韓牛牧場 (Closed)

睇食評見d相影得好正，四個好友去試下，講真…刺身同各樣食材同ok！但可惜用光波爐，唔夠力度，就算調到最大火力都唔掂，冇左燒既香口感！整得唔夠時間就唔熟，整耐左就柴皮，完全冇吸引力，浪費食材！我地追加食大閘蟹，上到黎……細到呢…半隻手掌都無！見到d野…完全冇胃口，都唔想再叫第二轉！提提大家…記得 check 單！記得 check 單！記得 check 單！我地發現收多一個人錢…成$438，我地同職員講，佢好輕描淡寫話退返！事後我睇返其他人食評，原來收多錢好似係慣性，大家要記得 check 單！總結……熟食比較出色，但收多錢唔老實！去唔去，自己衡量喇

朋友話想嘗試韓燒，但又想要少油煙味，啱啱好知道銅鑼灣新開家鋪頭-韓牛牧場，佢係用無火旋轉燒烤爐烤嘢，做到高溫少油，啱晒朋友心水。我哋嗌左套餐世子牛盛-$278起，係放題形式，冷盤和前菜小食種類繁多，任你食。有4份定量製作食物，都是刺身類，其中醬油蝦最美味，蝦肉新鮮，醬汁滲入蝦肉裡，值得嘗試。燒烤放題：最惹眼係羊架，脂肪少肉汁多，有小小羊臊味，但肉嫩。牛類除左安格斯肉眼扒定量，牛仔骨，牛舌，肩里脊，牛胸肉可以任食。還有豬肉，雞肉，海鮮，蔬菜選擇。種類繁多。如果唔想食燒烤，還可以嗌些主食。有湯，炸物，天婦羅，炒類，飯類。保證可以食得飽。當然飯後甜品和飲品一定有。