韓雅林

Open Now

Now Closed

今次去咗銅鑼灣嘅「韓雅琳」，傳統老字號，裝修滿滿韓國風，座位闊落坐得舒服，職員多數係韓國人，夠晒正宗！一入座就上咗7款前菜，有泡菜、薯仔、茄子、芽菜、菠菜，酸辣開胃，味道層次豐富，已經係一個好開始～ᴡʜᴀᴛ ᴡᴇ ᴏʀᴅᴇʀᴇᴅ我哋叫咗醬油蟹、生牛肉、韓牛鮑魚雪濃湯同香煎餅拼盤，每款都令人回味！✨ 醬油蟹醬油蟹係必點！份量好大，蟹膏多到滿瀉，蟹身肉質嫩滑鮮甜，帶點醬油嘅鹹香，蟹腳肉厚實彈牙，蟹殼入面橙黃色蟹膏濃到不得了。店員貼心幫手挖蟹膏，撈入熱飯，加咗蛋黃、牛油同脆海苔，拌勻後每啖都係濃郁嘅海鮮香，飯粒吸晒醬汁同膏味，正到飛起！✨ 生牛肉生牛肉薄切得啱啱好，入口嫩滑無腥味，配上甜甜嘅梨絲，帶點清新果香同牛肉嘅鮮味，酸甜同肉香好平衡，食落好清爽又有層次！✨ 韓牛鮑魚雪濃湯韓牛鮑魚雪濃湯湯底奶白濃郁，韓牛嘅鮮甜同鮑魚嘅海味滲透湯中，飲落暖胃又濃香，仲配咗碟鹽隨你加，調到啱自己口味，滋補得黎唔會膩，冬天飲呢碗真係暖入心！✨ 香煎餅拼盤香煎餅拼盤有魚、蝦同翠玉瓜，煎到金黃香脆，外皮微焦帶陣海鮮同蔬菜嘅清香，內裏軟糯juicy，魚肉鮮嫩、蝦仁彈牙、翠玉瓜清甜，三種味道搭得好好，份量夠多，sha

星期日同朋友出街，行到天黑就開始肚餓，想去間坐得舒服嘅餐廳食晚飯😋朋友話有間喺銅鑼灣廣場一期嘅韓國餐廳好想試，所以就決定去試啦🇰🇷入座點咗餐冇耐就送上好多前菜，好開胃😋韓雅林醬油蟹(1pc) $250————————————一件醬油蟹都夠肥美，夠晒我同朋友兩個人分🦀醬油蟹最緊要新鮮，餐廳表明每日新鮮製作，隻蟹爆晒膏，蟹肉鮮甜，陣陣醬油鹹香。餐廳送上牛油飯，個飯爆多麻油紫菜配上蛋黃，個人認為，醬油蟹拌飯食係個精粹🤤啖啖都好濃郁好香😋海鮮蔥煎餅 $138————————————超大份煎餅！超足料，蔥香滿滿，加上甜椒🫑仲有粒粒海鮮！煎餅好焦香，尤其係餅邊特別香口。香辣韓牛肉湯 $165————————————大大鍋又超足料！牛肉一絲絲，份量都頗多，配菜有金菇、蔥等等，配個白飯，好暖胃。Makgeolli米酒 $120————————————用壺上米酒好有feel🫖 酒精味唔會太重，有甜甜嘅米香，微微嘅碳酸氣泡感，好Smooth嘅感覺。

朋友帶到老字號韓國餐廳 「韓雅琳」餐廳裝修傳統韓國風格，餐廳店員大部分係韓國人，店員十分好會幫手燒肉，好似去到韓國有亞豬媽服務殷勤好快送上7碟泡菜醬油蟹配牛油飯（1隻）$280醬油蟹會送上紫菜飯，上碟有爆膏蟹非常吸引！醬油蟹蟹肉鮮味帶有微微醬油香，店員會幫手擠出蟹肉伴紫菜飯，伴飯入口非常鮮甜美味韓牛肉眼牛扒 $398店員會幫手烤肉唔會over cook，韓牛油花纖細且均勻分佈有如羽毛般的細緻，入口肉質有彈性嚼勁油脂豐富牡蠣石鍋飯 $188牡蠣石鍋飯係冬天限定，用特製鍋煲飯，上枱時打開鍋蓋，蒸氣會噴出，非常特別鐵鍋仲帶儀式感！新鮮牡蠣鮮甜，配上韓國米入口暖笠笠，加上少少醬油，說不出溫暖美味，非常適合冬天食最後店員雪糕糯米糍，為午餐畫上完美句號.Menu

食韓國嘢當然要搵返韓國人開嘅最正宗。今次到訪位於銅鑼灣嘅「韓雅林」，店內完美環原平時韓國菜嘅格局和設計，背景音樂播住韓國k-pop，加添代入感。醬油蟹$250韓國菜就必食醬油蟹，肉質顏色邊明有橙黃色嘅蟹膏就最新鮮。蟹肉和蟹膏最適合同同白飯一顏食，中和一下咸鮮嘅味道，餸飯一流呀。蜂窩五花腩 $168油脂分泌平均，首先燒香外層到半焦香，然後再剪開香烤一下。五花腩邊緣會食到香脆嘅口感，然後品嚐到濃厚嘅肉汁。海鮮煎餅 $138用咗多款海鮮香煎而成，餅邊緣同樣香脆，充滿咸鮮味。藥膳牛排骨湯$158湯身清澈唔會好油，飲落有濃厚嘅牛骨味道，又有藥膳嘅草藥香，好補身。

平時都好鐘意食韓國菜，今次朋友帶路去左呢間位於銅鑼灣廣場的韓國菜，環境闊落，坐得舒適，一坐底店員會送上多款前菜，泡菜、木耳、豆芽、茄子等，大滿足 醬油蟹一隻 醬油蟹啖啖肉又多膏，可以配上附送的牛油紫菜飯一齊食，自己好鐘意個醬汁，甜甜地唔會死鹹，值得一試泡菜煎餅大大個煎餅外皮脆卜卜，泡菜既份量好多，煎餅內裹入口軟諗，可以沾上醬汁食酸酸地好開胃泡菜湯好足料，湯內加入大量泡菜、豆腐、豬肉等配料，香而不膩，鐘意食泡菜既朋友仔不要錯過炸醬麵麵質彈牙有咬口，自己好鐘意個炸醬甜甜地好惹味，食既時候可以配上黃色酸蘿蔔一齊食有助解膩

傳統與創新的韓食交響曲 踏入韓雅琳，撲鼻而來的泡菜發酵香氣瞬間喚醒味蕾.招牌泡菜煎餅，以黃金脆邊奪目，外層酥脆如紙，內裡卻能嚐到泡菜的辣度含蓄地襯托出發酵的深邃，蘸上特調醋醬更顯層次，建議趁熱食用。 .早十幾20年香港仲未興醬油蟹，依家唔少韓式餐廳多人入韓國醬油蟹，香港的食客真是有福氣，韓雅琳的醬油蟹晶瑩蟹膏如琥珀凝凍，蟹肉經醬漬後呈現果凍質感，鹹甜醬汁完美滲透卻不死鹹，搭配牛油紫菜飯團的樸實米香，瞬間理解為何這道成為香港饕客的預訂熱門。 .壓軸的**韓式鮑魚人蔘雞**更是令人喜出望外，選用鮑魚增加海味鮮甜，湯頭浮著一層薄薄雞油卻異常清澈，人蔘香氣與紅棗的甘潤在喉頭縈繞，雞肚內的糯米吸飽精華，做得非常出色。.整體而言，韓雅琳在經典框架中巧妙融入港式細膩，但從餐具質感到服務節奏皆具高完成度，適合追求儀式感的韓食愛好者。

🦀醬油蟹(1pc) $250差不多每枱都叫既dish! 醬油蟹口感滑溜好多蟹膏 配上一大碗有牛油味既紫菜飯 仲有生蛋黃 撈埋一齊食每啖都係咸香鮮味 冇腥味/生味 好滿足!!🥩牛肋骨肉 $298牛助骨肉肉味濃郁 但比較瘦較有咬口 如果油脂分布多啲會更加好食 配菜杏鮑菇好鮮甜好多汁🥟煎餃子$98/4大隻 半煎炸既餃子漲卜卜脆卜卜 餡料有豬肉粉絲 每隻都好飽滿足料食完7小碟banchan 主菜份量充足 係銅鑼灣其中一個好選擇!!

傳統老字號 韓式懷舊裝潢 感受舊日韓國風情擺滿了韓國特產 有人蔘酒等環境寬敞 大卡位坐得舒適 還有VIP房🦋店員都是資深韓國人 也有外國服務員七款前菜開胃豐富 有泡菜 薯仔 茄子 芽菜 菠菜等 🦀醬油蟹🦀鮮甜的蟹肉x濃郁的醬香生蟹肉冰涼滑嫩 像在吃果凍 肉質細膩帶彈性吸飽醬汁後鮮味爆發 蟹膏creamy 濃郁 味道醇厚帶微苦 與醬油的咸甜形成對比 把蟹膏混入紫菜生雞蛋飯一起吃也太幸福了海鮮的甘甜帶一絲酒香 果然是米飯小偷 🍚🦀🥩烤牛排 雪花紋理分布均勻 柔嫩多汁 帶有牛肉天然甜味 絕對滿足肉食控的味蕾🐷烤五花腩燒至金黃後 油脂香濃 外皮酥脆 內層肥肉融化瘦肉嫩而不柴 肉汁飽滿 果然是韓國國民烤肉經典搭配燒酒 一流最後一人一粒雪米糍🦋滿足

銅鑼灣呢間韓雅林系一間幾傳統嘅正宗韓國餐廳，一般嘅韓國菜式基本上呢度都有，有肉類燒烤、鍋物、醬油蟹等等，部分餐廳職員都係韓國人，餐廳仲要播上K-Pop音樂，成個氣氛都沉浸喺韓國世界裡面咁！醬油蟹🦀每份醬油蟹都會配上一碗紫菜飯，呢兩款食物完全係Perfect match😍醬油蟹簡直係白飯小偷🍚蟹肉鮮嫩，爆哂橙色同黃色嘅蟹膏，連蟹肉同蟹蓋每一個角落都充滿蟹膏，好誇張😋醬汁嘅醃製鹹度亦到啱啱好，唔會過鹹或者太勁辣椒味👍🏻醬油醬汁滲透到每一個角落，令蟹肉嘅鮮味更加突出！烤牛排🥩牛排好大條，就算剪開後都足足系兩大塊牛排，肉嘅質素好出色，係我之前喺韓國食韓牛嘅味道🐮牛味濃郁，唔會好似和牛咁偏向油膩感，肉質亦都非常彈牙，經烤燒後仍然充滿肉汁！蜂窩五花腩🐷食韓餐一定要有烤五花腩😍 五花腩嘅肉質柔軟，脂肪同肉嘅分布均勻，咬下去果下肉汁四溢，好滿足。外層燒到帶有焦香感更加增添口感嘅層次！原味嘅五花腩，唔使經過任何嘅腌料，配上泡菜，呢種最正宗嘅韓式食法已經好美味！

呢晚同朋友一齊嚟咗呢間樓上韓國🇰🇷餐廳🍽️食晚餐🤣坐低冇幾耐就嚟咗幾碟韓國🇰🇷泡菜，基本上全部都幾好味😋$228「蔘雞湯」：雞仔唔係好大隻不過都算幾多肉，雞肉有啲啲咬頭🤣；雞湯熱辣辣，仲有人蔘同埋紅棗，想味道重啲就自己加啲淮鹽🤣$250「醬油蟹一隻」：醬油蟹🦀肉質滑脫脫蟹肉完全被醬油滲透所以有好香嘅醬油味，蟹身同蟹蓋都有蟹膏可以食🤩，我哋將紫菜飯加入充滿醬油嘅蟹蓋裏邊食，咁樣幾惹味🤣$150「辣炒豬肉石鍋拌飯 Spicy Pork Hot Stone Pot Bibimbap」：用咗豬肉片嚟整 Bibimbap 石鍋拌飯，辣辣撈埋韓國🇰🇷辣椒醬，變得辣辣哋甜甜哋，幾惹味🤣$98「韓式煎餃子🥟」：餃子大大隻脹卜卜，裏邊有肉碎同埋蔬菜仲好似有啲香蔥，餃子皮脆脆哋得嚟又有啲煙靭，整體好飽肚🤣食得飽飽嘅一餐🤣

🩷裝修得好靚，又近地鐵站❤️餐前有七款韓國小菜免費贈送！最鍾意喺菠菜同馬鈴薯小菜，清爽可口，芝麻油同醬油清新開胃，其餘嘅茄子木耳黃豆芽都唔錯！泡菜都有兩款，一款酸啲一款甜啲☺️🧡雜錦拌粉絲，碳水愛好者一定會鍾意！好香嘅芝麻油香，唔經唔覺就食晒！💛醬油蟹好多蟹膏，好新鮮嘅蟹肉，鮮嫩香甜，醃製得冇腥味。配上紫菜溫泉蛋拌飯，一流！💚藥膳牛排骨湯，雖然唔係好食到藥膳味，但見到有啲紅棗喺度，最抵讚係好多舊排骨，超級多肉，係我食過最多肉嘅排骨湯，奉送一碗白飯！🩵海鮮煎餅食到啲蟹肉同蝦肉，熱辣辣！唔會太油膩，但係煎得香口👍🏻

朋友話好想食醬油蟹，而我就知邊度可以食到最正宗嘅韓國風味!位於銅鑼灣一期嘅"韓雅林"就一定啱我朋友喇!呢度嘅醬油蟹係每日新鮮製作嘅!我哋今晚叫咗個醬油蟹套餐:✨️有醬油蟹1️⃣隻🦀 醬油鮑魚2️⃣隻🦪 醬油蝦2️⃣隻🦐 $408- 選用左韓國新鮮花蟹,蟹黃飽滿如鹹蛋黃,醃製後呈現晶瑩剔透的果凍質感。- 醬油鹹度適中,帶微甜,吾會蓋過蟹的鮮味,蟹肉一吸就即出,真係好過癮!- 而且醬油，鮑魚同醬油蝦都非常入味牽， 再搭配上紫菜做蟹蓋拌飯，真係要必試!🧇海鮮蔥煎餅$138- 煎餅係韓式街頭風味嘅美食，而呢款煎牌厚度適中,邊緣煎至金黃酥脆,表面鋪滿翠綠大蔥同海鮮料 ，有魷魚、蝦仁、蛻肉，口感豐富!🍲莞島鮑魚參雞湯$258- 本身屬於韓式宮廷滋補盛宴，湯面有兩隻大大嘅鮑魚，雞肉燉至骨肉分離卻吾柴,特別係大腿肉吸飽參湯嘅精華，湯底仲藏有糯米、紅棗同人參,真係每一啖飲完都覺得好補身!而且呢度地點非常方便，座位又寬躺，坐得好舒服；店員服務態度好好，絕對系值得推介嘅韓式料理👍🏻

跟朋友來了銅鑼灣銅廣場的<韓雅琳>吃晚餐，餐廳非常大，環境不錯，平日晚也挺多人光顧的。主要來吃這家是因為他有醬油蟹，我們點了一隻，上桌已開半，蟹殼上挺多蟹黃，混合紫菜蛋黃牛油飯一起吃一流，味道不會過鹹，挺鮮的，就是有點小貴。他家菜式選擇挺多的，烤肉、炸雞、參雞湯、 炒粉絲、炸醬麵，什麼都有！ 而且上桌時附上的韓式小菜有7碟，非常多！我們另外點了一個我最愛的辣炒豬肉，味道非常正宗，而且不會很辣。還點了一個醬油炒年糕跟蒸雞蛋羹，兩者都是相對味道比較清淡，拌點辣炒豬肉的醬汁一起吃非常棒！而且餐廳服務員其中一個是真正的韓國阿豬媽，很可愛！加上背景的k-pop音樂和掛牆電視播著知名韓國youtuber的吃播視頻，讓無法到韓國走一趟旅行的我也感受到韓風滿滿！

第一次嚟呢間位於銅鑼灣老字號嘅韓國餐廳。呢間原來喺銅鑼灣開咗好耐，今次終於可以同朋友嚟呢度食飯。因為我哋想食醬油蟹，所以一定要搵一間老字號，有保證的。入到去坐低，聽到好多食客講韓文，證明都好多韓國人去食。餐廳地方大，座位寬敞，有好多卡位，好舒服。⭐️醬油蟹好鮮味，醬油味唔會太重，醃得味道剛剛好，又多蟹膏，配上牛油紫菜飯一齊食，好好味。⭐️雪花牛肉，肉質好靚，好juicy, 有少少油脂香，牛肉味好濃郁，入口即溶。⭐️海鮮蔥煎餅，好香口，外面煎得一層薄薄脆脆的，入面好煙靱軟熟，口感豐富。總括嚟講，呢間韓國餐廳食物好正宗，好味。有咁多韓國人都嚟食，食物一定有保證。感覺好似去咗韓國旅行咁。員工服務態度都好好。

呢間拎米芝連級數既韓國餐廳裝修都好韓式，大大間好好坐。大推佢地既醬油蟹🦀叫一隻蟹已經包埋紫菜牛油飯，醬油蟹唔會好鹹，但係超級多膏，食到蟹嘅鮮味，軟腍腍鮮嫩嘅蟹肉超級好食，配埋蒜頭紅椒一齊去食，再加少少檸檬汁，更加鮮味😋蟹膏攞嚟撈飯，啖啖滿足！燒肉方面亦都有好多唔同嘅選擇，而且做緊一周年優惠❤️佢哋嘅烤牛肉好好食，本身已經有調味，薄薄一塊好似平時自己炒牛肉咁，燒幾燒已經食得，肉質好鮮嫩！另外佢哋嘅豬肩肉都係大大塊，夠晒厚肉😍燒到外邊焦脆入邊仲係軟腍腍嘅肉質去食就啱啱好！另外亦都有其他唔同嘅前菜小食，而且佢哋嘅湯都幾好飲，好似佢哋嗰個韓牛鮑魚雪濃湯淡淡地，但食到牛肉同鮑魚嘅鮮味，熱辣辣飲都幾舒服😌