嘉寶漢堡 (Moved) New Location

🥢 烤菇芝士牛堡 $55牛肉同烤大菇都好juicy，牛肉嘅牛味好濃而且帶有少少焦香，而雙層芝士熔晒變成芝士醬好正～生菜同蕃茄都好新鮮；麵包有稍為烘脆，口感軟熟，不過淋得好快，吸埋肉汁之後會變成一pat同散開，食得有啲狼狽•🥢 凱撒雞扒堡 $39雞扒好脆，但有少少燶，好彩入面雞肉滑嘅😋雞扒好入味，但個人覺得有啲太鹹，呢個「凱薩」漢堡嘅特色係加咗脆卜卜、牛油味好重嘅麵包粒，配埋生菜同沙律醬～可惜沙律醬唔夠，食到中間先有😥但好鐘意有幾塊好大嘅菜，減低食漢堡嘅罪惡感😝•套餐+$15 有一款小食同飲品，種類都好多～🥢 薯格新鮮炸起熱辣辣，擺左一陣先食都好脆，份量好多，有十幾塊大塊～🥢 番薯條 +$5番薯條嘅表面灑咗鹽，所以外面鹹，令到入面嘅番薯食落更加甜，而且份量好多👍🏼不過就唔算好脆，保留咗蕃薯嘅口感～

平時有返咁上下質素嘅burger餐都接近成百蚊起跳，呢到價錢較親民，只係六七十大元就有套餐啦😬 但用嘅牛肉同雞肉質素都不相伯仲👍🏻 而小食嘅薯條薯格都整得好香脆，性價好高，一直都keep住有人入店。留意番座位比較少，所以太多人就未必岩❗️黑松露芝士牛堡 $50 + $15 薯條加汽水凱撒雞扒堡 $39 + $15 薯格加汽水總評🔮食完可再食

位於尖沙咀一個唔起眼既街角，舖面唔大，只有大約十幾個堂食位置。Menu選擇多，價錢亦唔貴。叫左一個凱撒雞扒堡同蜜糖芥末菠蘿牛堡，跟餐要薯條同薯格。凱撒雞扒堡食落有雞扒凱撒沙津有九成相似，麵包烘得好脆，感覺似食緊沙津上面既麵包粒，雞扒唔乾，但唔算好滑，菜亦都好新鮮同多菜，整體黎講個包食落比一般漢堡包冇咁「漏」，酸酸地咁幾清新。蜜糖芥末菠蘿牛堡就比較濃味，塊牛亦好厚身，但平身牛味唔係好出，個醬咁濃，反而個醬既味做左主角。但不得不說個醬同菠蘿加埋真係好match，雖然食落冇乜牛味，但呢個價錢咁既質素已經係超級值。跟餐只需加15蚊就有小食同飲品，薯條同薯格份量好多，亦好脆，唔會淡哂，好食！總括黎講餐牌選擇多，質素用料算唔錯，平民既價錢，推薦！

又一間隱世漢堡店，係旺區不單止仲要性價比非常高-凱撒雞扒堡 $35 （+$15 套餐 飲品&薯條）雞扒煎得夠香，雞肉夠嫩滑，不過略嫌調味方面有少少過鹹，加埋凱撒沙津醬同生菜，成個包fresh得黎又唔會太膩。薯條即叫即炸，每一條薯條都有薯仔肉，唔會有空心既情況出現，味道係普通既鹽味，加埋茄汁好正。順帶一提，套餐除左薯條之外，仲可以揀薯格、蕃薯條、沙律或者炸燒賣。-香辣煙肉蘑菇芝士牛堡 $47（+$15 套餐 飲品&薯格）正因為漢堡有咁多種材料，口感非常豐富，漢堡排肉汁豐富 好juicy，煙肉煎到脆卜卜，加埋秘製辣醬非常之惹味！蘑菇味道唔算好重，單純增加番漢堡既層次感，連我唔太鐘意蘑菇既都入到口。薯格亦都係即叫即炸，本身已經經過調味，唔需要點茄汁都已經好正-依間漢堡既質素比得上80-100蚊價位既漢堡專門店，價錢亦唔會太貴，鐘意食薯條漢堡既兄弟可以試下👍🏻