韓一館 (Closed)

聖誕節正日，都仲有午市套餐，真心讚！叫左兩份燒肉拼盤，份量OK，質素OK。有兩碟前菜、例湯送俾你。額外叫左雞腿，都OK.服務幾好，侍應生有禮貌。環境衛生。可以一試。

我一向鍾意食韓國嘢，呢度星期一至六都供應set lunch, 78蚊起，嗰餐包括一碗蘿蔔牛肉湯，兩款前菜同埋一款主食，食辣同唔食辣都照顧到!今日我食雞肉什錦石頭飯配煎蛋，呢個飯即做㗎，所以要等10至15分鐘， 先上個蘿蔔牛肉湯畀客食住先！再嚟兩款前菜，哈哈，今日有豆角同埋蜜汁炆薯仔， 煙煙韌韌，甜中帶微辣，搞到我更加肚餓！終於主菜出場喇，啱啱煮好熱辣辣，嘩個太陽蛋好醒神……橙色蛋黄㗎! 蛋下面鋪滿料，有翠玉瓜、洋蔥、紅蘿蔔、蘑菰同埋雞肉， yummy！

山長水遠，走到入愉景灣，幾乎所有西餐廳都滿座，或者要訂枱才能內進。既然如此，我就吃韓國菜，而這家韓一館店內十分寬敞，很輕鬆便可以入座。我點了最愛韓式牛肋骨湯，燒雞沙律和海鮮煎餅。餐廳會送上6款餐前小菜，我覺得泡菜的味道剛好，不太鹹；薯仔亦燘得很入味，送飯一流。韓式牛肋骨蘿白湯果然沒有令我失望，牛肋骨肉味很濃，蘿白則吸收所有湯汁的精華，青蔥更令到牛肋骨湯增添香味。至於海鮮煎餅是一個厚厚的蛋餅，包著魷魚和蝦等海鮮，內裡夾著蔥段，增添口感，整個煎餅味道很好，而且蔬菜爽脆，口感提升。燒雞沙律也很不錯，清新的沙律菜減低燒雞的油膩，而燒雞焗得剛好，保持肉汁，不消一會已經「清碟」。在愉景灣內消費滿指定金額可以換取船票，感覺很划算，就好像免了交通費來吃美食一樣。

好耐無入愉景灣，入到黎第一件事就係食個晏雖然今日熱熱地，但突然想食辣野，所有以揀左韓一館，但因為好多人，等左20分鐘！想食辣嘅我，㨂左泡菜豆腐沙甸魚煲，另外再叫左煎海鮮薄餅。仲加$35轉套餐落完單就即刻送前菜黎，有我鍾意嘅大豆牙同蘿蔔絲，但嗰啲白菜仔、腸仔就唔係我杯茶豆腐鍋上檯時勁香！個湯酸辣味，正，沙甸魚有三條，足料！但個海鮮餅就一般，料好足，但無味，要靠我個泡菜湯增味！明知個湯重味，會有好多鹽，但都忍唔住飲晒咁濟！人手唔夠，但見啲員工都盡做，抵讚！

第一次去愉景灣, 呢間可能已經係最平的了..係3x度高溫下,都唔想行咁耐搵野食反正平日少吃韓國菜.. 試試吧。環境昏暗, 裝潢多以黑為主.. 又是木制的.. 感覺幾優雅叫左3樣野食, 每樣好似有2樣前菜, 有泡菜,野菌,魚仔,青瓜等等..多以酸辣,幾開胃 芥蘭肉片飯見到都知 樣樣好新鮮 熱氣騰騰,個名雖然普通但係芥蘭唔會太硬,幾okay 正常韓式傳統石頭牛肉飯推介, 不得不試,即場撈俾你食, 唔會話太多飯焦, 才料方面牛肉唔少, d肉好嫩撈時雖然佢落左成兜辣醬,以為死得, 點知都唔算太辣,又幾岩口味辣海鮮湯手打麵一樣,辣既感覺唔算太強烈, 幾野味, 而海鮮真係幾夠, 有由魚,蝦等手打麵好正 !! 好in un, 同時亦吸到湯味.. 其實overall服務唔差, 環境幾好,價錢都算合理, 4個人都係4百左右..差唔多吧