烏蠅館 (Moved) New Location

真心覺得黃色經濟圈好有用，起碼佢令到一個唔食酸辣野嘅人(姐係我🙊)去試川菜冒菜！從來都無唸過呢啲餐廳會有野啱我食！但原來冒菜都有好多唔同嘅湯底，唔食酸辣嘢嘅人都有好幾個選擇！但我哋今次有小小唔好彩，weekdays五點左右嚟到，想食嘅海鮮湯同埋寬麵都冇晒🥺另外見到佢晚市有烤魚，下次再嚟試吓先🤩.decided to try this si chuan resto 😆 even tho im not a huge fan sour and spicy foods 🥵 but its not only spicy soup bases🌶 there are other soups and noodles you can choose from as well! overall, very affordable and the portions are huge 😋 next time ive got to try their fish!.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 6.8/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.5/10服務 𝐬𝐞𝐫𝐯𝐢𝐜𝐞 8/10性價

上次黎食過烤魚，見到原來呢度日頭係食冒菜，就已經心思思想食下，今日咁啱黎尖沙咀做嘢，就上黎看個究竟。呢度午市非常受歡迎，1點開始已經全場滿咁濟。冒菜原來同車仔麵、麻辣燙模式相似，都係叫啲送然後就點個麵，可以揀湯。呢度單人可以揀8款（$58），無限制菜定係肉，麵另外加$5。飲品跟餐加錢，我就揀左熱蜂蜜桂花，加$10。桂花份量唔少架。蜂蜜味道自然甜。因為全部即叫即做，而且午市人好多，都需要等10分鐘左右。呢度環境舒服，燈光都好適合影相。黎到之後發覺都幾大碗，揀左8款料，顯得個碗好滿。個茄湯唔係港式茶記果啲咁甜，而係新鮮蕃茄打成蓉，非常天然，味道唔會好濃味。芝士丸好流心超邪惡！油麥菜、雞髀菇都好吸湯好正。牛筋夠軟，雞肉份量都幾多。蟲草花都好大扎！個麵係火鍋麵，好滑，咬落爽口，份量都唔少架，我就飽到食唔曬！呢度咁抵食唔怪得知咁多人。侍應都好年輕，好有活力。

說到冒菜，對很多人包括我在內都比較陌生，原來冒菜是一款成都的街頭小吃，可說是麻辣火鍋的迷你平民版或麻辣燙的變奏，同樣以麻辣湯頭作膽，客人自行挑選各款親民的薄、脆、嫩材料，例如素菜、豆類、丸餃等易煮易準備的新鮮材料，廚師代煮，一人一碗，經濟抵食。 冒菜與麻辣燙的分別是比較少油、少麻，聽落更合心意，無聊的週日，雖然適逢狂風暴雨，依然不阻我出門的計劃，獨個兒走到尖沙咀雅士厘道這家吃冒菜的小店，取名烏蠅館，真有趣！ 來到門前，意想不到小店子如此雅緻，門外的標語及茶具的擺設，帶幾分文人雅士風、成都小茶館的風格。成都人愛喝茶，冒茶配茶亦相當合理。 據服務員說，他們同時經營茶葉生意，下午非繁忙時段可以只來品茶，印出來的菜單有30款茶的選擇。 入鄉隨俗，我特別選了一款桂花烏龍茶，據說在蒸茶的製作過程中，三次加上桂花，因此沖出來的烏龍茶，見不到桂花卻洋溢著桂花之香。 果然不錯，尤其剛沖出來之時，陣陣桂花香一湧而出，過了一會兒，茶香取而代之，吃過麻辣湯麵之後來一杯茶，果然夾！炎炎夏日，相信凍茶會更受歡迎，只因個人口味我喜歡熱飲。 備以三款湯頭，麻辣、清湯及雞湯，配料選擇非常豐富，有四十款之多