豪華咖啡茶廳

Open Now

Now Closed

一直都鍾情於舊式香港冰室，嗰種屬於上一個時代香港人嘅年月感，係幾多廣告同marketing 都取代唔到。從一家人到冰室食早餐到兩口子落嚟飲杯甜蜜紅豆冰，又或者三點三約埋同事蛇王飲𠻪茶食件撻，太多太多嘅港人專屬回憶，都係嚟自呢D“一成不變”嘅冰室/茶記。有時候我會諗，伴隨經濟高速發展而消失嘅，除咗係買少見少嘅冰室，更有可能係存放住幾代人嘅回憶產地。而講番呢間有六十幾年歷史嘅豪華咖啡茶廳，從門面裝修就可以見到佢嘅年代感，每次嚟到都會俾人一種放慢節奏嘅錯覺。而佢嘅嘢食都一樣咁傳統同出色，我今次就食咗蛋牛治同凍奶茶，大熱天時最啱就緊係坐喺有冷氣嘅冰室，嘆番杯凍奶茶啦~

6月16日, 同呀比去到灣仔, 本想食華星, 但見門口一大條人龍就決定轉呔~ 假懷舊不成, 去隔一條街的豪華真正懷舊一番~::: 蛋牛治 麥包烘底 ::: $10有得揀麥包, 仲要烘底唔加錢! 單單呢兩點已經好欣賞!! d蛋牛餡混埋一齊煎, 仲可以半熟有蛋汁, 好出色~ 個包烘得香脆, 不過只怪自己貪新鮮想試麥包蛋牛治… 而其實味道帶甜嘅提子麥包同d餡有少少唔夾… 下次要番方包應該就無得彈!::: 雞翼公仔麵 ::: $14用上普通嗰隻公仔麵, 麵身有d過淋, 湯底唔太濃, 加大量辣油都唔過份, 不過咁樣先係港式公仔麵嘛~ 雞翼有3隻, 都幾大隻嘅, 用煎嘅總比用烚嘅好, 起碼會香d~::: 凍奶茶 ::: $11凍奶茶味道唔錯~ 茶味好濃澀¸幸好奶味亦夠厚黎中和一下~ 適宜慢慢細味~呢度環境雖然殘殘地, 但衛生情況都幾好~ d侍應叔叔做野又夠爽快! 門口d露天摺枱開到過隔離地盤門口, 大熱天時都仲有人坐喺度嘆茶~ 隨住周圍拆得就拆嘅市區重建地盤, 呢一份老茶廳嘅懷舊味就更值得珍重!

很久前已經覬覦這家舊式茶記，但在較雜的環境下為食如我也不敢獨個兒幫襯，還好隔壁一間13座牛雜每每把龍引了來，我可以順便拉他陪我試食! 　首訪約是2個月前，輕輕試了凍奶茶($11)及奶央多($6)，感覺無花無假是驚為天人：香甜幼滑的凍奶茶宛如加了魔法，奶味茶味俱濃但又出奇地和諧柔順，把味蕾哄得貼貼服服的同時，也將二人的心輕輕偷去，事後令人想念不已!微烘後的奶央多外圍香脆，中心部份則軟棉富彈性；特別而芳香的咖央滋味是一般奶油或奶醬多不能比擬的，又是件一吃傾心之作!　昨天再做婚檢前，縱然又遠又熱我也建議重來，並得到龍的大力支持。於炎夏再一次重溫極端美味冰爽的凍奶茶，感覺真是無比美妙，這一程走得值啊!又試了獲食家高度讚賞的蛋牛治烘底($10)，蛋嫩牛肉香也是不錯，但如餡料豐富點會更吸引，這個我認為深水埗的新香園更為出色。今趟還試了餐蛋麵($14)，頗鮮香的餐肉足有兩大件，蛋也是剛煎好仍然嫩口，配上美味的福麵，也很滿意。最可惜是炎夏胃口不佳，無力再重溫奶央多了。　沒關係，這間美味又經濟的小店已成為二人灣仔朝聖站，將來肯定還會再三，再四，甚至五六七次的重溫又重溫，回味又回味!