上品火鍋料理

Open Now

Now Closed

今日表哥過咗嚟，講到明想食海鮮！但無講明要食海鮮火鍋定刺身，於是我就帶佢嚟試勻曬！海鮮拼盤，刺身拼盤各叫一個！我地仲加咗碟肥牛。刺身拼盤有：北寄貝，鮮帶子，象拔蚌，甜蝦，鮑魚，三文魚，泰式海蝦款款都新鮮、靚、正！只不過有一點唔好，就係食唔夠喉啊！（不過老實講分量都幾足嘅！）我自己特別中意食象拔蚌，鮑魚，八爪魚這幾款，就係中意果種爽口，煙韌的口感。慢慢在咀嚼中甜味開始散發出來……正啊！而表哥就比較中意食三文魚啦，油脂香味重，肉質肥美鮮甜。海鮮拼盤有：活海魚，海蝦，聖子，蠔，花甲，蟹。湯底叫咗清湯同清熱芫茜皮蛋湯，食海鮮叫清湯好啲，咁唔會太重味，掩蓋了食材本身的鮮味。同表哥都好耐無見啦，咁係要啤一啤佢，暢聊一宵啦！叫咗兩樣小食：辣酒海螺，椒鹽鱔片。辣嘢，煎炸嘢送酒最啱噶啦！有時去酒吧飲嘢都無咩小食揀，係食嘅地方就唔同，特別係呢間，小食都幾多選擇。

今天是五一黃金周，一家大細諗起食火鍋，見之前有朋友曾經到這裏試過話幾好，於是前來一試！今晚點了共三款不同的刺身，包括刺身拼盤($438) 送蕃茄薯仔牛粒湯、石蚌刺身($132)、櫻花牛刺身($178)、安格斯鮮牛($238)、西班牙黑毛豬($108)、流沙汁釀墨魚丸($98)、鮮蝦雲吞皇($88)、炸魚皮($52)、貢丸拼豬粉腸($70)、豆卜拼西生菜($37)等食物😋每一款刺身都非常新鮮，賣相一流！炸魚皮是新鮮做的，件件卜卜脆👍 櫻花牛刺身配秘製醬汁入口即溶😍流沙汁釀墨魚丸和鮮蝦雲吞彈牙可口😋總括來講，無論環境食物質素和服務態度真的一流，下次會帶朋友再來！

好耐無嚟過，對上個次嚟食都幾年前，服務好似好咗，雖然唔覺得抵食，但服務補番令我覺得值得再嚟~👅食物：❤❤❤❤我哋叫咗2人海鮮套餐叫魚頭湯底加多個炸魚皮，套餐有有個刺身拼盤同牛肉海鮮拼盤，甜品同菜，湯底個魚頭可以食既，都幾滑，其他野都幾好味亦算新鮮。份量：❤❤❤❤感覺唔多野但原來都幾飽。環境：❤❤❤❤人唔多，少人可以坐卡位，枱面好多位擺野亦坐得好舒服。抵食：❤❤❤計番每人約370，唔算好貴但亦唔平。服務：❤❤❤❤幾好，其實有一部份係買服務，職員會定時過嚟幫你'不'走啲泡泡，又過嚟加水，叫職員每次好快有回應，就算佢哋忙緊都會有應你先，感覺良好。#上品 #上品火鍋 #上品火鍋料理 #天后 #foodie #foodies #hkfoodies #hkfoodie #hkfoodieyiki

今日阿sir請食飯，梗係搵間好野啦．．．天后呢區，對品最有信心。之前同friend黎過，覺得好好坐，d食物都好新鮮，唯一缺點係有d貴～不過，今次阿sir請，就叫左個刺身拚盤吃下。一邊吃下魚生，一邊"卓"下吃，都幾過癮！（雖然有d浮誇）我自己就好鍾意個鴛鴦湯底，尤其係個杏汁白肺湯底，真係好好味！麻辣湯底都幾正，配海鮮（好似蝦）又幾襯！個晚我地仲叫左好多本地肥牛、鱔片、海班等，真係大滿足！！！多謝阿sir~