君悅咖啡廳

Open Now

Now Closed

君悅個景靚就好多人知，食物款式多同質素都keep得到，重要讚下疫情期間衛生情況好好，至少食得安心。刺身大路嘢：三文魚、甜蝦、帶子、吞拿魚、魷魚都有。味道雖然唔算太鮮甜，但勝在款式夠多。冷盤：唔.....龍蝦無咩味、峴有沙、蟹腳係正嘅，有海水味又鮮甜。牛扒好淋，好有牛味，肥瘦適中。蝦就都係禁啦，肉實淨，鮮味就無咩啦。炒龍蝦係必食嘅，比冷盤龍蝦好食好多，個汁好濃味，熱辣辣，好有鑊氣。鵝肝煎得香口，好多地方都整得過熟，但呢到無，食完一件再一件。珊瑚蚌蒸蛋？好似係蛋蒸得滑，個汁係豉汁，配搭新鮮甜品有好多款，我就真係唔識分好唔好食啦，係甜品都中意，首推拿破崙蛋糕。重有好多野食，不過真係食唔落啦。

朋友生日飯來到grand cafe, 平日夜晚來食，指定信用咭有平到15%, good!窗外美麗風景被地盤所阻，完工後不知道會有多少影響呢？早前食完刺身放題，是夜較想吃熱葷！朋友們努力跟麵包蟹厚厚的蟹膏搏鬥著，一過說高膽固醇罪過，一邊大叫好味，還要去取煎鵝肝！而我則先取至出名的海南雞和燒鵝义燒！再order定即叫即炸天婦羅，今晚蕃薯最甜最好味！另在主菜燒牛肉旁的燒菠蘿也是一大驚喜，眼看已焼出糖化，入口更不得了！即炒龍蝦、义燒穌和當歸蜜汁骨我都捧了不少場！現除了一杯咖啡/茶外，自己也可在醬料枱旁任酙ice tea or ice peach tea! 正！最意想不到的是可能有六位食的生日飯，酒店預備了一小個火焰雪山做甜品，多有心思！以我經驗，少人D唔係offer呢樣，亦冇得choose~ 下星期會再encore