倫哥火鍋私房菜 (Closed)

今日黎到最近頗多人推介的倫哥私房菜慶祝朋友生日，試吓係咪真係咁好味🤔🤔先上的是用猴頭菇同老雞燉嘅燉湯，好足料夠晒清甜😋😋飲完湯就上刺身，每樣刺身都好正常最緊要無雪味👍🏻👍🏻之後就輪到上雞煲，叫咗小辣，惹味得來雞都算嫩滑。鮑魚仔都問得夠入味，唔錯唔錯。食完鮑魚就上湯底打邊爐，呢個天麻魚頭湯底因為限量供應所以要早兩日預訂，離遠已經聞到好香天麻味，原隻魚頭已經熬到接近溶晒，雖然賣相麻麻地，用來做火鍋湯底一流😋😋安格斯肥牛紋理都算可以，可惜唔係任食。海鮮拼盤都算豐富👍🏻👍🏻埋單每人$323（需加一），無限時，性價比真心不錯👍🏻👍🏻

星期天下午弟弟用whats app訂枱，預先指明食火鍋。當晚六時，我和爸爸弟弟入到餐廳後便安排入房，我們三人坐下五人枱，空間充裕。同房另外有一張五人枱 (已有一家三口在用餐)和一張二人枱，不但沒有大廳的嘈雜，還望到窗外景色。火鍋不用揀料，只需揀是否加$30由蟹轉龍蝦和雞煲要幾辣，汽水則任飲。1. 先上前菜，幾開胃。2. 雲耳: 比較辣。3. 刺身: 三文魚每人二片，帶子，北寄貝，八爪魚和蝦每人一份。全部都新鮮好吃。4. 雞煲: 枱面有說明如何吃雞煲，每兩分鐘搞一次，一共搞四次便吃得。由於第一次來吃雞煲，我們叫了微辣。雞煲惹味，不太辣。雞煲可任叫，我們另叫一煲小辣，一上枱已聞到辣椒攻鼻的味道，比起微辣吃得更過癮。5. 第一次叫雞煲時，另上一碟牛柏葉，魷魚和豬皮，待雞煲食到一半時加入，不過三種食物都只略為吸收雞煲的汁，其實味道不太突出。第二份雞煲便沒有這一碟了。6. 涼粉: 吃完雞煲便上涼粉，店員表示用來中和雞煲的辣，以便品嚐餘下的火鍋，真貼心。涼粉清涼，而且味道適中，不太甜，不錯。7. 火鍋: 椰子雞湯，中間以冬瓜盅做分隔，盅內有雞和椰子肉，盅內的湯才會滾，所以火鍋配料要放入盅內。不單賣

咁啱屋企人去開元朗，我就放工join 佢地食飯，前排食過係深水埗嘅倫哥，覺得好正，所以就同佢地去試下元朗果間倫哥！ 我地大概到點半鐘左右到，唔洗等位就入得，可能因為喱間比較位置比較多。店員安排我地坐房，仲有電視，可以睇世界盃！ 一坐低仲有個小遊戲玩，就係估當晚邊隊球隊贏，估中就有優惠卷！我地坐低無幾耐，店員就為我地送黎一個生果盤，有蘋果，西瓜，蜜瓜同火龍果，佢仲同我地解釋話飯前食水果可以更吸引水果嘅營養，配合果醋仲可以排毒開胃，真係好貼心！食左一陣水果，就上左個刺身拼盤，有三文魚，大蝦，帶子，凡立貝同埋八爪魚。三文魚，帶子同蝦正常，反而帆立貝同八爪魚令我覺得有驚喜，因為平時食嗰啲成日都好韌，咬唔開，但今日食嘅就好爽，好好食！食左刺身，就上今日其中一個主角，雞煲！因為媽咪唔食得辣，所以我地叫左唔辣。個雞煲好好味，啲雞又滑，而個汁又唔太重口味，食完都唔會覺得口渴啊！ 我地隔離枱叫左辣嘅雞煲，陣味好香，好正！ 除左雞外，我覺得後落嘅牛柏葉勁好味，勁入味。但啲魷魚就煮得唔夠入味，建議大家早啲落魷魚（我地係食完雞煲落，煮左幾分鐘）。同之前食果間倫哥一樣，食完雞煲係會換湯。係等嘅期間，店員為我地送

通常刺身、雞煲同邊爐都係分開食，今次倫哥一餐入面可以滿足晒呢三個願望，加埋佢係私房菜，有獨家菜單，真係一絕餐廳環境都夠寬敞，坐得舒服。入到去基本上所有客人食嘅野都係一樣嘅。餐廳安排左套餐，會按人頭收費同調整份量，材料同款式都係一樣的，分別係刺身拼盤、雞煲、海鮮火鍋。一坐低已經送上前菜，dap住等雞煲上枱。估唔到連佢嘅前菜都幾好味，木耳又夠爽口，辣椒又夠香。等雞煲期間，先上枱嘅係呢個椰子雞湯。味道比平時飲開嘅奶白色椰子雞湯清，有少少油，但可接受的。味道清得黎吸收晒椰子嘅香味，飲得出係老火湯！飲左湯暖暖胃就上刺身了。鮮度同味道冇話好突出，但估佢唔到嘅係兩條甜蝦都好肥美，好大隻！夾起時都有手掌咁長，而且幾好肉地倫哥嘅餐紙上面有食雞煲嘅指引，要定時打開蓋炒炒，每炒一次就要較個爐降一度。期間唔同嘅店員分別為我地照顧個煲，定時定候輪流過黎睇睇，很貼心雞煲嗌了少辣，係平時唔食得辣嘅朋友都可以接受到嘅程度。個雞煲越炒越香，散發出黎嗰種麻辣香陰啲陰啲必出黎 雖則相片睇落份量好少，但夾埋之後嘅邊爐，呢個份量其實綽綽有餘。唔好以為啲雞炒到好黑係燶哂，實情係啲雞痴住左啲芫茜同菜。加左呢啲香料菜吊一吊味，雞食落