京笹居酒屋

Open Now

Now Closed

京笹居酒屋雖然位處尖沙咀，窗外望出海防道人潮熙來攘往，但亞士厘道嘅入口真係行開尖沙咀嘅都無邊幾個會行到過嚟，默默地瑟縮喺鬧市一角。之不過但凡有美食之處，總會有唔少有識之士，當你以為佢哋座落喺唔起眼嘅位置，偏偏京笹就長期滿座，最好記得提前訂座。京笹係正宗日本人喺香港開設嘅居酒屋，每次打電話嚟訂座都聽到老闆好親切嘅日本腔廣東話。入到去環境就逼逼哋，同埋會聽到好多日文，證明都唔少在港日本人嚟幫襯。坐低之後就店員會拎份前菜過嚟，日日都唔同款，甚至乎同一日唔同時間嚟都有機會唔同，今次呢款有啲wasabi味幾開胃。之後就咩都唔駛講，即刻叫咗個刺身沙律，每次嚟都係必食，刺身同沙律混埋一齊真係出奇地咁夾，我覺得直頭係鎮店名菜除咗刺身沙律，其餘都係未必會次次必食，畢竟京笹Manu咁多選擇，真係有排試蒜片牛柳粒(4/5)其實好好食，但真係唔襟食，如果慢慢食，啲牛柳粒凍咗就即刻變得唔好味，所以要趁熱食，牛柳加蒜片真係perfect match炸蝦天婦羅(4/5)其實之前嚟都有食開，但今次炸到少少過咗籠，但入面隻蝦都係咁正汁燒鰻魚(5/5)平時叫開銀鱈魚西京燒💯，真係超好食，今日就試吓鰻魚，嘩又係咁正，啖啖肉

係tst A2出口前往海港城嘅路上，有好多藥房同鞋店，其實穿過一座大廈行到樓梯盡頭轉右，就係呢間，由日本人開嘅，充滿濃濃日本地道居酒屋氣氛嘅餐廳～朋友係呢間店熟客，唔係佢帶我去我都唔會發現。店主同佢老婆都係日本人，店舖係食物味道幾唔錯，價錢合理，仲有sake 飲，食過一次真心想encore！舖頭會提供免費前菜，成日都唔同，今日係螺肉，所以忍唔住點埋sake～sake 揀左360ml 欄嘅最後兩款，名字記不清楚，都係$150-160 range，凍飲幾順口香醇，小酌怡情係個唔錯選擇～鹽燒花魚 $88花魚好厚，魚皮好脆，魚肉好juicy 嫩滑，而且紮實有口感，食到魚嘅鹹香味同鮮味！😍加幾滴檸檬汁增加魚鮮味同解膩，令燒魚味道更豐富。明太子撈烏冬 $78烏冬好彈牙，撈左紫蘇葉碎同紫菜碎，食嘅時候除左濃郁creamy 有d 似沙律醬味嘅醬汁外，仲有紫蘇葉嘅香味～～加上明太子獨有嘅鹹香，配搭彈牙嘅烏冬，真係好夾！食完一啖又一啖！好好味！但係份量太少啦。刺身沙律 $78個汁酸酸辣辣，辣度係普通人可以接受～～幾清新過癮～～入面有好多唔同嘅刺身，例如吞拿魚、鯛魚、蟹肉、章魚、三文魚、魚子、昆布、沙律菜等

好多款式，味道不錯！只是太忙，有機會漏單！剌身沙冿微辣，開胃！ sour cream potato cake 炸得脆卜卜，👍！另外前菜一墨魚加沙律醬，忍不住也吃光了！海膽三文魚子飯等了很久才上菜，整體不錯，只是海膽味未夠濃郁！

 上月跟友人到尖沙咀晚飯對用餐地點毫無頭緒之下到處逛逛走到亞士厘道見到這家不起眼的日本餐廳於是看看餐牌是否合口味..竟然見到日本字的餐牌！大家都帶點驚訝的對望一下然後決定嚐嚐因為我們深信只有多日本人到的餐廳才會有日文餐牌而多日本人到的應該都不太差吧甫進店子就聽到一句句的日文坐在附近的連同待應生大部份都是日本人除子一本主餐牌外還有數張推介及一本飲品餐牌花了些時間才能篩選到想試的菜式但兩個女生還是點了放滿四人桌子份量的菜由於食物有水準之餘還坐得舒適當天還即場預訂了平安夜打算帶其他友人分享刺身沙律酸酸的非常惹味開胃醬油冷麵味道都不錯，帶點薑味挺新穎沙甸魚乾不腥、惹味，佐酒一流連平常不吃魚的我都搶著吃，絕對推介！炸軟殼蟹肉質結實不會"梅"，比平常餐廳吃到的好吃得多！蠔粥用料充足而且鮮味，嗜蠔者必試！配上薑茸一碟，待應生非常細心講解，隨個人喜歡加配茶碗蒸雖然$38一個並不便宜，但滑溜非常，值得一試！還有其他菜式例如泡菜鍋、蛋包飯、清酒煮蜆、燒物都不錯！飲品方面兩次均選擇了冰球酒，無論哪種口味一樣不錯初初喝的時候完全嚐不出有酒精成份，就像普通沙冰一樣但喝到後來有點面紅紅的，重點是冰球內有果肉而友人