初芋 (Closed)

成日行旺角都會經過呢間好多人嘅甜品店，今日終於同朋友一齊去甜品當午餐食💜🤭～冰極芋圓窩（$128）芋圓窩好巨型，配料好豐富，有一大球芋泥、三色芋圓、椰果、椰汁糕、仙草、桃膠，底層仲有紅豆添🫘！醬汁揀咗「椰汁初芋露」，即係椰汁+芋蓉，裡面仲有啲芋頭塊，幾飽肚😌～淋咗椰汁初芋露之後，芋圓窩味道變得更有層次，首先食到好濃嘅椰香同芋頭香，之後就係各種配料獨有嘅口感同味道。兩個人食晒成個窩都開始飽～😆青山抹茶（$118）牛奶味好濃郁嘅綿綿冰🍧，表面有抹茶粉，綿綿冰裡面係抹茶雪糕🍵，外面則有好多紅豆圍住座冰🫘，頂部仲有粒烤到外脆內軟嘅綿花糖，綿綿冰底層仲有抹茶啫喱同抹茶脆餅，層次非常豐富，天氣咁熱🏖️，食咗即時降溫👍🏻～分享大拼盤（$128）唔想食甜品，呢度仲有咸嘅台式小食拼盤食～我哋揀左大嘅拼盤，足足有9款台式小食，全部都好入味～（左）玫瑰荔枝四季春（$38）（右）奶蓋烏龍茶（$38）玫瑰荔枝四季春味道幾fresh，粉紅色好靚💖；奶蓋烏龍茶茶味夠濃，搖均就更好飲～

晚市堂食放寬後, 一於同閏密去食糖水。經過潮特, 轉灣就見到呢間裝修好女士的糖水店, 紫色為主好靚。入到去, 5個人, 叫左冰極芋圓窩同青山抺茶。冰極芋圓窩一上台, 噴曬煙,打卡之選。配左楊枝金露底比較甜, 不過份量十足, SHARE 食抵食。另一個青山抺茶是抺茶控必選, 炎炎夏日, 整番杯冰, 甜度剛好, 好好味!