極上帝王水產

Open Now

Now Closed

極上帝王水產🐡位於旺角兆萬，黎開旺角都知依棟樓充滿食肆，仲充滿放題，要脱頴而出係靠咩呢！今日試試🧐入場環境都幾和風，唔錯，任食飲品選擇多夠特色，連日本啤酒都有🤞🏻🌟刺身時間🌟個擺盤靚到呢，嚇親，飄住煙食，三文魚肥美，油脂好夠好好味，赤貝幾爽幾甜，北海道帶子好新鮮，好正👍🏻蝦最吸引，必食三蝦🦐甜蝦又鮮又好味，泰式生蝦又有另一個風味，加埋珍寶赤蝦🤤蝦味好濃，好好味既刺身🙌🏻🥘煮物上場🥘點估到有黑松露炒蛋😎而又點估到會咁好食🫣上枱超香黑松露，睇得出既滑🫠口感正到，味又濃，勁正🤞🏻香蒜片和牛粒，牛粒幾大粒，牛味濃既，鐵板鮮蝦滑，又⼀驚喜😍非常好味，焦香加埋好濃既蝦味，⼀定要食💟🇯🇵和食之選🇯🇵鹽燒牛舌，超厚身爆肉汁，好濃味😗孜然鹽燒雞脾菇好大舊，又爆汁，燒得幾好，七味三文魚骨腩，好多肉，七味粉幾夾到，吉列炸廣島蠔+熔岩芝士蝦球，正常發揮，味道唔錯😌芝士和牛手打漢堡扒，肉質驚人地好，溶左既芝心，正🥳學日本人最後食個雜炊但食唔落飯，就留個鱈埸松葉海鮮鍋做結美，豐富海鮮，飲住個雪白湯底食蝦同青口，又好味又舒服😘完整好味既⼀餐，相當高質既放題❣️唔怪得咁多人排隊！

📌 極上帝王水產 - 旺角西洋菜南街1N號兆萬中心9樓🗓(18/12) 星期一 ⏰ 晚上7點左右 💈特式：今日又出左旺角，想搵下日式放題食，去左出名多放題餐廳嘅兆萬中心，見到呢間係「兆萬」相對比較多正評嘅「極上帝王水產」，就親自去試一下佢地嘅食物質素。🥩🍔🌭🌮🥗🥯🥘🍲🍝🍣🥟🍤🍱食物：同大部份放題餐廳一樣，佢地都係會分開唔同價位，由最平$2️⃣8️⃣9️⃣ - 最貴$5️⃣6️⃣9️⃣不等，當然越貴就會越多食物種類，質素亦會越高，我今次就試左佢中價位個「極上套餐」set，而家等我同大家講下🎌味道先。極上套餐會比最平個set貴$100左右，但就會多左9款食物任食同清酒/梅酒任飲，9款食物包括新鮮日本生蠔/海膽軍艦/迷你榴槤流心筒/芝士榴槤多士/紅酒藍莓鵝肝/厚切鰻魚串/原隻甜蝦/巨型赤蝦/磯煮鮑魚。每款我都有試，真係意想不到地出色，尤其是d日本生蠔，新鮮程度拍得住大酒店級數，海膽都好新鮮，而且無明礬味。此外，每位入座會即送🦀鱈場松葉海鮮鍋或🐮日式和牛壽喜燒鍋一份，我咁鐘意食壽喜燒就梗係揀食壽喜燒啦。佢地個壽喜燒一d都唔馬虎，係會上一個薄身鑄鐵鍋比你自己烹調，跟住餐廳提供嘅教學，先放牛油起鑊，再自行放入牛肉

食放題真係好開心，可以隨便order大家鍾意嘅嘢食唔使爭😝，今次來到兆萬中心9樓嘅「極上帝王水產」🤩，A餐每位$289-$319，想食豐富d嘅可以選擇$399-$449嘅B餐，就可以食埋生蠔、海膽等等😍，今晚因為唔算好肚餓，所以就揀咗A餐😚🌟首推剌身🌟淨係擺盤已經夠晒賞心悅目😍，剌身厚薄適中，入口鮮甜，有三文魚、赤蝦、扇貝、泰式生蝦、大赤貝、松葉蟹棒等等，全部都非常新鮮👍🏻👍🏻　🌟壽喜燒🌟每位客人可以選擇鱈場松葉海鮮鍋或者日式和牛壽喜燒鍋，今次就試咗壽喜燒，首先用牛油起鑊，然後就將美國肥牛放入鍋內煮，只需幾秒就熟咗大半，再加入秘製壽喜燒汁，吸收晒d精華就食得啦🤤，當然唔少得其他壽喜燒嘅配菜，絕無欺場😍甲羅燒9選1嘅推廣食物，甲羅控當然係揀甲羅燒🤭，先將甲羅放上爐燒，燒到咁上下再加一口飯落去撈，就可以完全沾上蟹膏、蟹籽、蟹柳，味道香濃，讚👍🏻天婦羅、燒物、爐端燒天婦羅乾身脆口，牛舌雖然厚但非常軟淋🫶🏻，最有驚喜係牛油粟米🤩，有牛油嘅咸香同蜜糖嘅甜味，每粒教好飽滿，一咬就爆汁，係推介之選🙌🏻🙌🏻其實餐牌仲有好多好多嘢食，用QR code落單非常清晰又有效率，可惜一次食唔晒咁多種類，期待下次

餐廳：極上帝王水產地點：旺角西洋菜街菜式：日式泰式西式火鍋放題價錢：今日午市黎食放題，價錢$269，另加一。落單用QR Code。有兩款限量食品寫紙落單。日式和牛壽喜燒鍋有一個鍋放係枱上面比你自己整壽喜燒。肉有肥牛一盤，大概有5大塊，超肥。伴有牛油一細盒。有紙條介紹可以先溶牛油，然後就可以加壽喜燒汁煮肉，最後煮菜。伴有蔬菜籃一個，有大白菜，紅白蘿蔔，金菇，炸玉子豆腐。炸玉子豆腐好滑。蔬菜用呢個壽喜汁煮真係好味。食完壽喜燒仲可以加湯打邊爐，用QR code落單有湯底及配料放題，包括4款湯底，4款肉如牛丸，肥牛，蟹棒同蝦，5款菜同2款主食。生蠔生蠔冰鎮上枱，每人一隻。生蠔好大隻，味道偏淡，伴有cocktail sauce同檸檬一件。以下食物係放題，落單用QR Code。1）刺身共13款，成隻船冰鎮住上枱，份量驚人，打卡之選！挪威厚切三文魚：果然係好厚切，偏瘦唔肥迷你北寄貝手切八爪魚泰式生蝦：無頭，加左泰式酸辣醬爽脆好味榮螺片大赤貝：好新鮮，超爽脆珍寶赤蝦：都唔錯去頭甜蝦：都可以鮑魚片希靈魚：好脆口，酸酸哋寳幸玉子松葉蟹棒：好大條馬刀貝2）高級爐端燒10款日本蕃薯仔鹽燒活海蝦：幾鮮甜鹽燒牛舌

⛩️環境:裝修好有日本Feel，大部份座位都係卡位，係門口見仲有獨立房添。🍚食物:係間多元化既放題，一般放題有既都有。連少見既壽喜燒+磯燒海鮮+打邊爐+爐端燒都有埋，好多野食。飲品仲有嘉士伯啤酒+清酒+梅酒任飲，無酒精嘅都有好多其他選擇。[👍🏻日式和牛壽喜燒鍋]入座即送二選一揀咗和牛壽喜燒，餐廳有埋教學流程教你燒，壽喜燒汁仲調好曬味直接倒落去勁方便，再掃QR Code叫配料打邊爐，一次過二種食法。[👍🏻刺身]刺身款式多無雪味，第一輪刺身賣相討好，有埋乾冰，適合打卡拍片。刺身必叫😍三文魚厚切肥美赤貝大大片爽脆鮮甜海膽鮮橙色香甜濃郁生蠔超肥美[👍🏻高級爐端燒串燒]孜然燒牛肉同羊肉串好出色，唔會好大串份量啱好一串一二啖，羊肉羊臊味同孜燒味啱好，串燒火候剛剛好，值得試試。[👍🏻甜品]甜品都好多款式有啫喱、木糠布甸、Tiramisu、馬卡龍都喺雪櫃任拎，門口仲有大量日本韓國產雪條。

終於轉左新工，新啊姐請食welcome dinner，由大角咀走到旺角，路程都20分鐘🥶慶幸她㨂放題，無浪費走了這麼遠的路😮‍💨先來「碟」刺身拼盤，2人叫四人份量😂可想我們多餓🍥赤貝刺身 (Akagai)爽口細緻，有些微的甜味🍥甜蝦刺身 (Amaebi)肉質清甜，味道極具鮮美，入口質感嫩滑🍥三文魚刺身 (Sake)結合了油脂和鮮味，肉質細嫩爽滑🍥希靈魚刺身 (Saba)肉質結實，爽脆的口感🍥鮑片刺身 (Awabi)肉質飽滿且口感豐富🍥榮螺刺身肉豐腴細膩，味道鮮美🍥帶子刺身比起一般的帶子顏色更加飽滿，吃起來軟嫩鮮甜🥘牛肉壽喜燒先自行預熱鐵窩，放鮮牛油將牛肉煎香，倒入壽喜燒專用的高湯，再搭配蔬菜煮成，過程由食客主導，更能享受烹飪的樂趣。燒肉自己燒得多，但壽喜燒由食客動手煮也是第一次體驗其他還有叫了小食/壽司，但不得不重點推介新鮮的刺身及給予我特別體驗的壽喜燒👍👍👍還有高質甜品雪糕🍦

放題最正既當然係任食,依間仲要質素高,仲要有埋壽喜燒,真係好特別同埋好滿足雪糕仲要係高級野movenmpick~仲有好多特別韓式既選擇,真係物超所值同埋吸引既~首先要推介刺身同壽喜燒刺身真係好靚同吸精,而且食落去都好新鮮,款式又好多。壽喜燒都好專門,俾我地自己燒完牛再加醬汁,得確同好多放題一窩上既不一樣,不錯,而且配料仲可以追加,真係值得點既。我地仲選左生蠔、海膽:嘩,兩樣都係我地既至愛,不錯其他放題推介:海膽手卷、松葉蟹棒天婦羅、燒菠蘿依幾樣一定要必試下~燒菠蘿仲要超多汁 同新鮮~

繼上次介紹完任食6個鐘嘅火鍋放題 今次又搵到間喺旺角嘅日式放題兩位或以上入座就可以揀日式和牛壽喜燒鍋/松葉蟹海鮮鍋食完仲可以加湯轉打邊爐🤤刺身拼盤大份到嚇親😆一盤有16款刺身 而且某啲仲有獨立調味其中比較特別係帶子 三文魚同埋蝦sss🐚北海道帶子好厚肉 切成一粒粒大大粒好有口感🦐珍寶赤蝦好大隻 肉質彈牙🇹🇭泰式生蝦比珍寶赤蝦更加爽口 上面已經有酸酸辣辣嘅泰式醬汁好惹味🍣挪威厚切三文魚果然厚切 而且好有鮮味🍲鱈場松葉蟹海鮮鍋無諗過個鍋有咁多材料 鮮蝦 蜆肉 青口 玉米 蜆肉拆哂殼之餘鍋底仲有超級超級多嘅娃娃菜🌶️避風塘香辣炒大蝦大蝦外皮薄炸到好香脆 蝦肉都keep到好鮮嫩調味鹹鹹辣辣 加埋大量炸蒜超惹味🥬泰式飛天通菜爽脆嘅通菜配上泰式辣椒醬超級惹味食完一份仲想再encore！🦀️軟殼蟹手卷近排好似都係喺放題先會食佢軟殼蟹細細隻炸到好酥脆上面揤咗大量沙律醬同埋蟹子口感豐富啖啖都有料🥛炸鮮奶外皮有一定厚度 就算放咗一陣都卜卜脆入面嘅鮮奶好滑溜 估佢唔到仲加咗飽滿嘅紅豆粒味道香甜但唔會太過

講真我都幾鍾意去放題，可以任叫野食又唔駛睇價錢，真係好啱食餐勁，舒下壓！見到呢間放題有優惠，$189就可以任食3個鐘，刺身、壽司、串燒、即炸天婦羅、西式小食咩都有，真心正！（另加$89服務費）入座就會送日式和牛壽喜燒鍋/鱈場松葉蟹海鮮鍋，之後可以點火鍋配料淥！另外仲有每位海膽/生蠔x1，個人覺得放題水準來說，海膽質素都唔錯！【大大盤厚切刺身】刺身水準幾好，推介：🍣 挪威厚切三文魚：係厚切的，texture幾新鮮🍣北海道帶子：用原個檸檬🍋盛載，帶子本身超厚超鮮甜，加上檸檬香，令味道昇華🍣另外鯛刺身都厚身，味道鮮甜另外壽司款都唔錯：🍣花之戀- 包住的三文魚厚厚的，難得是飯量唔多，唔怕食得好飽🍣海膽手卷- 海膽幾creamy，唔會腥，飯量同樣唔多，係瘋狂食海膽之選🤪【有水準熟食】熟食都好多選擇，有炸物、西式野食、即點即炸天婦羅等等。個人最鍾意以下幾款： 香草燒羊架-估唔到係大大塊，肉質軟嫩厚身，燒到好夠香日本蕃薯仔-一份分量其實都好多~粒粒甜甜的青口-大大粒幾新鮮，水準唔錯【非一般服務】值得一讚嘅係，服務係非一般放題服務，店員好好禮貌之餘，仲會照顧好每抬需要，及時處理收碟、清潔之類！真心性價

旺角兆萬中心不嬲都係日式放題集中地，競爭激烈，所以性價比都幾高，今日就隨意揀咗一間放題，見到極上帝王水產呢個名好似最殺食，一於就試吓佢。入座後，首先見到呢個前菜同調味盤，當然你可以無限追加。正如剛才講喎，而家嘅放題競爭激烈，又點止平時只係刺身串燒之類咁簡單，呢度首先已經嚟一個冬陰功海鮮湯，入面有海蝦、蜆肉、翡翠螺等海鮮，而佢嘅冬陰功配合返香港人口味，辣得嚟又帶少少甜甜地，所以非常開胃。始終日式放題當然唔少得刺身，呢度總共有超過10款刺身，當然唔少得三文魚、帆立貝、赤蝦等等，全部都夠新鮮，擺盤又夠靚，真係非常打卡。此外，我哋都叫咗幾款壽司，分別係芝士蟹籽軍艦、極上芝士鰻魚卷、牛油果軟殼蟹卷。然後就係食壽喜燒，首先放入牛油，然後再放入牛肉稍為煎香。跟住就加入壽喜燒湯，然後再放入其他蔬菜等配料，就成為咗我哋自家製嘅壽喜燒喇。之後，我哋又叫咗幾款料理，包括日本芝士年糕、天婦羅、日本番薯仔同埋胡麻冷豆腐。仲有孜然牛、羊肉串，七味三文魚骨腩。另外仲有泰式飛天通菜、香甜牛油粟米同燒菠蘿，真係夠晒豐富。飲品方面都有好多選擇，有糖無糖有汽無汽嘅都有。除咗雪櫃入面嘅甜品，仲有唔同款式嘅雪糕雪條，大部份都係

有一日同朋友食飯，大家都冇意見，咁經過兆萬中心就搵咗呢一間餐廳上咗去食啦。因為唔係假期，所以搵位都非常方便，上到去就已經有位。食物方便佢嘅種類都算係OK，唔算話太少種類嘅但係都係夠食嘅，刺身方面佢算係普通，唔可以話係好新鮮，其他嘢食，例如炸物等等，廚師係唔會根據你寫嘅份量去俾你，佢係見到你兩個人明明你寫一件佢都會比兩件。我同店員講店員就係咁樣解釋，係友善嘅解釋嚟㗎。所以我只好接受但係就有啲浪費，夜晚返到去食完有少少唔舒服，唔知係因為食得太飽，定還是係因為啲刺身唔係太新鮮。個胃唔舒服左兩日。不過都算係可以嘅放題食店

我地book左7:30，一入嚟就覺得怪怪地，有個女侍應叫我地等1分鐘，要執檯，等等下又話都係唔好等，帶你地去第2張，態度十分兒戲，唔似返緊工咁.... 一開始侍應話刺身出最快，其他炸物燒物會耐d, 咁我地第一次咩都有叫既。一開始嚟左份刺身船，都算新鮮，但估唔到係惡夢既開始....侍應怪裏怪氣都算，佢地好似連基本點執碟都唔識，倒到客人成身豉油，sorry都無句，成地豉油都無諗住抹。然後隔離檯收野，又係倒到成檯豉油，真係唔知你地啲員工點做野，我覺得聰鳴茶座既員工比哩度更勝一籌...放題店有漏單好正常，但你地係7成以上既單都漏，就算有碟上菜，都好似亂咁出，2個人食寫6件刺身，你夠膽死比3件，敷衍客人！用餐途中，有個女侍應問我地有無漏單，比張單我地圈，哩個ok, 算有跟進。但之後有個男侍應彈出嚟，叫個女侍應唔洗催單，我感覺係有心唔出單。成間店舖啲侍應做野毫無組織，我真係唔明，點解咁都可以開到店...事後，有個經理出左嚟，話幫我地優先出食物，都叫做有野食，但啲焗蠔可以係凍既.... 另外羊架，牛舌就幾好食。眼見不單止我地檯漏哂單，隔離檯都漏左好多，一開始得碟通菜上檯，連刺身都出唔到...再重申：

武漢肺炎又爆過，呢餐應該係自我閉關前嘅最後的午餐~ 咁緊係要搵間勁嘅嚟食啦我第一次嚟呢間，見佢lunch可以食6 粒鐘， 咁就緊係試吓啦~ 個friend仲買埋coupon, $179+79 per head就可以咁食法， 真係痴咗線。 不過佢都應該難捱， 又爆武漢肺炎，希望佢呢d良心店可以頂得住啦 加油呀！！！我地book咗4 位， 一坐低緊係即刻叫嘢食啦~ 佢都真係好多嘢揀， 仲有得打邊爐，係咪癲架。。。。 $179+79 = $258 任飲任食6 粒鐘 抵到爛呀！！！佢d嘢都ok好食，最愛佢嘅芝麻雞翼， 我地encore咗幾次 佢都好多sashimi揀， 總之就多啦~ 我地慢慢食， 真係食咗成5 粒鐘， 唔駛好似其他放題咁好趕， 我地可以坐響度傾吓計， 食吓嘢~ 唔錯唔錯最有驚喜係佢嘅雪糕雪條櫃， 超多雪條揀， 連d貴價雪條都有， 真係冇得頂~ 遲d放監再約friend食過！！ 而家都係自己閉關先啦， 正苦一路唔封關，我地都係靠自己吧啦。。。

好耐冇食過放題又唔想夜晚同人迫就揀咗星期日晏晝黎食一坐低就送上小食同醬料除咗最熱門嘅刺身呢度仲可以打邊爐二揀一揀咗佢嘅日式和牛壽喜燒都幾大兜幾足料有牛肉金菇豆腐娃娃菜生雞蛋葛粉條唔夠食仲可以嗌多D配料繼續打依度既D刺身都算新鮮解雪做得唔錯無咩雪味重點係嗌幾多就黎幾多個人推介三文魚北寄貝大赤貝三文魚夠肥美大赤貝就好爽口放題既壽司一般都好凍同偏硬而依度既壽司做到飯粒分明鰻魚同火炙三文魚都唔錯燒羊架就失色左少少食落暖暖地唔係好夠熱炸物就熱辣辣得多食得出係即叫即炸香芋丸係我每次放題必食仲有嗌左飛天通菜試下食落有鑊氣香辣同好惹味由12點到6點食足六個鐘只係$209加一提前預約仲有95折添整體黎講性價比好高成6個鐘完全唔洗急可以慢慢食最啱同朋友黎食野吹水