紙飛機親子空間

Open Now

Now Closed

開始放假，又可以帶埋小朋友出去玩啦～今次嚟到啟德郵輪碼頭附近嘅紙飛機親子空間餐廳，除咗有波波池之外，仲有好多唔同嘅扮演玩具，而且仲有一個 area 有嬰兒玩具，照顧埋BB嘅需要，玩到攰攰哋仲可以喺隔離睇圖書📚叫埋兒童餐＋跟餐嘅橙汁，有得玩有得食，啱晒小朋友放電啦！✨青檸杏仁蝦球新鮮嘅蝦球炸到卜卜脆，蝦肉爽口鮮甜，仲大大條呀～蘸埋沙律醬同杏仁脆片，味道吸引🤩✨雞軟骨椒鹽脆豆腐雞軟骨同脆豆腐同樣惹味，香脆嘅外皮包住豆腐同外酥內脆嘅雞軟骨，忍唔住一啖跟住一啖～✨兒童餐店員送上兒童餐之後，小朋友一見到熊仔頭包包都話好得意呀😎 而兒童餐嘅雲蛋蝦仁🍤同燴麵都好啱小朋友食，仲有新鮮水果，跟餐嘅果汁仲係健康橙汁嚟㗎～

記得紙飛機都已經開業一段時間了。初開時去過一次、今次友人話想去下就約定了。再次到臨、感覺仍是很好！很優質的感覺！唔知係咪交通加上平日的關係呢？！冇咩人～順帶一提、就算揸車都好抵！$10/一小時～好啦！講下個環境、其實真係好企理！好乾淨！重點係d野keep得好好！大家都知小朋友玩玩具就唔係好識錫住既⋯但這裡不論傢具、玩具的菜、魚都保存得好好！講下有咩玩先！1）廚房區：有多種食物、廚具、購物籃2）英雄公主變身區3）舒適閱讀區4）Lego 、工程拼砌區5）sir滑梯6）木粒沙池區：爬上頂仲有個小小車迷世界食物方面～其實都多種類、有飯、有麵、有辣同唔辣！小朋友更有兩款兒童餐選擇！今次我地選左獅子頭的成人及兒童餐、不過最值得推介係松露炒飯😍好香好好吃又唔油！

約咗屋企人嚟紙飛機餐廳食嘢，老公負責帶囡囡出嚟。但係因為塞車嘅關係，佢哋遲到，飛機嗰邊都好好人，我同佢講左有屋企人塞車，佢就話可以通融我當遲啲先入！因為呢限時兩個鐘嘅。仲未入座所以我就四圍行下，係指飛機對出嘅平台都望吓郵輪，睇吓月亮。家下天氣開始涼，有陣陣微風，都好舒服。如果下次再嚟，應該同囡囡早啲嚟，下午可以喺呢個草地玩一陣先食嘢。因為有好多時間所以就係紙飛機餐廳裏面四圍望，影吓相。佢入門口嗰陣有好細心嘅locker服務，啲貴重嘢有地方keep, 咁就唔怕同小朋友玩嘅時候又要睇住自己啲嘢啦。望咗廚房, 嘩！佢個廚房好乾淨，四圍都包晒不鏽鋼，如果我有個咁嘅廚房就好啦！可能因為餐廳老闆都對廚房嘅衛生好有信心，所以呢佢個廚房一個玻璃可以俾我哋睇到裏面嘅。餐廳唔係好大但係五臟俱全。入門口個嗰度有位擺鞋，有停泊兒童車嘅空間。行入去有一排車，應該係俾小朋友玩嘅車車。仲有路牌穿過去一我見到一個小小嘅corner，擺咗一啲兒童物品，可以俾你購買。拍着隔離呢，就見到有一啲公主衫呀！動物衫呀！可以比小朋友玩。見到有啲小朋友着住來玩，特別開心。有梳妝台啦，好細心咁，有一個嬰兒空間可以俾你擺低BB喺度玩。呢

紙飛機親子餐廳我地已經去過好幾次，位於啟德郵輪碼頭，我最鐘意佢夠寧靜，而且仲有一大片草地可以比麥皮妹妹放電！紙飛機親子餐廳有幾個位置比小朋友玩，有煮飯仔、瀡滑梯、木粒池、圖書區、幼兒區等，另外仲有 cosplay 衣服可以穿著；大人就可以係旁邊一邊食野一邊睇住小朋友！食物方面以中式為主，款式都唔少，仲設有賣相不錯既兒童餐！我就點左個兒童餐比麥皮妹妹，有雲蛋蝦仁、鮮茄蘑菇燴麵、乾貝海鮮豆腐羹、馬島小企鵝、時令水果，仲有 bless 既果汁，非常豐富！無乜味精，以淡味為前題，適合小朋友食用~~另外呢度仲有免費既 Babyccino 比小朋友架，大家可以叫返杯比小朋友，咁就唔會睇住大人飲自己無得飲而扭計啦！大人就叫左個拼盤：甜蜜蜜南瓜、養生小木耳、香辣口水雞、靈隱尋味素鵝每碟都細細碟，味道亦不錯！黎呢度1歲以下及成人係免費架，小朋友 $138 / 2小時，成人餐飲最低消費 $100 / 位，價錢都適中，玩足2個鐘就抵哂啦！