海陽。居酒屋

Open Now

Now Closed

今晚嚟同細妹慶祝生日專登嚟新商場試新嘢～1. 海鮮日式茶碗蒸蛋都滑，入面有一粒菇一粒蝦，好似仲有一粒蜆，全部都超細粒2. 玉子燒好甜，但原來係凍嘅我地鍾意食熱嘅玉子燒多啲3. 上壽司盛（九件）正正常常4. 牛油果軟殼蟹卷都係正正常常，唔錯5. 燒牛脷幾好味，易咬的6. 月見雞肉棒雞肉麻麻地，我地都覺得好咸7. Kaiyoの卷唔錯，好多料，有三文魚籽、海膽、吞拿魚同玉子8. 季節天婦羅盛都炸得ok，蝦頭炸得好脆9. 北海道十勝豚肉丼豚肉咸咗少少但係配飯食都好味而且都多豚肉～少少肥，可以接受我地帶咗蛋糕嚟切，切餅費$250總括嚟講呢間餐廳係正正常常，唔會有咩特別嘢喺新k11裡面嚟講價錢唔算好貴，值唔值就見仁見智

啱啱去完日本旅行 今晚就去左係k11 Musea一間環境好舒適嘅日本餐廳食晚飯🥳 我哋坐梳化位 對住吧枱 好有日本風格👍🏻 佢哋食物嘅選擇都幾多 睇到我哋花都眼亂 我哋就叫左一個一人前套餐同散叫咗d小食😊 經典一人前已經有好豐富嘅野食 包括御付既迷你漬物盛同明太子沙律 酸酸甜甜好開胃 然後就係油甘魚柚子醬油刺身 柚子醬油味道好特別 加上油甘魚刺身都幾好味😋 接落嚟有季節天婦羅 包括花竹蝦 日本沙椎魚同野菜 除咗平時嘅天婦羅汁 仲有三款鹽比你點 個人都比較喜歡點鹽 更香脆可口👍🏻 海鮮茶碗蒸材料好豐富 入邊有蝦 雞肉 魚蛋 冬菇等等蛋蒸得好滑👅 煮食係迷你和牛海膽丼 份量比較迷你 不過和牛質素很好 加上醬汁調味 好吸引😚 食完咁多嘢仲有味噌湯同抹茶雪糕 雪糕綠茶味道濃郁😋除咗一人前我地仲叫左火炙三文魚壽司 脆炸雞軟骨 燒牛舌串燒 燒煙肉萵筍串同北海道十勝豚肉丼🤤 火炙三文魚壽司係我既最愛 燒完魚油好香 壽司飯大小適中👍🏻 脆炸雞軟骨熱辣辣好香口😋 燒牛舌串燒好出色 調味好 牛舌有咬口 仲好juicy🥳 燒煙肉萵筍串都唔錯 包住萵筍配搭幾新😛 北海道十勝豚肉丼豚肉非常多 肥瘦適中 每塊都

在1 個月前，跟一班新知舊友走到尖沙咀新商場 K11 Musea 的日式居酒屋 <海陽。居酒屋> 食晚飯！位於流行手袋店 Tumi 對面及意大利餐廳 Velo 隔離！門面招牌是其英文名 KAIYO Beyond Izakaya！當日 25~29度，涼涼地帶有秋意很舒服呢！踏進這間居酒屋，裝潢以紅色為主的獨特風格，樓底高，加上餐桌之間有足夠空間感，不會有壓迫感！ 另設有 VIP 房自成一角！私隱度高！和風餐具供應多元化的日式美食，刺身及熟食也一應俱全！ 屬中價，以地段來說價錢合理！手榨西柚冰茶 $58未加入鮮榨西柚汁之前，口味頗甜， 加入自己手榨、酸中帶澀的西柚汁後，甜度變得平衡，入口酸甜有致！視乎個人喜好，不停再榨汁倒入！可以添起碼3次，好似飲極都飲不完！牛油果軟殼蟹卷 $78口味清淡的牛油果，可突出軟殼蟹本身的鮮味！即叫即炸，軟殼蟹口感微脆鮮香！天婦羅盛 $238我食了蝦天婦羅，炸漿薄粉又香脆，蝦爽口帶鮮味！ 並配上3款特色鹽！燒牛脷 $68厚切的牛舌，爽口之餘，又不會有腥臭味，簡單加上鹽，已經提升鮮味！燒白鱔 $78燒白鱔肥美又鮮味，入口爆汁！ 況且，魚皮脆身！內外

今次同朋友去咗新開嘅K11 Musea，呢到啲裝修真係好靚，而我今次嚟食嘅呢間居酒屋，入面嘅裝修都好有格調。位置方面我坐咗喺吧枱，可以睇到壽司師傅點樣去整，見到壽司師傅喺到不停咁整壽司，好吸引嘅情況下，我都叫咗兩款。上壽司 $328 入面有九件，包括咗赤身、燒左口魚邊、油甘魚、深海池魚、三文魚、牡丹蝦、帆立貝、三文魚子等，左口魚邊油香突岀，赤身魚味濃郁，帆立貝厚切肥美，各樣都好新鮮。Kaiyo特色卷 $328 齋睇賣相都為之一振，好澎湃嘅份量，滿滿嘅海膽、吞拿魚蓉、三文魚子，好豪華，入口又肥美又creamy嘅感覺，夠哂鮮美。北海道十勝豚肉丼 $198 份量十足，肉質鮮嫩，口感一流，兩個人share份量啱啱好。月見雞肉棒$58 汁燒得好入味，配上流心蛋做醬 ，令到雞肉棒有更豐富嘅味道層次。燒煙肉萵筍卷 $38 蒿筍爽口，可以一解煙肉嘅油膩感。玉子燒 $68 好可愛嘅版本，雖然價錢有點貴，但食落比平時嘅玉子燒更有層次，口感更嫩。西柚冰茶 $58 餐廳會畀埋半個西柚你，等你可以再添果汁，自己調節酸甜度，好貼心。富士山柚子梳打 $68 味道清甜，但感覺上鮮榨果汁好似抵飲啲。需加一服務費，埋單2

最近最矚目嘅就係尖沙咀嘅K11musea新商場，我同爸爸都唔執輸朝聖一下，商場裏面都開咗很多食肆！簡直會令人有選擇困難症。其中我哋見到一間海陽居酒屋！就人左去試下。居酒屋裝修很有格調，入到去令人好放鬆，服務員很有禮貌，專業嘅態度令我對餐廳好感度加分。我哋叫咗北海道帆立貝壽司，鯛魚壽司和火炙比目魚邊壽司。首先帆立貝厚肉鮮甜，絕對對得住價錢。而火炙比目魚油脂豐富，比目魚邊入口即溶，令人驚艷。月見雞肉棒（$58) ：雞肉棒皮薄肉嫩，鷄肉味濃郁!!原來餐廳使用了日本的走地雞肉，再加入洋蔥粒，雞軟骨碎等等攪拌而成。雞肉棒口感香脆可口。蘸上日本北海道雞蛋吃，滋味無窮。北海道十勝豚肉丼（$198）：十勝豚肉丼每塊都肉質鬆厚，味道帶點鹹鹹甜甜的。厚實但軟嫩的豚肉味道濃郁，豬肉的甜味在口中慢慢散開，帶有一少少油脂很適合下飯也非常美味！靜岡蜜瓜（$98)：店員先將蜜瓜平均切好再上碟！蜜瓜爽甜多汁，甜度很討好！簡直令人一食愛上！這蜜瓜為這頓晚餐錦上添花，令人好滿足。

人人都講緊K11 Musea，我今晚終於約到朋友收工同我去，呢度真係超靚。行到差唔多就去食飯，我地睇中左呢間Kaiyō，食日本野。呢度裝修超grand，有二至四人枱，有吧台，仲有一間豪華包房可以坐8個人。<田園野菜天婦羅>（$88）呢個都幾大份，有好多款野菜，有南瓜、蕃薯、粟米仔、橄欖、青椒仔、本菇。炸得好酥又唔會太油，點啲天婦羅汁再加啲蘿蔔蓉，好滿足。<芝麻炸雞翼>（$68）呢個加啲檸檬汁味道好正，上面灑上芝麻，皮脆肉嫩，食落夠脆口。<燒煙肉蘆筍卷>（$38）蘆筍刨成長方體，由燒到出曬油既煙肉包住夠曬有味，口感都一流。<燒秋葵>（$38）有四條咁多，夠曬抵食，唔會燒得過老，口感依然爽，而且唔會好似平時煮左咁黐立立。<燒豬肉餃子>（$68）呢個有五粒，都幾抵食，味道更非常高質。外皮唔會燒得太硬，食落唔單止夠曬豬肉味，仲爆汁添！<牛油果軟殼蟹卷>（$128）呢個性價比超高，個樣更打卡一流。牛油果creamy，軟殼蟹分量唔少，仲幾脆口。食落口感同味道都好豐富！<三文魚親子丼>（$

三文魚籽壽司就多數都好食的。個wasabi應該係現磨山葵泥，辣而不攻鼻，個人喺日本食過，幾喜歡山葵泥的清香~上菜時間有啲慢，食完個壽司之後等左5個字左右啲飯先上，食完飯個燒雞翼都未到😂兩個丼都有啲失望，個飯唔熱，有啲一Pat pat 太水了，份量對於女仔黎講啱啱好，但男朋友表示太少。豚肉肥瘦剛好，切得都算厚，幾有咬口，個醬汁好好味好香，但都係覺得唔值哩個價。鰻魚就都算不錯，油脂豐富，夠入味，都係衰係個飯度...同埋啲汁集中曬喺中間有啲偏咸個雞翼最後懷疑係漏左單...我地cancel左。男朋友完全唔夠飽😐環境&服務：環境氣氛加返少少分～環境比較暗，好有情調，好乾淨舒服。音樂好chill，西日合壁，黎食Sashimi/Sushi再飲野應該不錯的。仲有個新張優惠價$698 食omakase，哩個都有興趣下次黎試，俾多次機會佢。侍應們個個都好好笑容，好有禮貌。