上品火鍋料理

Open Now

Now Closed

我哋最鍾意食 海鮮所以上品火鍋新出的二人套餐$1188 有龍蝦象及拔蚌刺身 原隻睇住龍蝦在水缸即起即做刺身 非常新鮮 就算去街市買 都要幾百蚊 仲有其它配菜不計在內 所以感覺都幾抵食美國特大蠔 鲜甜飽满，滑滑嫩，新鲜大，肉质肥厚~ 其他配菜 好似貴妃蚌 墨魚滑蝦滑 黑松露餃子 明太子冬菇都幾好 全部都交到功課 唔洗多講，仲有隻特別啤酒^~原漿 ，第一次飲 麥味香 似外國啤酒 大家可以一試环境特别舒适，新鲜食材，所以係我跟朋友聚会的常驻店

上品火鍋料理(天后)海鮮火鍋🦞自到店必點√ 櫻花牛肉刺身🐮🐮必食100%五星級櫻花牛肉刺身!好吃到不行~精緻的擺盤、完美的刀功，把牛肉切人口即入湯，配埋自家製作的感醬汁,絕配👍👍加拿大頂级象拔蚌刺身可以兩吃,刺身和火鍋都可以。端人食欲大增呀。刺身在燈光下看,肉質通透,就知道很新鲜。鲜甜彈牙刺身肉味鮮甜彈牙，又係必食之選★兩食,避風塘炒香口到不得了蝦丸墨丸新鮮手打,又大粒足料另外店員推介我們牛脆黃喉滾一滾已經可出,點一點辣椒再入口又係滋味到不行麻辣湯底豬骨湯底必點

難得同老友聚一聚又想食好啲 又唔使洗咁多 見呢個火鍋店做promote 1888 有象拔蚌有龍蝦 四位用 都算ok 除返每位價錢差唔多啦 仲送埋湯底， 主角出場龍蝦見佢真係喺水撈上去廚房，我諗唔會假掛，象拔蚌 好大盤 真係鮮甜，其實呢兩樣 我估唔到份量真係 好足， 擺盤又靚 打卡一流 有一樣好特別賣相好靚嘅櫻花蝦刺身 食生牛肉第一次 感覺上都可以 最緊要嗰隻柚子醋汁如果唔係 生食唔係太接受到 之後都係要叫肥牛各樣 呢度D嘢算有特色 黑松露餃子算特別 另外四寶丸都係鮮蝦滑 墨魚滑嗰啲，但係質素唔錯 總括來講評分幾高 值得推薦👍🏻

新嘗試港式火鍋，體驗滿意新鮮生蠔加埋其他海鮮用嚟打邊爐，個湯底好鮮甜另外叫咗雪花肥牛同埋安格斯肥牛， 兩碟既肉質雖然唔同，但牛味都非常濃特別推薦鹹蛋黃鮮魷，魷魚肉質彈牙，油潤又有鹹香味，勁好味

好耐都冇食過呢種質素嘅港式邊爐👍 行過，見唔係多人， 咁啱有位，就沖咗入去坐低， 由於人數唔係太多，又未食過，所以決定叫個二人餐， 再加單點首先嚟個三文魚刺身+象拔蚌， 三文魚新鮮+厚切， 象拔蚌鮮甜冇腥味我哋點嘅湯底係花膠雞燉翅鍋， 原隻雞+花膠+翅，真係足料， 個湯好鮮甜，又冇油份， 隻雞煲完都唔算好嚡， 呢個湯底係加分嘅我哋嘅二人餐有聖子、海中蝦、花甲公同埋蠔新鮮海鮮加靚靚擺盤牛肉方面，我哋先叫本地後加雪花兩碟都好好食， 牛味濃， 唔韌冇柴皮之後嚟嘅食物都唔錯我哋再加咗個櫻花牛刺身， 係牛肉薄片刺身，未食過嘅真係可以試下😋成晚食到超飽， 不論海鮮定係牛肉都係新鮮大滿足，下次要再試下佢個龍蝦套餐

老闆要我搵間有睇面餐廳宴請長期客戶晚飯，一定是上品火鍋，因為平時同朋友不定時的聚會都喜歡吃火鍋，可以慢慢聊天，枱與枱之間又不狹窄，非常舒適，上品一定是首選，除了單點，他們的套餐更是非常優惠，特別是藍澳洲龍蝦刺身 拼 加拿大A級象拔蚌刺身，只需$1880，但不會用食材將就價格，絕對新鮮上水扎扎跳，上碟的擺設更是超級驚喜，有特色又體面，除了他們店內的酒水，更可以自攜名酒款待客人，飯後老闆一直稱讚我的選擇，老闆說以後選定上品火鍋招呼客人！話不多說看圖片就知道了。

🍲已经和朋友来了多次啦❗ 而家香港咁嘅環境真係越嚟越抵食點解 我哋四人點咗1888套餐 龍蝦加象拔蚌。象拔蚌係加拿大頂級 很大很肥美 估唔到咁大盤~ 另外龍蝦老闆話 用南澳龍蝦 係貴嘢肉質比較鮮甜 在魚缸攞上嚟 生猛都不得了 即刻做刺身 擺盤又靚 好有中秋節氣氛！夹起来，在灯光下看，肉质晶莹剔透，根本停不下来。基本上四個人食完呢兩樣 個肚都開始包包地 但係嚟得就搏命 真係好食性價好高其他普通嘢唔講 仲有個櫻花牛肉刺身 擺得好靚 打卡一流 我就冇所謂 但有啲朋友就唔識牛肉刺身 最後我食埋

公司老細接到單大Job要搞慶功宴，秘書小姐提議去天后嘅上品火鍋料理，話男友帶佢食過幾高質！有大食大，當然唔使點睇價錢，但估唔到刺身套餐幾抵食，南澳洲龍蝦拼加拿大A級象拔蚌都只係$1880，仲要送埋$88嘅湯底，咁抵，今次鋸唔到孤寒老細一頸血啦！龍蝦刺身份量幾大下，肉質爽甜彈牙，而象拔蚌超鮮甜，鮮度拔群，食得出係靚貨！散叫嘅桶蠔足足有手掌咁大，放落麻辣湯底淥幾分鐘就食得，但小心爆汁！牛肘肉牛味極濃，輕輕一淥，過熟就嘥料。一句講哂，用心經營，質素對得住價錢有凸，力推！

朋友book了這間火鍋店，性價比不高，主要是收費貴但食物質素卻很一般。醬料選擇都算多。我們點了正宗澳門豬骨鍋拼雜菌花甲鍋，湯底味道都ok，雙拼價錢以貴嗰個再加$40，即係要$228再加一。例牌頂級本地鮮肥牛一碟，$418再加一，係好食嘅，不過咁嘅價錢算係正常發揮啦。例牌本地鮮肥牛，$298再加一，就真係唔抵，佢差在中間有條都幾韌嘅筋腱。野菌雜菜藍$149再加一，真係個心都離一離。鮮雞片，$78再加一，份量就真係少咗d。芝士腸是最驚人的，咁大盤，$58再加一。日本蟹柳又真係好過普通蟹柳嘅。鮮蝦雲吞半份，另外仲有一份韭菜飯，味道都幾好。呢個蝦滑$118再加一，都幾新卜，不過質感就好一般。

昨晚兩口子到上品火鍋料理打邊爐，雖然致電book位時，工作人員態度一般，非常敷衍，不過因為今晚想吃高質邊爐，所以繼續原定計劃。是晚有「加拿大A級象拔蚌-蟶子皇海鮮餐（二位用）」，特價988元。餐內已包括大部份想吃的食材。湯底可選擇88元的鍋底，但我們補差價選擇了冬瓜豬骨瑤柱湯，湯底質感厚厚的，挺滋潤的感覺。先來炸響鈴，鬆脆，能充分吸收湯底的美味。三文魚刺身，新鮮，亦切得厚實。加拿大A級象拔蚌清爽美味，一點也不帶腥味。熟食海鮮有蟶子皇和海中蝦各兩隻，花甲公和珍珠蠔各四隻，份量足夠，擺盤亦非常漂亮，可以好好打卡，當然也是新鮮的。肉類可三選一，我們選了本地鮮肥牛，牛味濃郁。鮮製四寶餃和手釀四寶丸都有不錯的口感。餐內還有時令蔬菜，一盤滿滿的有三款，新鮮爽脆。當晚正好有復活節優惠，我們以一元換了櫻花牛刺身一盤，擺相不錯。這片刺身薄薄的，味道尚可，目測新鮮度上應該是可以刺身的，但試了幾塊之後，覺得牛肉的味道並不突出，只有沾點的醬料味道，所以我們最後還是將它放入火鍋中煮。就當用一元試試就好了。我們也額外選了清酒三粒米720ml，價錢尚算合理。反而我最開心是他們有支裝可樂，打邊爐飲可樂始終是絕配。總的

港遊幾日輕輕鬆鬆嘆個出色港式火鍋：香港朋友推薦的這間火鍋店。星期四晚上來光顧，店不太繁忙，可以優閒吃。食物新鮮，價錢尚算合理，海鮮即叫即劏，朋友推介南澳洲龍蝦，加拿頂級大象拔蚌，確實是鮮甜超推介👍🏻。不得不提這裡餃類很不錯，韮菜餃，黑松露餃，灌湯茄蓉包，皮軟糯餡料足。這次我們點的菜不多，下次要再嚐嚐其他東西。總括來說，這店也可說是性價比高，不錯！

黑面阿姐服務差劣，有禮地問可先上蔬菜，一臉嫌棄問：吓？咩話？食物份量少，索價$9X 鵝腸得10條8條... 牛肉份量極少，非常失望...而且味道又不是特別出眾，去附近XX棧好過

今次去咗上品烚啲溫暖又開心嘅食鍋體驗🍲，一坐低就點咗個必試嘅麻辣湯底，辣得啱啱好，又夠晒香，個湯滲入っ晒每樣食材裹面，啖啖都暖笠笠。講起個上品牛肉拼盤，嘩，簡直係眼前一亮！好多唔同嘅牛肉部位，切得薄薄地，一下就熟。食落去，口感係咁嘅彈牙，每一口都鮮嫩得滯。龍蝦同鱔片就更加驚喜，新鮮嘅龍蝦爽口得黎仲帶少少甜，鱔片嘅Q彈就完美搭檔，滑溜溜咁喺口裡化開。再講講小食，脆皮牛腩真係令人驚喜，脆皮啲聲音可以聽到，牛肉部分又唔會太硬，丁點疏失都無，食得出佢哋嘅爐火純青。至於脆皮芝士蝦丸，咬落去時裹面啲芝士拉絲拉到好過癮，蝦丸外層那層金黃酥脆簡直係大滿足😋。落底，呢間餐廳嘅氣氛正到不得了，啲員工又nice，整體嚟講，係暖笠笠同開心嘅一餐，絕對值得再嚟幾轉！👍🍽️

打邊爐就食得多，但搵一間高質嘅火鍋唔簡單今次我哋湯底揀咗，湯底揀左原鍋花膠雞燉翅群鍋，聽落啲材料都好高級，但係其實只需要$238，價錢相當抵食個鍋一嚟到已經可以當湯飲，即刻補補身先😍 花膠就啱晒女仕啦海鮮方面，嗌咗2磅8安士嘅象拔蚌，大大盤，新鮮爽口，擺盤好適合打卡吖。眼見每枱都基本上有叫象拔蚌刺身，睇嚟真係相當受歡迎牛肉拼盤，就可以一次過試晒咁多款唔同牛肉，拼盤有七款牛肉，每一款都好腍，又夠晒濃味 啱晒一大班人食啦黑松露餃子，入面有滿滿嘅黑松露，夠晒重味，鍾意黑松露嘅朋友一定唔可以錯過。新鮮炸響鈴，每一塊都比平時食嘅更加薄，口感一流，索埋啲湯汁，非常推介其中有兩款特別出眾，芝士蝦丸同埋流沙汁墨魚丸，唔係周圍都食到㗎，入面嘅芝士/流沙汁，非常飽滿，食嘅時候記得小心呀☝🏻桂花蚌/珊瑚蚌，真係最少要嗌一樣呀，夠晒新鮮爽口，淥十幾秒就食得，爽口彈牙，一食就知佢係真係好新鮮其他食材亦都唔特別講啦，但係都好新鮮同埋足料，唔會話嗌完一碟都唔夠食。份量每款都唔會少

我們一般夜晚節目就係去打邊爐 呢間上品都已經唔係第一次 可以吸引到我哋encore 全因有保證食過冇問題 唔中伏 價錢公道 最鍾意去佢呢個湯底 蕃茄牛肉拼四川麻辣鍋 食辣嘅 夠重口味 唔食辣嘅 蕃茄都濃鬱 因為我哋四個 對辣嘅都有不同要求 但湯底最緊要夠濃。桂花蚌，海中蝦蟶子皇，雪花肥牛等等..........一定佔一席胃 環境唔算美輪美奐 所以價格 我覺得算平民吧 仲有冰凍啤酒 打邊爐必備 埋單幾嚿 飲飽食醉 真係冇投訴 去兩次老闆就混熟 唔使招呼 過嚟飲兩杯大家都好高興