十三少 (Closed)

上次朋友食過十三少嘅酸菜魚之後一直對佢念念不忘。咁啱呢排天氣都凍咗，晚餐就約朋友食酸菜魚。今次方便居住港島的朋友，相約到堅尼地城分店用餐，雖然地理位置不算方便，在港島綫尾站，但餐廳距離地鐵站5分鐘左右。餐廳外表很有古建築的風格，內部裝修亦非常古色古香，雅致幽雅。<二人邂逅滋味餐> $388呢個二人嘅滋味餐好抵食，三個人分享都得。除咗有小菜之外仲有得食蟹飯同埋酸菜魚，適合選擇困難症人士。蒜泥青瓜小菜可以三選一，今次就試一試佢嘅蒜泥青瓜，青瓜醃得好入味，碎蒜俾得好足，爽脆開胃。十三少蒜香荷葉蟹飯份量充足，兩隻蟹擺盤吸睛，仲鋪滿唔少蔥花，蒜香味突出，打開個蟹蓋見到大量嘅蒜蓉粒，將所有配料攪勻一齊，蟹嘅鮮味同埋荷葉嘅清香撲鼻而來。十三少酸菜魚主角當然喺酸菜魚啦，試過不同餐廳酸菜魚，十三少會是我地會返黎再食既餐廳，好鍾意十三少既酸菜魚。今次叫咗小辣，其實仲可以加$26要寬粉，不過酸菜魚已經夠曬大份，所以就無加到。魚片厚身爽滑，吸飽酸菜嘅精華，食落香口，酸菜調味相當出色。配料有菇片、萵筍及白蘿蔔等，菇片有先煸香過再加入酸菜魚，連埋些酸菜一齊食好惹味。

幾乎每一區也分店的「十三少」最近推出抵食的冬季二人套餐，包涼菜一款、主菜兩款，可以一嚐招牌的酸菜魚，更可加配原個椰皇燉響螺。近著堅尼地城站的西環分店，寬敞的環境很舒適，帶點現代的中國風格。二人蟹逅滋味餐 - $388涼拌土豆絲根根分明的土豆絲，蘸滿酸辣的花椒油，入口又柔韌又脆，味道香而不膩，非常開胃。十三少酸菜魚可走辣的酸菜魚十分罕見，蒜香味會更濃郁。招牌的酸菜魚採用鮮鱸魚製成，一片片雪白的鱸魚片肥美肉厚，份量非常豐富，魚肉嫩滑無刺，不腥又不易散開，加上四川正宗老壇酸菜和潮汕酸菜，以及原魚湯底，味道充滿層次。十三少蒜香荷葉蟹飯(細)即叫即蒸的荷葉蟹飯份量超多，兩隻膏蟹的蟹膏鮮甜微鹹，蟹肉很鮮甜多汁，荷葉飯粒粒軟潤而爽鮮，帶有荷葉的清香，連同蒜蓉混起來非常惹味。紅棗雪耳糖水惠顧晚市即送，濃甜潤滑的糖水最適合乾燥的天氣滋潤身心，又能解辣。

入秋天氣轉涼，今晚去食辣辣川菜，地點揀左堅尼地城既十三少。之前黎過發覺都唔錯。小食係炸黃豆，脆卜卜，好香口。椒麻皮蛋椒麻皮蛋擺盤不俗。皮蛋靚靚鋪係外圍，中間就放好辣椒蓉同蒜泥，個汁加左醋，酸辣度調得開胃，一啲都唔麻。透明蛋白超彈牙，個蛋黃溶溶地，好味道。十三少酸菜魚招牌十三少酸菜魚當然一定要食。上菜時，服務員話酸菜魚嘅湯底係用魚湯整，建議我地可以先飲一啖魚湯試試味。今次叫咗唔辣，點知原來好好味，可以更加飲到個湯既鮮魚味。個魚湯唔油，好清。大大碟酸菜魚有好多連皮魚片，魚片食落非常嫩滑，而且魚味夠鮮，加上又冇骨，好方便。酸菜魚當然仲有主角酸菜，其他配菜都好豐富，蔬菜量足，包括菇片，萵苣片，同白蘿蔔片，蔬菜吸左個湯味道好好。調味料方面就有大量白芝麻粒同薑絲，食到好香既白芝麻味道。加上菊花瓣點綴，賣相更加吸引。十三少蒜香荷葉蟹飯秋天來了，當然要食蟹。呢個十三少蒜香荷葉蟹飯要等30分鐘。荷葉蟹飯熱辣辣上枱，一大片荷葉上面有好多好濕潤既飯，上面加滿蒜蓉同蔥花，食落個飯非常濃蒜香。飯面鋪咗兩隻蟹，蟹肉好淋好淋，蟹鉗都多肉。飯量真係多到食唔哂。餐廳裝修古色古香，今日坐係入面卡位，分外舒適。

放工去到十三少，一嚐酸菜魚滋味。平日行過都見到吾少人，但一直未有機會食。十三少酸菜魚酸菜魚可揀辣或不辣，仲可以揀份量。可揀份量真係幾爽。如果多人食，就可以揀份大。 普通係$238， 份量大既係$328寬粉就加$26。店員話先試湯後試魚。湯係幾鮮，不會死咸既辣，幾香，好惹味，仲有魚鮮味。魚片好滑，都幾爽口新鮮，而且魚都幾高質椒麻皮蛋揀了皮蛋，與連鎖米線店的吾同。皮蛋好香，加上麻同辣， 都幾好食蒜香荷葉蟹飯荷葉飯向來包住蒸，令個飯有荷葉清香。另外蟹有2隻，蒸既過程個味滲曬入去。加上蒜蓉，就更香。 個個蟹蓋塞滿左蒜， 食落去已好香好香。個飯真係好食。 最後食番個糖水

今晚收工去左堅尼地城既十三少食川菜。小食係炸黃豆，脆卜卜，好香口。椒麻皮蛋椒麻皮蛋真係同上次一樣咁好食。皮蛋應該有兩隻，切開之後擺好喺隻碟，中間就放好辣椒蓉同蒜泥，個汁加左醋，少少酸辣，一啲都唔麻，好開胃。透明蛋白超彈牙，個蛋黃又滑又香，質感好正。豬手豬手一客有10件，份量超多，熱辣辣上枱。豬手炆得超腍，骨膠原重，食完個嘴黏黏地，唔覺肥。食落帶少少辣，好好食喎。十三少酸菜魚十三少酸菜魚真係超大碟！酸菜魚嘅湯底係用魚湯整，服務員建議可以飲一啖先。連皮魚片有好多，非常滑又有鮮魚味兼冇骨。叫左少辣，辣度好啱。除左酸菜，其他配菜仲有菇片，萵苣片，同白蘿蔔片，吸左個湯都幾好食。再加上薑絲，大量白芝麻粒，辣椒，花椒，味道調得唔錯，唔會太辣或過麻。呢度酸菜魚真係好好食，魚鮮肉嫩。紅糖糍粑就算幾飽，都一定要食甜品。糍粑一客8件，伴有紅糖醬，擺盤唔錯。糍粑炸得皮脆而內煙韌，但係全不油膩，伴少少紅糖醬食有少少甜味就夠。服務員殷勤加水，又會幫手換碟。食甜品都會幫你換新碟。值得一提係呢度供應免費檸檬凍水，可以幫辣嘴降降溫。最後要多謝友人請客。

這間在西環無論內外都富中國色彩的十三少已開了一段時間，搭車行街多次經過，今日提早食晚飯，就食酸菜魚吧。雖然午市套餐還有供應，不過我們既然是食晚餐，加上好鬼肚餓，決定叫個「滋味2人套餐」加甜品，豐富點。套餐相當豐盛又夠份量，好彩肚餓，否則可能食唔曬。「滋味2人套餐」（$338）（涼菜3選1）椒麻皮蛋/涼拌土豆絲/蒜泥青瓜由於一坐便奉上的弟前菜已是蒜泥青瓜，皮蛋常常有得食，所以我們選了涼拌土豆絲。這個四川家常小菜酸脆爽口，土豆（薯仔）雖然是澱粉質，但不覺飽滯，反而非常開胃。（主菜2選1）十三少酸菜魚/水煮魚不用考慮，點了酸菜魚少辣。好大窩呀！用筷子撥一撥，發覺它是無薯粉的，即是說，全窩都是魚和配菜，魚還要特別多！侍應介紹說是用新鮮鱸魚和鮮魚湯淆製。的確，鱸魚非常嫩滑，厚肉，無骨，鮮味。配菜是蒿筍、菇片、蘿蔔片和酸菜等。除了酸菜沒有剪開，較長和韌外，其餘都好好食。不過我個人認為加點薯粉索湯不是更好嗎？這一鍋酸菜魚夠酸少辣，配白飯吃好滋味。（小菜4選1）乾煸四季豆/麻婆豆腐/川式口水雞/麻辣滷豬手立即有選擇困難，樣樣都想食。最後選了口水雞。它的醬汁比外面的杰，感覺上無咁多油，味道麻辣鹹香，很惹

今日難得出黎食午餐，去左堅尼地城既十三少，食返個川菜。個門口裝修好中式，離遠都望到。一坐低服務員就先上兩碟凉菜，分別係凉拌土豆絲同蒜泥青瓜。兩碟都好爽脆，味道少少酸辣，唔會太油。第一次黎，就試試個滋味2人套餐，$338另加一。包凉菜3選1，主菜2選1，小菜3選1同白飯兩碗。椒麻皮蛋凉菜3選1。我哋揀左椒麻皮蛋。皮蛋兩隻，切開之後擺好喺隻碟，中間就係辣椒蓉同蒜泥，個汁加左醋。透明蛋白超彈牙，個蛋黃又滑又香，而個汁少少酸辣，一啲都唔麻，好開胃。十三少酸菜魚主菜2選1，可選十三少酸菜魚或者水煮魚，我哋揀左十三少酸菜魚。隻碟真係超大碟！酸菜魚嘅湯底係用魚湯整，服務員建議可以飲一啖先。連皮魚片有好多，非常滑又有鮮魚味兼冇骨。酸菜真係好鹹酸，需要咬吓。其他配菜包括萵苣片，菇片，同白蘿蔔片，吸左個湯都幾好食。再加上薑絲，大量白芝麻粒，辣椒，花椒，味道調得唔錯，唔會太辣或過麻，不過都邊食邊出汗。川式口水雞小菜3選1，除左餐牌上面嗰兩款，仲可以揀川式口水雞。口水雞一客10件左右，有雞脾又有雞胸，肉質唔錯，雞皮有彈性。用左大量辣油再灑上大量白芝麻粒同少少蔥花。味道當然係又麻又辣。仲伴有少少青瓜。白飯包白飯

今日同女友去左十三少位於西環既分店，門口俾人一種古色古香既感覺，至於餐廳入面裝修簡約闊落，卡位後面既屏風好靚😍十三少推出二人套餐，包括涼菜、主菜同小菜，另外加$28仲有紅糖糍粑😍一坐低就有小食！- 涼拌土豆絲每條土豆絲都切得好薄，口感清脆，同時慢慢滲透一陣麻辣味，整體味道酸酸辣辣，非常開胃！- 十三少酸菜魚配料款式幾多，包括萵筍、雞骴菇同芽菜。酸菜魚湯用左兩款酸菜熬製而成，酸味同麻辣兼備，而且酸中帶鮮😍。酸菜全部係葉塊並無粗莖，口感爽嫩，湯可謂鮮、酸、辣、香集於一身👍🏻魚類方面，餐廳採用鱸魚，魚肉先拌入蛋白再煮，所以肉質非常滑溜，而且無骨可以大魚大肉。- 乾煸四季豆四季豆好大份，四季豆炒得好乾身，唔油膩之餘辣勁十足。- 紅糖糍粑賣相好似經典遊戲層層疊🤣，糯米炸成金黃色，外層有少少脆，入面既糯米好煙韌。糍粑本身無咩味道，所以要點一點黑糖汁先最正！總括而言，套餐好抵食，$350就食到咁多菜式！

是日於西環這邊下班，跟同事被門外傳統中式的裝修吸引了，細看餐牌，發現二人餐的價錢好划算，便入去試試，就連裡面的裝修也充滿古典色彩。侍應服務頗好，會主動更換新的碗碟、餐具及食水。餐前小食蒜香青豆，每粒青豆也炸得酥脆。滋味2人套餐 - $338十三少酸菜魚好多片厚切的起骨魚肉片，火喉剛剛好不會老，肉質嫩滑而不易散，有的連著魚皮，更加鮮味；乳白色的湯頭混合了奶湯及魚湯，加上老壇酸菜等配料，變得酸香鮮美，微辣而不膩，特別加入白芝麻更添香味。口水雞雞肉切件頗多，鮮雞皮爽肉嫩，入口滑溜；那口水汁更是靈魂所在，十多種香料炮製而成，麻辣味十足，更有很多白芝麻增添口感及香氣。椒麻皮蛋皮蛋的蛋白變得冰晶透光，蛋黃則有半溶化的質感，配上椒麻那微微的麻辣感，好甘香軟綿。紅糖糍粑 +$28即叫即炸的糍粑外脆內糯，好煙韌彈牙，淋上些少紅糖好香甜，更有黑醋汁，味道酸中帶甜。白飯吃麻辣的東西好需要白飯，食慾大增，正好跟兩碗。

哈哈 又係食酸菜魚嘅時候！成日間唔中都會心絲絲想食川菜，想食酸菜魚😂 我地兩個人，總共叫咗4樣嘢食，超級飽🤣😋.涼拌土豆絲十三少酸菜魚川式口水雞紅糖糍粑.涼菜要咗涼拌土豆絲，分量幾多。土豆絲幾爽口，味道少少辣又夠味，不過我覺得可以再酸啲。🤣🤭小菜要咗口水雞，有超級多芝麻鋪喺面好香！加上雞件又唔鞋，重幾滑！雖然你見到佢紅卜卜好似好辣咁，但我朋友唔係好食得辣都覺得接受到😋😋主角酸菜魚嚟喇！🤩酸菜魚有得揀辣度甚至可以唔辣，不過店員推介要小辣比較惹味啲！第一啖試吓個湯先，酸味辣味都夠，重會飲到啲魚湯味😋 魚片份量好多又大片，重要冇骨，啖啖肉！除咗魚片之外仲有啲配料：萵筍、杏鮑菇、白蘿蔔。最後甜品叫咗紅糖糍粑🤩面頭舖滿黃豆粉，重要啱啱炸起，外脆內軟，口感好軟糯配埋啲黑糖漿，好解辣，係我好鍾意嘅甜品！🤩🥰