丸十日本食堂 (Closed)

星期五shopping 後要醫肚，周圍都排隊，最後搵到呢間丸十無人喺外面等（不過入面都坐滿晒），就去試一試！由於一個人，好快可以安排入座bar枱，我仲坐正出餐位添😂一個人叫唔到好多嘢食，於是就試下啲丼，平時好少食丼嘅我睇中咗北海丼，因為好似乜都有啲咁😋到上菜時真係心心眼😍😍😍，睇落好新鮮，色澤好靚，加上好肚餓，就快快開餐！如圖所見，除咗有四款魚刺身🐟，仲有海膽、帶子、蝦🦐，同埋拆咗殼嘅蟹肉碎🦀，仲有魚子，全部都好新鮮！先試帶子，既大件又有口感，鮮甜🥰，唔捨得地慢慢分開食🤭然後我最愛嘅海膽真係鮮甜到一個點👍🏻真係覺得似喺日本食果啲新鮮海膽咁正😍而且比我想像中份量要多，我可以夾到四五舊出嚟🤤幾款魚刺身都係好新鮮，仲有好香魚油，配埋少少wasabi食，唔洗點豉油都好好味！🐟🦐蝦都唔細隻，新鮮淡淡肉👍🏻蟹肉鮮甜，不過有啲殼拆得唔夠乾淨，要食得小心啲（小小瘕疵），而魚子一向唔係我favour，不過呢度呢啲我都食晒🤭🤭值得一提係，啲米飯應該係混咗醋同甜鼓油，就咁無嘢送都好好食呀，見到有網友話啲飯好硬，好彩我呢碗又無咁嘅情況吖🥰見到個餐牌有啲其他貴價既選擇，食完呢個北海丼，有信心果啲貴價丼應該會更好

睇食評好似好吸引，為左個牛而黎試，味道係幾香，食落ok,  但寶物同menu同食評相不符，仲已經加左10蚊，質素反而差左，只可以講句失望，唔會想再幫襯下一次。$158，（相片左邊食過，但睇過menu就知有幾唔同）除左海膽一般，整體正常，$178

等朋友放工食飯，最快莫過於係佢放工位，而新都會一向都喜歡過來，知道有新店開即到試試🤭🤭地方很有日本食堂feel 唯一就是地方濶落很多呢食物種類算多喎，丼係其中之一主打，北海丼最啱食，海膽creamy 又吾腥，赤蝦新鮮，色澤鮮潤三文魚，帶子，蟹籽，非常足料，$158扺食，而且飯㡳已入味，份量大！清清地野菜鳥冬不錯，蔬菜爽甜，湯底濃郁，無肉都咁正😌😌雞之盛宴有5串，好似日本食開個D咁，雞味濃，碳焼香口，淋上自家製醬汁，好惹味😛另外再叫左炸軟殻蟹卷，同雜錦天扶良，兩樣都比預期好味，尢其軟殻蟹又香又脆，面頭仲有大大粒三文魚籽😎😎真係好多三文魚籽呀😍😍外相已經100分☺️☺️每人食二百蚊松D已經好飽，而且質素很不錯，又好坐，最緊要都係服務殷勤有禮👍👍

最近睇報紙見到新都會廣場原來係裝左修，新增左好多唔同類型嘅食肆。今日趁有時間得閒就同朋友去一試究竟。朋友俾啲一間食肆嘅門面，同埋𥚃面嘅環境吸引左，就入咗去食日本野啦。一打開餐牌，佢係食丼飯，同埋其他日式料理為主，一於就樣樣都叫啲啦！北海丼 $118貪佢有幾種唔同嘅刺身樣樣都食到一啲，刺身晶瑩通透十分之新鮮，份量都絕對不少，米用上日本精米。味道方面，吞拿魚腩蓉入口即溶，松葉蟹肉一梳梳，蟹味豐富，不錯。澳洲和牛烏冬 $138用上了精選和牛，入口即溶，牛肉味濃郁。唔好睇佢好似好生咁，入口剛剛好。而烏冬方面湯底濃厚，配似流心雞蛋。燒三文魚頭 $78燒到卜卜脆，非常香口，不太油膩，健康之選。雞軟骨餃子 $38形狀同普通嘅餃子唔同，是棒形的，煎得十分香脆，內裏鬆軟。抺茶丸十芭菲 $78淨係賣相都值得order了，綠茶味香濃，配上穀物脆，入口感覺非常特別。味道不太甜，感覺很好。

黎葵芳行街買衫, 太耐無黎, 原來開左咁多間新餐廳見有間日本餐廳好似幾吸引, 係朗豪坊開先, 葵芳呢間係分店趁新開, 就入去試一次餐廳入面好闊落好大野食都幾多, 刺物, 燒物, 串燒, 丼飯等都有齊, 仲有特別d 既壽司漢堡北海丼, 食材鋪滿遮蓋白飯, 有鯖魚, 三文魚, 油甘魚, 蟹肉, 蔥吞拿魚蓉等, 每款一件款款食材新鮮度十足, 刺身油脂甘香, 另一特色係米飯, 粒粒分明, 口感軟熟, 就算凍左都帶些少甜味睇返餐牌介紹, 原來餐廳好重視用既白米, 全部都係來自日本, 係餐廳內進行「精米」的工序, 係香港第一間「當店精米」既餐廳, 每季會用最當造最優質既白米俾客人, 香港人個胃真係幸福海膽天婦羅將海綿般既海膽炸成唔會散既天婦羅, 師傅炸功好, 炸粉脆而薄放入口後海膽即溶, 味道鮮甜, 同就咁食海膽截然不同, 可以蘸天婦良汁或搽茶鹽除左有海膽天婦羅, 我亦好欣賞旁邊扇形既脆片, 應該係用麵條炸成鰻魚玉子燒我平時好鍾意食玉子燒, 今次要試下鰻魚版, 將蒲燒鰻魚包係蛋捲內, 蛋香鰻魚香交錯, 幾好味海洋之盒, 海洋即全部係海鮮, 包括鯖魚, 廣島蠔, 鰻魚, 大蝦, 原隻帶子鯖魚肉質唔錯