Video
Read full review
2017-10-12
223 views
位於旺角雅蘭酒店嘅樂天皇朝， 最出名嘅就係八色小籠包， 今日有幸同好姊妹一齊嚟朝聖， 由於晚飯時候經常客滿， 大家記得要預先訂枱啊~小食榨菜，我稱之呢個為屈機榨菜，每枱都有一碟，唔識欣賞既人可能惦都唔會惦，佢有一陣好獨特既香料味，呢隻香料味經常會喺川菜裏面食到，有少少似荀嗰陣味，鹹鹹噏噏；配合住脆身既口感，我地食到照哂鏡。重慶紅油鮮蝦抄手，紅油抄手幾乎係我每一次去食上海嘢嘅 must 嗌 item，今次呢度有得揀唔係好多地方有嘅鮮蝦抄手，梗係要嗌嚟試下啦；抄手紅油夠香夠辣，味道恰到好處；有蝦喺抄手入面嘅好處係令到成粒抄手都爽口咗好多，我覺得比起普通豬肉抄手口感更好。李白醉雞，由於好驚被分派到雞背既關係，嗌之前掙扎左好耐究竟加唔加10蚊轉做雞髀，最後心諗都俾左78蚊啦，都唔爭在啦，好彩都值回票價，雞髀啖啖肉就唔洗多講，難得連能到既兩舊胸部都異常咁嫩滑，件件都充滿花雕酒香，係近幾次出街嗌醉雞嚟講最好食既一次。無錫鮮肉鍋貼，呢個鍋貼上到枱既時候都仲係辣口架，小心咬開脆卜卜既外皮，裏面既湯汁仲多過小籠包， 底部煎得夠曬金黃香脆， 如果要挑剔既話，我諗個皮薄啲會更加好。皇朝小籠包， 呢個招牌小籠
小食榨菜，我稱之呢個為屈機榨菜，每枱都有一碟，唔識欣賞既人可能惦都唔會惦，佢有一陣好獨特既香料味，呢隻香料味經常會喺川菜裏面食到，有少少似荀嗰陣味，鹹鹹噏噏；配合住脆身既口感，我地食到照哂鏡。
前菜
23 views
0 likes
0 comments
重慶紅油鮮蝦抄手，紅油抄手幾乎係我每一次去食上海嘢嘅 must 嗌 item，今次呢度有得揀唔係好多地方有嘅鮮蝦抄手，梗係要嗌嚟試下啦；抄手紅油夠香夠辣，味道恰到好處；有蝦喺抄手入面嘅好處係令到成粒抄手都爽口咗好多，我覺得比起普通豬肉抄手口感更好。
10 views
0 likes
0 comments
李白醉雞，由於好驚被分派到雞背既關係，嗌之前掙扎左好耐究竟加唔加10蚊轉做雞髀，最後心諗都俾左78蚊啦，都唔爭在啦，好彩都值回票價，雞髀啖啖肉就唔洗多講，難得連能到既兩舊胸部都異常咁嫩滑，件件都充滿花雕酒香，係近幾次出街嗌醉雞嚟講最好食既一次。
李白醉雞
23 views
0 likes
0 comments
無錫鮮肉鍋貼，呢個鍋貼上到枱既時候都仲係辣口架，小心咬開脆卜卜既外皮，裏面既湯汁仲多過小籠包， 底部煎得夠曬金黃香脆， 如果要挑剔既話，我諗個皮薄啲會更加好。
6 views
0 likes
0 comments
皇朝小籠包， 呢個招牌小籠包有八種口味， 分別係原味、人參、鵝肝、黑松露、芝士、蟹粉、蒜香、同麻辣。 每種口味都相當特別， 而且顏色非常繽紛。 小籠包嘅皮顏色全部採用天然食材提煉而成， 夠晒健康。
10 views
0 likes
0 comments
小籠包皮薄餡靚， 湯汁又多， 餡料豬肉嫩滑， 由於每籠小籠包都新鮮蒸起， 食嘅時候小心淥親嘴呀~
12 views
0 likes
0 comments
係宏宏嘅小籠包入面， 我最鍾意就係黑蚊蚊嘅黑松露小籠包， 同埋紅噹噹嘅麻辣小籠包。 黑松露小籠包香氣十足， 麻辣小籠包花椒味温和，小麻小辣， 隨個人口味， 我從加咗少少辣椒油去提升辣度添~
黑松露小籠包
31 views
0 likes
0 comments
麻辣小籠包
22 views
0 likes
0 comments
蟹粉豆腐，蟹粉豆腐鮮味無比，蟹粉既份量又夠多，豆腐重要係勁滑溜嗰隻，愛酸既我鐘意加少少醋提鮮，就好似食大閘蟹一樣，滋味滿足。
14 views
0 likes
0 comments
擂沙湯丸，曾經喺B仔食過我認為最好食既擂沙湯丸，不過唔知點解近幾次佢無再做呢隻粉塵般既擂沙湯丸，換嚟隕石般咁大粒既花生碎鋪面，跟本就係變左有芝麻餡既糖不甩，為此我無再食佢喇，亦都傷心左好一排；但今次見餐牌上面張相咁熟悉既，係我至愛嗰隻粉塵級喎，我即刻忍唔住嗌嚟試試，結果絕對無令到我失望，呢度既湯丸更加煙靭彈牙，內餡既芝麻味更香更濃，當然唔少得重中之重既花生粉塵啦，令我尋回B仔的滾動，甚至比B仔既更勝一籌，呢度既粉塵除左花生味之外仲食得出有其他既味道，是黃豆粉嗎？我很想知道。
9 views
0 likes
0 comments
12 views
0 likes
0 comments
最後不得不讚部長姐姐靚女又醒目，有次當我想加茶既時候，我只係係咁咦抬起個頭搜索一下侍應，佢經已秒回我既眼神，仲要唔洗講野就幫左我加茶，服務十分之周到，大讚~
Post
