金鶴拉麵 (澳門逸園中心) (Closed)

金鶴拉麵主打雞白湯底，全港有5間分店，十分方便✨今次黎到最新銅鑼灣分店，店內充滿和風感覺，佈局優雅舒適🇯🇵迫不及待啦！定番ラーメンをください！🍜❥ 極濃雞白湯拉麵（$138）極濃版本採用原隻雞熬煮8小時而成，乳白湯汁濃厚鮮美，對比主流豚骨拉麵更為淡麗～配料方面亦好豐富，先有上枱就好奪目嘅炸牛蒡，口感微脆微韌，浸落湯食又係另一番滋味。另外兩款肉類亦都好吾錯， 雪白雞肉軟冧易入口，豚肉叉燒肥瘦均勻帶肉香。溏心蛋濃郁流心又有鰹魚香。❥北海道濃厚蟹湯拉麵（$138）蟹湯都好出色🥹🫶🏻精華湯底濃而不鹹，啖啖鮮甜美味，而且蟹肉份量毫不吝嗇，絲絲蟹肉融入口腔，令我好著迷❣️加上麵條彈性十足又掛湯，麵同湯完美結合再呈現✨❥雜錦串燒拼盤（$188）拼盤串燒一共8款，分別有免治雞肉、黑豚肉腸、雞軟骨、豬頸肉、五花腩、雞腿肉、雞腎、雞中翼各一串🍡全部火喉都控制得好恰當，鹽香亦調味更顯食材原味。特別推薦係免治雞肉👍🏻微甜燒汁輕輕掃過表面，雞肉鬆軟嫩滑，脆骨混合係入面口感過癮。另外五花腩都好好味，油脂經燒製後所剩無幾，所以肥肉部分食落不會油膩，仲好有鹹香🐽

通常拉麵店都只係有拉麵同餃子等小食，呢間「餐廳有蒲燒鰻魚飯、串燒、各款日式料理等等… 木條子裝修特別有日式風格～活燒蒲燒鰻魚飯 $238鰻魚燒到好香，火候控制得啱啱好，燒到好靚～ 肉質嫩滑鮮美，幾厚身，肉質唔會好淋好肥，結實有咬口有彈性～ 定食附送麵豉湯同芥末八爪魚前菜～ 採用珍珠米，粒粒晶瑩剔透，特別有咬口～北海道濃厚蟹湯拉麵 $138蟹湯非常濃厚鮮味，配埋新鮮鮮甜蟹肉，充滿蟹嘅鮮味～ 麵身煙韌爽口，吸收咗湯汁嘅精華～ 配料仲有慢煮叉燒同糖心蛋，糖心蛋糖心效果恰到好處，蛋味香濃～ 慢煮叉燒肥瘦適中，好大塊汁燒原隻魷魚筒 $108原隻原汁原味，燒到好香，配上特製燒汁好惹味又唔會太鹹～ 入口鮮味，肉質爽口唔韌～

之前行過旺角地鋪見到，已經想試下～誰知銅鑼灣開了分店，好耐冇食拉麵了，收工一於同朋友一齊試下！極濃. 雞白湯拉麵 $138✨餐牌寫住「店長推介」～果然沒有失望😋湯底濃郁，呈奶白色~原來用左原隻雞熬製6-8小時以上，難怪每一啖都沾上滿滿膠原!✨另有兩塊雞胸肉&兩塊豚肉，意想不到雞胸竟然可肉質嫩滑👍值得一讚✨令我最有驚喜就係炸牛蒡，第一次食，口感香脆！北海道濃厚蟹湯拉麵 $138✨蟹肉多到尤如一座山😍上枱後，第一個動作先飲啖蟹湯～嘩，充滿鮮甜蟹肉味✨蟹肉完全沒有雪味，而且拉麵彈牙，配埋溏心蛋～回味無窮！牛肉海鮮拼盤$268✨牛柳，牛舌，鰻魚，帆立貝，虎蝦，煙肉蠔卷各一串～朋友最愛牛舌，燒到剛剛好，夠爽口✨即叫即燒～要俾少少時間等待！✨鰻魚厚肉，虎蝦惹味！💓店員有禮，非常細心💓地點方便，鄰近地鐵站💓店舖整齊衛生，空間感大💓繁忙時間都比較多人，多人用餐建議先預約

之前係日本食過一次雞白湯拉麵令我印象深刻，不過香港就無乜機會食到，聽講金鹤拉麵嘅雞白湯都好正，星期日同媽咪銅鑼灣shopping 就順道帶佢試下。極濃雞白湯拉麵用原隻雞烹煮8個鐘以上，呢個雞白湯同我嘅腦海中回味嘅印象一樣咁好味。濃、厚、香👍🏻出名鍾意食雞嘅媽咪，飲一啖已讚口不絕🤭奶白色嘅湯底入口香甜，緊接係一股濃郁嘅雞味，膠質好重，好似飲緊花膠湯咁🤤係天然嘅骨膠原呀！令人驚艷嘅重有厚切雞肉，媽咪話做左幾廿年人，都未食過咁嫩滑軟熟嘅雞胸肉🤣配料有荀，木耳，溏心蛋同炸牛蒡。炸牛蒡一定要趁脆食🤘🏻堅正北海道濃厚蟹湯拉麵北海道直送嘅花咲蟹湯，一個字，鮮！重有拉麵上一堆份量十足嘅拆好嘅蟹肉，每一啖都食到蟹嘅精華。拉麵質地爽滑掛湯，偏粗彈牙，食到尾都無變淋，神奇🤗為食兩母女，見到串燒推廣忍唔住叫左個串燒拼盤🤣優惠價$168就食到五花腩、豬頸肉、雞軟骨、黑豚肉腸、雞腿肉、雞腎、免治雞肉同雞中翼各一串，真係太抵啦🤩🤩串燒全部即叫即燒，簡單鹽燒，新鮮熱辣。個人心水: 五花腩👍🏻雞腎👍🏻同燒到外脆內juicy嘅雞中翼！銅鑼灣分店環境同服務都好好，又多一個shopping完嘅充電好去處🤗