐 – 雖然我冇喺台灣食過, 但呢度撈埋肉鬆仲有少少辣, 好惹味好好食!黃金泡菜 – 都係冇喺台灣食過, 但叫左一次就返唔到轉頭💛。係甜+酸嘅泡菜。清燉牛肉麵 –第一次叫, 因為老公唔可以食有藥材成分嘅湯底所以叫左清湯試下。呢個真係好好味, 極力推介。湯係清甜,好襯個麵, 有驚喜🤭鹽酥雞滷肉飯 – 呢個COMBINATION算抵食, 鹽酥雞都大份, 滷肉飯有肥肉同多汁!奶蓋烏龍茶 – 揀左少甜, 奶蓋帶少少咸🤤睇完就明點解次次都叫到成枱野LoL

之前經過嘅時候覺得裝修幾靚，早幾日就嚟咗食晚餐三個人叫咗兩個麵、兩個小菜同兩杯飲品呢道菜十分開胃，涼浸浸，茄子亦唔會煮得太冧，味道同醬汁好夾大腸由糯米煮成，唔會太痴又有口感，蒜片同蔥絲中和咗大小腸嘅味道，大大減輕咗油膩感湯底味道好清好好飲，麵雖然份量少但好彈牙，牛肉都好食不過有少少多筋🙈肉醬唔會太咸，調味啱啱好～另外加埋豆芽令成個拌麵唔會太寡，多咗唔同層次嘅口感～整體而言，環境同食物都唔錯，係可以同朋友舒服坐低慢慢傾計食好嘢嘅地方～👭🏻

就咁睇門口我以為係甚麼cafe,原來係台灣餐廳,咁有feel即刻逼朋友同我試~哈哈傳統清燉牛肉麵 $78去完台灣玩返黎依然想食台灣野,所以一開波我已經自私點左個清燉牛肉麵,聽講D面係手打嘅,唔怪得視覺上都已經感受到分別啦.碗麵都有幾多塊牛肉,雖然都有幾多肥膏,但撇除呢方面,D牛肉好林好好咬亦都好夠味~麵條我覺得才是重點.用筷子夾佢已經好滑,入口特別爽口彈牙,而且有厚度,食一碗都幾飽,不過本身比較清淡嘅我就覺得個湯咸左D宜蘭鹽酥雞滷肉飯 $72朋友叫左個鹽酥雞飯,佢個鹽酥雞分開上,所以我有得食~~~睇落好似好少咁,其實佢都幾多,每粒雞都炸到剛剛好,唔會太脆太油,加上椒鹽唔係好多,食到香口惹味但唔會咸到瘋狂飲水,裡面D雞肉仲係嫩,真係唔錯唔錯.至於滷肉飯D肉唔會太肥,同白飯比例都差唔多,唔會成碗飯濕曬都唔會好乾,份量亦剛剛好,食得過.丫爸皮蛋豆腐 $42皮蛋豆腐絕對係必食!我第一次見D豆腐係碎成咁!原來咁先係最正!雖然D豆腐碎曬,但依然好滑好有大豆味,而D醬汁都撈得好均勻,唔會一忽超鹹一忽又無味~~D皮蛋亦好彈牙,連我最唔鍾意食嘅蔥花都因為完美調味而越食越開胃,如果我食緊白飯,用黎撈飯就完

上兩個星期路經此店，已經被門面勁似台灣當地的牛肉麵小店所吸引，好想幫襯；但礙於門口有條小人龍等位，碰巧又趕時間，只好作罷。今晚剛好附近有個藝術活動的夜光巡遊匯演，小店正好在巡遊路線所經之地，一於食碗牛肉麵，然後再去看巡遊。小店門口充分利用了這幢唐樓的騎樓式設計，將幾根石屎柱裝飾成日久失修、外表批盪剝落、因而露出的磚砌外牆；加上那一個掛在外牆上的小招牌，實在不難與台灣大城市的舊區橫街內的小店聯想起來。門外又加設了一張高身吧枱，雖然只有三個座位，卻非常適合那些只想飲杯台式飲品、坐在半露天座位細味街外風景的客人。推門入內，又是另一番景致，恍似時光倒流，回到1930年代的模樣；如果掛在牆上的招牌文字及電影海報換成日文，活脫就是昭和年代的日本食堂風味。另外，天花板又吊下了一盤盤綠色植物，雖然不知是真是假，但增添了一份鄕郊園林氣息，帶給客人一種悠閒感覺，心情頓時放鬆下來。餐牌設計帶點粗獷原始風味，只是一塊夾附了三張厚紙皮（餐單）的不鏽鋼文件夾鐵板；其中一張是兒童套餐，第二張是各類台式飲品，最後一張當然就是餐廳主打的台灣牛肉麵、滷肉飯及各款台式前菜及夜市小吃。叫了一杯近年潮流所趨的水果茶香橙茉莉花茶