韓雅林

Open Now

Now Closed

天寒地凍，真係勁掛住韓國嘅人蔘雞同埋韓國嘅地道菜醬油蟹。既然係食韓國嘢，梗係搵返一間地道嘅韓國餐廳黎食。銅鑼灣呢間由門口已經感受到個轉風！今日個餐由豐富前菜開始🤩然後我哋就嗌咗呢幾樣嘢嚟食：🦀韓雅林醬油蟹 - 呢度嘅醬油蟹大大隻、爆晒膏，黎到見到已經係哇一聲🤩跟埋隻蟹黎嘅仲有牛油飯，跟足韓國傳統食法，牛油飯加埋蟹膏、麻油、醬油一齊黎食，越食越香，食到舔舔脷😋😋🐤蔘雞湯 - 天寒地凍嚟講，呢個又係另一個必叫。呢個蔘雞湯雞入面有糯米、人蔘、紅棗等等，燉煮後嘅糯米吸收咗雞湯同人蔘嘅精華，而且仲有紅棗嘅清甜，香而軟糯，食完個人即刻暖晒😚🐷藥膳菜包豬肉 - 烤好嘅豬肉連同泡菜、蒜片、青椒同生菜一齊食，減膩之餘又食到大量蔬菜🥬🦐香蝦煎餅 - 個蝦餅連蝦一齊煎，配埋個酸酸甜甜汁，真係一流！🦀韓雅林 (銅鑼灣)📍銅鑼灣軒尼詩道489號銅鑼灣廣場一期6樓

前日同個朋友在附近行完sogo😂行過見到一間好高質韓國🇰🇷料理😌決定去試下😂又真幾好食😋韓脈醬油蟹配牛油飯醬油是醬油蟹的主要調味料，其濃郁的香氣能夠為蟹帶來豐富的味道😙蟹膏十足蟹肉好鮮甜🥰牛油飯加紫菜碎再撈蛋黃汁很有蓬鬆的口感😌宮廷式炒年糕年糕經過炒製後會變得軟嫩😌加上牛肉好煙韌😋具有彈牙的口感新奇煎餅煎餅經過煎至外層酥脆、內部軟嫩、😍而且具有酸辣的風味🤣有點像薄餅🍕一樣海鮮石鍋拌飯湯底是泡菜的味道好鮮味😂配料豐富蔬菜肉類😍好足料🥰配白飯會配埋六款前菜😂必定有泡菜😂因為是韓國主要菜式🙂最後贈送了兩粒雪米糍作為甜品☺️餐廳環境好優雅😍韓國人主理😅而且好高質韓國🇰🇷料理/韓燒😂有些侍應是韓國人會懂得講韓文😂而且好有禮貌服務客人🙃感覺好像去了韓國旅遊一樣😂

第一次食醬油蝦~~正宗高級韓國菜，以前仲讀緊書係親戚帶我嚟食◉‿◉ 隔咗咁多年再嚟仲係屹立不倒就知點解!͜͡!͜͡!͜͡環境好大間，因為早到，所以2個人都分到大卡位，轉個頭都full house!餐牌 前菜淨係免費前菜都有八小碟，而且絕對唔馬虎，例如有醬汁豆腐、翠玉瓜天婦羅等等，真係食晒八個前菜都已經覺得有嘢落過肚🤣 醬油蝦 $𝟷𝟿𝟶 第一次食醬油蝦，重點當然係個醬油汁，新鮮生醃嘅醬油蝦，係一啲都唔咸，反而係帶甜味，肉質爽口富彈性，比起醬油蟹軟糯嘅口感截然不同，蝦頭嘅膏都吸得唔會曬!⃝ 海鮮煎餅（小） $𝟷𝟹𝟶次次去韓國餐廳我都想食海鮮煎餅(⁎⁍̴̛ᴗ⁍̴̛⁎)，放咗小八爪魚同蝦，麵粉唔會好厚實，就算嗌小份兩個人食都好飽～～ 韓式𝙼𝚒𝚡炸雞 $𝟸𝟹𝟶炸雞𝚖𝚒𝚡係原味加甜辣，同樣大大份，我個人一向鍾意食甜辣，醬汁十分開胃，炸粉薄啲就更好。 韓式石鍋拌飯 $𝟷𝟻𝟶最後叫個韓式石鍋拌飯，本身都有跟薄肉碎片，撈埋韓式甜辣醬，好惹味。

想食韓國燒肉，係銅鑼灣搵了呢間由韓國人開嘅餐廳，裝潢係韓國傳統餐廳格局⭐️前菜（泡菜、泡菜煎餅、薯仔、紫菜、炒椰菜、辣魚板、茄子、涼拌橡子）食前菜都可以食飽😂⭐️烤韓雅林鮮五花肉因為我地唔識得燒，就咁成塊放係烤板上燒，老板娘見到就出手幫我地燒，燒得好好，肉烤至微微焦香，但仍有肉汁，可沾上麻油醬。期間仲比了新醃的泡菜，放係烤板上烤熟，叫我地試下韓國人食法😋⭐️烤豬頸肉呢個就到自己燒，就差了。但幸好肉切片均勻且厚度適中，都容易燒到熟食😂而醃醬調味剛剛好，唔洗點樣點醬都好食⭐️韓式冷面學韓國人食冷面解一解膩😋⭐️覆盆子酒有點似梅酒味道，都係甜甜地

🤗韓國餐廳正唔正宗，睇下多唔多韓國人嚟就知道。今次同朋友想食正式傳統韓國菜，地方坐得舒服，韓雅林都算屹立銅鑼灣多年。🔸韓國前菜全部係韓國老闆🇰🇷新鮮醃製，多達八款，每款都好好味，最鍾意甜薯😊大豆芽、菠菜。🔸雞蛋拌生牛肉之前喺韓國食完念念不忘🥹你就一定要試吓。生雞蛋與生牛肉拌勻，入口順滑，配上雪梨絲，清甜爽口。🔸泡菜煎薄餅粉漿好薄，有大量泡菜，脆口酥軟。🔸牛肋湯熱辣辣滾住原煲上，湯底極鮮甜，多件牛肋骨帶少少牛肉，牛味濃郁，拌飯一流👍最後餐廳送上夏天韓國人會飲嘅海帶凍湯，而養生紅棗茶非常清甜。

身在銅鑼灣無訂枱但想舒適地吃個優質晚飯，可以考慮韓雅林。餐廳不泛韓國人光顧証明這裡的韓食很有質素及夠地道。推介必試的有牛肋骨鍋，牛肉煮得極軟滑入味，份量亦很多，蘿蔔夠鮮甜；身邊所有試過的朋友都大贊這個牛肋骨鍋很好吃，不得不試。另外點了生拌牛肉、薯仔煎餅、原味炸雞、雜菜炒韓式粉絲。除了原味炸雞外其他都很不錯，炸雞不是太差，但相對專業炸雞店的質素始終較佳。服務質素不是極殷切的但可以接受。比起一般傳統韓式餐廳，這家的價錢較為合理。之前亦試過這裡的醬油蝦，味道正常但蝦身較細；如要吃醬油蝦及醬油蟹的話，其實市面上有很多其他更好的選擇。朋友說這裡的午餐很抵食，但午市則一定要訂位。

呢度曾經係我同朋友的飯堂最鐘意8小碟，雖然待應無咩笑容，但起碼做野快～而家？比人感覺好唔耐煩咁，佢地的反應令我覺得自己係咪表達錯左⋯⋯又或者佢地接收唔到前菜，得番6碟，無魚皮，綠豆糕，煎餅了同其他韓式餐廳對比下，無咩優點咁餐牌及費用就無變好彩食物質素都無分別，涼涼地食石窩飯真係好warm，同埋會愈食愈多飯焦紅棗茶依舊咁足料