樂天皇朝 (雅蘭中心)

Open Now

Now Closed

呢間餐廳環境好大，比一般餐廳既燈光柔和，個人覺得係舒服嘅。點左重頭戲既特色小籠包，一籠有8種味道，有原味、蒜香，絲瓜，蟹粉，芝士，黑松露、川味（辣)和鵝肝共8種口味，當中個人覺得蒜香味和川味最好味，因為其他都好淡，唔係好夠味😅特別係絲瓜唔知想點。不過作為打卡用既話係幾好既🐒反而個三絲春卷好好味呀，值得推介，可能係新鮮炸出來，真係好脆好香口。至於冷盤小食既素鴨都好好味，少少酸酸地好岩夏天食，好開胃。整體來講，一份錢一份貨，如果對食物要求不太高既話係值得試既餐廳。

其實間中都想食吓樂天皇朝嘅小籠包，今日就約咗朋友嚟呢度，順便同佢慶祝生日。門外已經有非常清晰嘅餐牌，就算要等位都可以睇定食乜。以今時今日嘅餐廳嚟講，呢間嘅規模都算幾大間，環境寬敞坐得舒服，約朋友嚟就啱晒。前菜花生栗子雖然並非名貴菜式，但佢嘅花生同栗子炆得好好食。嚟得呢度，一定要叫佢嘅特色皇朝小籠包，因為可以試晒八款唔同嘅口味。點菜後店員就會遞上說明書，建議由原味(白色)開始，再順序品嚐人參(綠色)、鵝肝(啡色)、黑松露(黑色)、芝士(黃色)、蟹粉(橙色)、蒜香(灰色)，最後係麻辣(紅色)。其實每一款嘅味道都好突出，而我尤其喜歡佢嘅蒜香同麻辣味，當然傳統嘅味道亦相當出色。另外我哋揀咗李白醉雞，去咗骨嘅醉雞啖啖肉，亦都充滿酒香，肉質鮮嫩令人回味。油麥菜除咗配豆豉鯪魚，原來配麻醬都一樣咁好食。麻醬油麥菜用一片好薄好薄嘅青瓜捲住新鮮嘅油麥菜，方便蘸麻醬進食，清新之中帶點芝麻香。最後叫咗份主食，鮮蝦抄手拌麵總共有四大隻鮮蝦抄手，鮮蝦非常爽口，而佢嘅醬汁帶有酸、麻、辣嘅味道，真係非常醒胃。原來下午茶時段仲有六折優惠，下次攞半日假嚟可以嘆吓佢嘅下午茶。

小妹今次去左旺角, 目的係食小籠包! 於是就黎左呢間"樂天皇朝" 由於係晚飯時間又冇BOOK位, 等左45mins 先有位 食既都係傳統上海野 小食同茶, 一坐低就有, 都幾好食 招牌小籠包($62): 皮薄仲有好多汁，小妹一唔小心就整穿左 湯汁鮮味 酸辣湯拉麵 ($65): 份量算多, 味道正常, 略嫌配料唔夠多 菜肉雲吞湯($55): 雲吞同小 籠包一樣都做到皮薄, 湯清甜 香辣蒜泥白肉($68): 唔洗怕佢好辣, 雖然白肉上面好多辣蒜泥, 但都只係好香口, 而唔辣, 怕辣既朋友仔都可以食. 中間仲包住青瓜絲, 有種好清新既感覺, 呢碟蒜泥白肉, 可以成為小妹既TOP 3 呢間餐廳, 小妹一定會再黎食, 價錢, 食物, 環境都不錯, 不多就要等得耐左D

我愛吃小籠包，而初踏秋季，更令我心癢癢，於是約朋友黎食食入口的小籠包正好符合巨地既宣傳單張，皮薄多汁，不肥膩，相當喜愛，只是欠了少許的Q彈感覺，卻有點美中不足前菜系花生和粟子，都是入季的食物。海哲頭份量十足，但口感稍為偏 UN 皮這兩款菜式味道一般，而四季豆上菜時並不熱騰騰，彷似放了一段時間😂😂 。蘆薈和桂花的味道都被🍋味搶洒，反之巨地推介的驢太滾卻味道可口，感覺好像食緊糯米糍並口感更豐富和軟綿綿整體來說都是一般

位於旺角雅蘭酒店嘅樂天皇朝， 最出名嘅就係八色小籠包， 今日有幸同好姊妹一齊嚟朝聖， 由於晚飯時候經常客滿， 大家記得要預先訂枱啊~小食榨菜，我稱之呢個為屈機榨菜，每枱都有一碟，唔識欣賞既人可能惦都唔會惦，佢有一陣好獨特既香料味，呢隻香料味經常會喺川菜裏面食到，有少少似荀嗰陣味，鹹鹹噏噏；配合住脆身既口感，我地食到照哂鏡。重慶紅油鮮蝦抄手，紅油抄手幾乎係我每一次去食上海嘢嘅 must 嗌 item，今次呢度有得揀唔係好多地方有嘅鮮蝦抄手，梗係要嗌嚟試下啦；抄手紅油夠香夠辣，味道恰到好處；有蝦喺抄手入面嘅好處係令到成粒抄手都爽口咗好多，我覺得比起普通豬肉抄手口感更好。李白醉雞，由於好驚被分派到雞背既關係，嗌之前掙扎左好耐究竟加唔加10蚊轉做雞髀，最後心諗都俾左78蚊啦，都唔爭在啦，好彩都值回票價，雞髀啖啖肉就唔洗多講，難得連能到既兩舊胸部都異常咁嫩滑，件件都充滿花雕酒香，係近幾次出街嗌醉雞嚟講最好食既一次。無錫鮮肉鍋貼，呢個鍋貼上到枱既時候都仲係辣口架，小心咬開脆卜卜既外皮，裏面既湯汁仲多過小籠包， 底部煎得夠曬金黃香脆， 如果要挑剔既話，我諗個皮薄啲會更加好。皇朝小籠包， 呢個招牌小籠

記得之前去食小籠包，比佢八隻味吸引左嚟。可惜當時成班朋友，只食到一隻味道，當然唔夠喉，今次兩個人去食，起碼食到另外四隻味！今次去左旺角分店，同銅鑼灣店一樣咁大，門外亦都好多人等位。餐廳都係有番相同既食物。前菜小食都係我鐘意食既呢碟。特色王朝小籠包(八色) $98原味，人參，鵝肝，芝士，麻辣，蒜香，蟹粉，黑松露，一次過可以試到八隻味。雖然成日食小籠包，但係一次過食咁多種味道真係第一次，實在值得一試。一如所料，小籠包皮薄，湯汁飽滿又不油膩。成都口水雞 $78怕辣人士未必岩食，因為呢個口水雞都真係幾辣。雞肉多而且夠嫩，每一啖都好刺激好惹味。無錫鮮肉鍋貼 $32鍋貼煎得香口，入口啖啖肉，咬開鍋貼有肉汁流出。老田家菜肉雲吞湯 $52湯底都幾清甜，菜肉雲吞皮夠薄，入口舒服，內裡有好大舊豬肉餡。清炒白菜苗 $62菜既份量都幾多，白菜苗全部細細件，食落都幾新鮮，仲有少少草青味。雪菜蝦仁炒飯 $78飯粒分明，望落似日本米，口感唔錯。用上雪菜蝦仁炒，感覺健康，蝦仁爽口，炒飯整體唔算好油。滋補薑菜湯丸 $28天寒地凍，食湯丸就岩晒。重薑味的湯丸糖水飲完勁舒服，湯丸大粒又多芝麻餡。今次終於一嘗所願試多幾隻味，

每次經過雅蘭商埸-樂天皇朝，門口經常見到有人等位，而門面裝修得唔錯，都想一試由於今天日間尚早（6:30），所以可以直接入餐廳餐廳裝潢以木為主，富有中國特色前菜都唔馬虎，有粟子及花生醋醬海蜇頭，海蜇頭切成一片片，食落爽脆，黑醋味濃，開胃小食麻醬油麥菜，未食先加分，賣相好靚，油麥菜清新鮮甜，配埋麻醬，perfect match白灼秋葵，雖然用左白灼煮法，加左少許醬油，已經能將鮮味帶出椒鹽小黃魚魚既size 一啲都唔少，上枱時嚇左一跳黃魚表面微脆，魚皮好香又唔太鹹，魚肉十分鮮美，好滑，

今天來了旺角一家中餐廳開會，這家樂天皇朝，在門口的時候，已經給我一個很好的感覺。這裡的點心紙非常簡單，好似鼎泰豐，南小館那張紙。前菜小食有這款紅油抄手的味道不錯，紅油不太辣這裡最有特色的，就是這個多款口味的小籠包，原味加另外7款味道，果然非常特別。